The Red Pill

2023-03-16 20:59:21 السلام عليكم،
اليوم انا بغيت ندوي على واحد جوج نقط مهمين و اللي الصراحة عمري شفت شي واحد رد ليهم البال و لا دوا عليهم. بغض النظر علاش واش نت RED PILL و لا لا فراه خصهم تعرف التعامل معاهم باش تنجح فحياتك. النقطة اللولة هي التحليل. التحليل هنا كنقصد بيه هو تحلل و تفكر مزيان فأي معلومة عرفتيها و لا سمعتيها و تشوفها واش صالحة لك و لا لا. و هاد الاستهلاك الضمني ديال الافكار هو اللي خرج على البنات و هادشي عادي حيت هما كتغلب عليهم العاطفة كتر من العقل.و لكن حنا كرجال القدرة على تحليل داكشي اللي كنعرفوه و لا كنتعلموه خص يكون عندنا بشكل تلقائي حيت هادشي اساسا اللي كيميزنا.مثلا، ملي شي واحد فهاد المجموعة كيبارطاجي معانا شي حاجة ماخصناش نشدوها كيما هي و نطبقوها فGاع المواقف اللي كطرا لينا حيت لادرتي هادشي راك ما RED PILL ماوالو. و هادشي بالظبط اللي خلا SIMPS كثرو حيت كيشوفو شي لقطة فشي فلم و كيطبقها على شي درية و كيطيح من قيمتو قدامها و كتحتقرو. وهادشي خاص يكون معاك فأي خطوة كديرها فحياتك حيت لا خليتي اي حاجة دوز عليك مرور الكرام غادي تصيد فأهم قرارت حياتك و مع الآسف غادي تفشل. هاد القضية أهم حاجة الا بغيتي طلع من SMV ديالك و تكون عندك قيمة مع راسك و فالمحيط ديالك و تكون ناجح. ثاني حاجة آخوتي هي تخلي الفراغ يسيطر عليك، يعني من غير الخدمة و لا القرايا ما كادير تالعبة أخرى و هادشي اللي أغلبية ديال الدراري يعمرو هاد الفراغ بالتعناب و SIMPING. النجاح ماكيتقاسش بالصالير و لا الخدمة و لا شحال قاري بوحدهم النجاح كيتقاس بالمستوى اللي نت بغيتي توصل ليه. و لا كنتي بغيتي تنجح فحياتك باش تكون عندك قيمة عند الدريات فاسمح ليا خويا نت ماشي شخص ناجح حيت النجاح ديالك بنتيه على ود باش يديها فيك الشنتيت و نسيتي راسك. اهم الأشخاص لي خصك تنجح على ودهم من راسك هما واليديك حيت هما اول جوج اشخاص كيتعدبو نهار كطيح و الفشل ديالك كيشوفوه فيك داكشي علاش نجح باش تفرح دوك جوج ديال الناس اللي كيشوفو الفشل و النجاح ديالك فيهم و فرحهم حيت هما اللي غادي تلقاهم ديما معاك و فجنبك.

by:Sabri Open / Comment

2023-03-15 03:31:11 من أخبث الإستراتيجيات التي تقوم بها الأنثى باش تطيح الرجل في الفخ و يتزوجها هو أنها تادخل لحياته فشي فترة تايكون فيها ضعيف نفسيا : وفاة أحد الأقرباء أو ضائقة مالية أو اكتئاب أو مشاكل أسرية ... و تما تاتمثل عليه دور بنت الناس الصبارة اللي تاتبغيه رغم الضعف ديالو ... تما تاياخذ الذكر الطعم و بحكم الضعف النفسي ديالو ماتايبانوش ليه red flags و ماتايقدرش يحط شروط فالزواج.

تما تايدار ليه مسكين.

