2022-05-04 04:23:24
حابب احكي شوي عن الصلاة وعن اللي مابصلي وماعم يعرف كيف يحافظ على صلاتو
بعرف انو طويلة ومحدا ليقرأ بس بتمنى هالعدد القليل يقرأ ويستفاد
امشي بمبدأ انو الصلاة مو شغلة روتينية انت مجبور تعملا
ﻷ امشي انو انت رايح تقعد مع ربك شوي
تقعد معو خمس دقايق كتير عليه؟
كتير عاللي خلقك؟
اللي عطاك كلشي؟
استعد للصلاة كأنك رايح تقابل حدا بتحبو روح وانت متلهف
اول ما ترفع ايديك وتقول الله أكبر ابتسم إبتسامة حدا مشتاق عبقابل حدا بحبو
عفكرة مو غلط انك تحكي مع ربك.. هاد اللي خلقك اللي أقرب من أبوك و أمك
اقرأ كل كلمة بهدوء "الحمد لله رب العالمين" اللي خلقك يرد عليك ويقول "حمدني عبدي عبدي شكرني وعرف انو النعمة اللي معو من عندي"
وتكمل "الرحمن الرحيم" ويرد يحكيلك "شهد لي عبدي إني رحمن رحيم خود يا عبدي من رحمتي كمان" وتسمع ربك عم يرد عليك فبتضحك وبتكمل "مالك يوم الدين" ربك بيتباهى فيك قدام الملائكة وبقلهن "عبدي شهد إني مالك يوم الدين خففوا عنو يوم الحساب حسابه"
"إياك نعبد و إياك نستعين" يرد ربك "صدق عبدي عبدي صادق هو بيعبدني خود يا عبدي حسنات وانا معك يا عبدي"
فتبتسم أكتر و بتجي لآخر جزء "إهدنا الصراط المستقيم" وربك يرد "بس هيك يا عبدي؟ عبدي طلب مني طلب و له ما طلب"
الصراط المستقيم هاد اللي رح تمشي عليه يوم القيامة كل ما كان مستقيم كان وصولك للجنة أسهل
اقراوها شوي شوي
بعدين في مرحلة الإعتدال من الركوع لما بتحكي "سمع الله لمن حمده" احمده انت بطريقتك احكيلو "ربنا لك الحمد كما ينبغي لجلال وجهك و عظيم سلطانك شكراً على كل النعم اللي قدمتها الي" احكي معو بطريقتك
هلأ وقت السجود لما تهمس ببطن الأرض فبيسمعك اللي بالسما
#احكيلو حبك اله قلو خليك معي بالمحنة الفلانية يارب #ولا تتركني
احكيلو أنا محتار
احكيلو بدي قلك شغلة يارب و فضفض
احكي مع ربك باللغة العامية "يارب بدي أحكيلك شغلة أنا صار معي موقف.." طبعاً ربك بيعرف كل دابة نملة على ضهر الأرض
وبيعرف الموقف اللي انت عم تحكيه طبعا انت رح تخربط بالكلام بعدين بترجع تحكي وبتبتسم وتخلص كلامك و تفرح
بعد ما تخلص الصلاة سلم عليه مو السلام التقليدي لا
يعني لما انت بتسلم عحدا بتحبه وبتقلو "كان بنفسي تقعد معي كمان شوي طيب خليك شوي رح اشتقتلك ايمتا لاشوفك مرة تانية"
طيب هاد ربك بتعرف شو يعني ربك؟
خلص القعدة معو و احكيلو "رح شوفك مرة تانية لانو بدي احكي مواضيع كتيرة ما حكيتلك ياها رح اجي بصلاة الفجر النا قعدة طويلة ان شاء الله
وتروح و انت حاسس إنو مافي متلك بهالدنيا مو غرور بس فخر و سعادة و راحة و طمأنينة "انا كنت قاعد/ة مع ربنا" بعدين أي مشكلة رح تواجهك ولا رح تهزلك شعرة
بتعرف ليش؟
لانو رح تروح فورا تشكي لرب العالمين وهو الوحيد اللي رح يحللك امرك
بتحكي بينك وبين حالك "طيب والله مافي غير احكي لربنا لما شوفو اللي هي الصلاة الجاية" وتحس براحة كبيرة
دخلك انت بتقعد بتحكي مع ربك هيك؟؟
#واخيرا بعتذر ع الإطالة بس هالحكي طلع من القلب
187 views 𝕟𝕦𝕣𝕒 ︎♫︎♪, 01:23
ي