حذاري حذاري ...

by:Abde Open / Comment

2023-03-13 17:44:27 نصيحة من خوكم
بغيتي تنجح ف حياتك؟ ابتعد عن العلاقات العاطفية
بعد من البنات في سن 18 تال 27 كاع ايلا كنتي عوال دير شي كاريير مقووود و توصل لسى مستوى دراسي كبير
اغلب العلماء و الباحثين و رواد الأعمال و المال تاريخيا كانو مستقلين بوحدهم بدون شريك انثوي
فاش كتكون في علاقة عول على راسك جهد كبير من العقل و العاطفة غادي تستهلكو بشكل سلبي خصوصا و ان اغلب البنات مراض نفسيا و كيحاولو ديما يطبقو عليك ديك النرجسية الخاوية لي كيربطوها ب مشاكل الهرمونات... الخ
او حتى ايلا كنتي كتعرف تسير الموقف و الوضع و تفرق بين العلاقة و حياتك العملية و المهنية غادي تجي هي ف لخر تقوليهم هادشي را بسببي انا لي وقفت معه تحت شعار كوني سند له و وراء كل رجل عظيم إمرأة.. و دوك الشعارات الفاسدة ديالهم لي كيبغيو ديما ياخدو الحاجة الايجابية من حياتك البطل
حاول تقرأ و عمرك توقف الدراسة مهمة ماتوقفش و ماتقنطش.. انا شديت الباك ب مقبول و هاني دبا وصلت كندير الدكتوراة في الاقتصاد و كنمشي نشارك تانا ف الندوات و نعطي دروس و كولشي و عندي التجارة و خدام بيها و بخير و يلاه سن 29..
هادشي كامل بدون اني نحط ف حياتي شي وحدة لي تحمقيني و ترهقني عاطفيا و نفسيا و تمرضني ب علاش مكتجاوبش ولا علاش مكتسولش فيا و مالك معصب ولا مالك مزمر.. هادشي وفرو ل راسك و لوالديك و نهار غادي توصل راك غادي تختار لي بغيتي ب المعايير لي بغيتي اقل من 20 سنة و الفتاوة و الطراوة اخلاقيا و دينيا و جسديا و لي بغيتي و خلي الشعبوكات القهويات يتسناو لي يسترهم..

by:Molay Open / Comment

2023-03-12 05:06:37 واحد النوطة لا بأس بالتذكير بها وهي أنه فالتعامل ديالك مع الأنثى خاصة شي انسانة كاتكن ليها نوع من الحب اللامشروط
غالبا غاتكون معاها انسان معطاء وكريم الشيء لي كايخليها تشوف العطاء ديالك ليها كحق من الحقوق والتعامل ديالك معاها كواجب ماشي پليزير منك أو ما يصطلح عليه فعلم النفس الendowment effect وكيفاش الانسان كايميل لعدم تقييم الأشياء التي يمتلكها
لكن التعامل غايخليك نتا هو الحلقة الأضعف
واحد المقولة مشهورة عندنا فالاقتصاد كايقوليك there's no free lunch وحنا المغاربة كانقولو هاك و ارى. التجارة مافيها حزارة
ماشي بالضرورة نتا ديما لي دير الfirst step وعند كل أزمة نتا لول لي تعطي يد العون ونتي ديما لي دير مجهود باش ترضي الطرف الآخر

هاد الانسانة فتعاملك معاها خص توريها أنه الوجود ديالك فحياتها عبارة على blessing خصها تقدم المقابل للحفاظ عليها وأنك نتا عبارة على نعمة آيلة للزوال فأي لحظة وأنه كيفما أنا كانستافد منك (واخا غالبا ماعندها باش تفيدك) تا نتي كاتستافدي مني وليست لك اليد العليا وإنما أنا لي عندي داكشي علاش غاتمشي وفق القوانين ديالي ماشي ديالك

فتاريخ الاسلام لطالما كانت المرأة هي لي خصها دير مجهودها الكامل باش ترضي الرجل لي اصلا مشغول بتحقيق العظمة
لكن مع هاد الفترات المطولة من السلم والرومانتيسيزم لي كايعيش العالم تقلبات الآية او ولا الرجل هو لي مطالب منو يرضي كائن ماراضيش على راسو
تذكر ديما أنه ماكاينش شي حاجة كاتعطا بدون مقابل Open / Comment

2023-03-12 02:59:50 شخص ريدبيل يجب ان يكون هكذا :
- البنات ماشي بحال بحال ولكن انت فدماغك خاصك تجعلهم يكونو بحال بحال باش عمرك تحط سلاحك، ماتيق فحتى وحدة ابدا، و حتى يلا كانت بنت الناس شكون ضمن ليك غتبقى بنت الناس ديما.
- كون انسان واعي، ماغانقوليكش كون انت و ديك الهضرة الخازية كيفما كايقولو الفيمينيست انتي اجمل كيفما كنتي، لا لا انت يجب عليك ان تتطور.
- خدم عقلك و حيد العاطفة، دير فبالك ان العاطفة هي بحال يلا حيدتي برنامج الحماية لحاسوبك فأي وقت تقدر تصاب بفيروس ويضمر بيسي ديالك.
- تصرفاتك خاصهم يكونو رجولية واخا ف ادوار فكاهية، عمرك تقلد تكون امرأة ولا تهضر بهضرتهم ياختي اويلي ههه تحية للناس لي قراوها بالصوت الانثوي اتا نوضض ههه.
- انت الجائزة، ملي غادير القيمة لراسك و تعرف انك نادر ناس غايبغيوك و غادي يأكدو ليك الهضرة.
- متبكيش قدام الدريات ، حاول متبكيش كاع وحتى يلا بغيتي تبكي طلع لشي جبل بحدك و بكي
- ضعف ديالك متبينو لحد ابدا
- نقاط ضعف ديالك ضحك عليهم قدام الناس و فالخفاء حاول تطورهمم
- متكفتش، طاقتك كتمشي على والو
- هضرة قليلة و وازنة ديما دير هاكا
- صاحبك ثم صاحبك ثم صاحبك عشرين مرة عاد باش صاحبتك
- متقولش للنساء انك ريد بيل، فعليك ابتلاعها و ليس مشارتكتها مع الحيضيات
- احترم نفسك و احترم الناس

زيدو نصائح من عندكم و حطوهم فكومونطيرات Open / Comment

2023-03-10 03:47:22 الحوايج لي خصك ضروري تعرفهم :

-البنت لي كتقلل عليك الاحترام كاتختابر قوة الشخصية ديالك، بمعنى كتشوف واش غتوقف ليها ولالا، ديما وقف ليها خص تكون عندك مبادئ وخطوط حمراء ماخصهاش تجاوزهم، خصها تحتارمهم لأن الإحترام صديق الإنجذاب لاماحتارماتكش عمرها غاتنجذب ليك غاطيح ليك القيمة الرجولية، خص ديما يبقا عندها داك الخوف من أنها تخسرك حيت هو لي كيخلي الإنجذاب يستمر، إلى عرفات أنك ميمكنش تبدلها بنساء خرين إذن علاش غاتحتارمك ؟ ايلا ماحترمتكش أي حاجة غاديرها أنت غاتثير الإشمئزاز، وتقليل الاحترام مكنقصدش الإنتقاد، فرق بيانتهم الإنتقاد بوحدو خصك أحيانا تجاوزو وأحيانا أخرى ترد عليه بلباقة وبرودة وثقة بالنفس.

-البنت عمرك تعطيها اليقين بأنك معجب بيها ولا شي لعبة، لاعرفات كاتطفى خص ديما يبقا عندها الشوق للاستطلاع، وكون متناقض مرة مرة فالتصرفات ديالك باش تبقا مشطونة فعقلها بك بقوة التساؤلات لي كتطرح على راسها وهنا كيتحركو ليها المشاعر ديالها وكيخدمو فصالحك أنت.

-البنت ما عمرك تبقا تعتذر منها، ولا طلبها "واش ممكن كذا ولالابغيتي، سمحي ليا" هنا كتبان ظعيف وكتقلل من قيمتك وكاتحطها فرتبة متفوقة عليك، ديما كون مباشر قصد وجي نيشان، هي بشكل متعمد غاتحطك فمواقف باش تختابرك واش غاتخلى فيهم على المعايير لي وضعتيهم.

-شوف داكشي لي كادير عمرك تيق داكشي لي كتقول، حيت الحوايج لي كتبغيهم عمرهم ماكيتغلبو على الحوايج لي كيثيروها، إذن تجاهل كلامها وشوف التصرفات.

-فالسوشل ميديا، ماتبقاش ترياكتي دير جيم ولا كمونطير هنا كاتحطك فالفراند زون، خصك تكون مختلف على القطيع.

- ماعمرك تبقا تنفذ الطلبات ديالها، هنا كاتخضع ليها كخضوع العبد للسيد، غاتولي دمدومة، وغاتشفق عليك وغاتمشي ليك الهبة ديالك، حيت كترجعها هي النقطة المحورية عوض ما تكون أنت، يلا طلبات منك شي طلب، ديما طلب منها حتى أنت المقابل فالبلاصة، ماشي مقابل مادي بل معنوي.

-ماخصكش تكون فرحان لارجعات البنت من بعد الرحيل أو فترة من الصمت، لارجعات ماكيعنيش أنها بغاتك، كيعني طريقها ماكانتش مسرّحة بما فيه الكفاية للابتعاد، كانت كتعتقد أنها تقدر تلقا ما حسن منك، ولكن فشلت، وبالتالي وليتي آخر خيار ليها، هادشي علاش خصك ترفضها رفض تام وتبقا بعزك.

-البنت كتكافئ الرجل على الذنوب د القوة، وكتعاقبو على أعمال الظعف الحسنة، الرجال الذكيين كيعرفو هادشي.

-النساء اعتادو على أنهم يرفضو الرجل لي ماعندوش وظيفة أو فقير، حتى أنت كرجل خصك تعتاد على رفض المرأة لي مازويناش ولي فقدات البويضات فسن 30، ماتنازلش على المعايير ديالك.

by: Ãbdè Open / Comment

2023-03-09 01:25:08 واحد النوطة لا بأس بالتذكير بها وهي أنه فالتعامل ديالك مع الأنثى خاصة شي انسانة كاتكن ليها نوع من الحب اللامشروط
غالبا غاتكون معاها انسان معطاء وكريم الشيء لي كايخليها تشوف العطاء ديالك ليها كحق من الحقوق والتعامل ديالك معاها كواجب ماشي پليزير منك أو ما يصطلح عليه فعلم النفس الendowment effect وكيفاش الانسان كايميل لعدم تقييم الأشياء التي يمتلكها
لكن التعامل غايخليك نتا هو الحلقة الأضعف
واحد المقولة مشهورة عندنا فالاقتصاد كايقوليك there's no free lunch وحنا المغاربة كانقولو هاك و ارى. التجارة مافيها حزارة
ماشي بالضرورة نتا ديما لي دير الfirst step وعند كل أزمة نتا لول لي تعطي يد العون ونتي ديما لي دير مجهود باش ترضي الطرف الآخر

هاد الانسانة فتعاملك معاها خص توريها أنه الوجود ديالك فحياتها عبارة على blessing خصها تقدم المقابل للحفاظ عليها وأنك نتا عبارة على نعمة آيلة للزوال فأي لحظة وأنه كيفما أنا كانستافد منك (واخا غالبا ماعندها باش تفيدك) تا نتي كاتستافدي مني وليست لك اليد العليا وإنما أنا لي عندي داكشي علاش غاتمشي وفق القوانين ديالي ماشي ديالك

فتاريخ الاسلام لطالما كانت المرأة هي لي خصها دير مجهودها الكامل باش ترضي الرجل لي اصلا مشغول بتحقيق العظمة
لكن مع هاد الفترات المطولة من السلم والرومانتيسيزم لي كايعيش العالم تقلبات الآية او ولا الرجل هو لي مطالب منو يرضي كائن ماراضيش على راسو
تذكر ديما أنه ماكاينش شي حاجة كاتعطا بدون مقابل Open / Comment

2023-03-08 22:34:24 (No hate for women that's just the truth)
منقووووول

هاد الهضرة كيخسرو عليها الزبابل الفلوس فالدورات و نتا اخي اتخدها مجانا باش تعمل بيها

المهم هادشي فإطار تنوير الرأي العام وبطبيعة الحال بدون تعميم .

غاندوي دبا عتخاور ديال البنات، لي كايبان ليا من اهم الحوايج لي خاصك تعرف على النساء.

عبر التاريخ، و فجميع الحضارات، غتلقاهم تكلموا على كيفاش معمرك تيق فالجنس المؤنث، و بطبيعة الحال فواحد الوقت ملي كتكون عندك 13 عام، كتقول هدشي حكرة، و مال البنات مساكن؟

تاريخيا، المراة معمر كان عندها باش تدافع على راسها، فيزيكمون راها ضعيفة، لقات طريقة وحدة باش تعيش هي manipulation، اي التلاعب. و هكذا عبر آلاف السنين، استطاعت ان تفرض مكانتها، ليس بقوتها او عقلها، فقط بالتلاعب، يعني خاصك تعرف ان ملي كندويو على الجنس المؤنث، راك كدوي على الالاعيب.

المقولة الاولى : Women don't leave, they betray.
النساء مكيمشيوش و يخليوك، و لكن كايخونوك.
فمثلا، شحال من واحد كتعرفو كان مع صاحبتو ولا مرتو، و فشي لقطة طرات بيناتهم، و كيتفارقو، مكدوز سيمانة حتى كايلقاها معنقة واحد آخر. خاصك تعرف اخي الزنجي ان هداك لاخر كان دائما فالصورة، و لكن كانت مخبياه.

مثلا عوتاني، واحد مع صاحبتو، كتبقا دير ليه فالمشاكل بلعاني باش هو يقول ليها الله يعاون، ملي كيتفارقو شي شهر، كتمشي تهزو مزيااااان، و خونا كيتزير بيه لحال كايبغي يردها، مكتقول ليه والو، حيت بالنسبة ليها هو لي تفارق معها، و هي ملي مشات ولا ت**وات مع لاخر را كانوا مفارقين، و لكن القالب هو انها كانت مبلانيا هادشي كامل من الاول باش ت*وا مع لاخر بدون تانيب ضمير، و كتلوم صاحبها. هنا كيستعملوا المقولة الشهيرة ديال "ياك نتا لي بغيتي".

و حنا نازلين و كنتعمقوا دبا، شد فراسك.

من الاساسيات لي خاصك تعرف على المراة انها دائما في بحث عن رجل افضل، وخا تكونوا مصاحبين ولا مزوجين 5 سنين، راها باركا كتقلب على من حسن منك، و ملي كتلقا، كيديروا واحد الحاجة سميتها المنكي برانشين، يعني فحال القرد ملي كايبغي ينقز من شجرة لشجرة، مكيطلق من الاولى تا كايشد فالثانية مزيان. هنا فين واحد كايكون مع وحدة شوف شحال، كايجي واحد يخطبها حسن منو، مكتعقلش عليه، الساط كيتصدم، اواه، ضربنا هادشي كامل و مشات فدقة؟ مكيفهم والو، فحالا عمرها عرفاتو. هذا يا اخي سميتو the light switch effect، يعني كتطفيك فحال لانكاصا ديال الضو، تشك، فحالا عمرها عرفاتك، و هاد القدرة العجيبة عند النساء منين جابوها؟

تفكر تاريخيا، ملي دولة كتهجم على دولة، ناخدوا المانيا ملي دخلات على فرنسا كمثال، الفرنسي هاز السلاح باش يدافع على مرتو الفرنسية، كايجي الالماني كايقتلوا قدامها، هي آش كدير ؟ كت*وا مع الالماني لي يلاه قتل ليها راجلها، باش ميقتلهاش هي، يعني كتنسا راجلها فلبلاصة فحالا عمرو مكان. و النساء كانوا دائما غنائم حرب حيت معندهمش المبدأ ديال الوفاء و الولاء. كيتبعوا السبع او بالاحرى الرابحة.

عقلتي ملي كنتي مصاحب مع شي بنت و كتقول ليك، شفتي انا عمري نتفارق معاك؟ حياتي كاملة معاك غير نتا... كيطرا شي مشكيل، راها مغطة كتهز فيه من عندالزلال الجديد، و نتا جالس كتحسر عليها كي لق**بة... المبدأ، ان المراة مشاعر، و المشاعر مؤقتة، دبا تحبك، غدا تكره دينمك. و المشاعر معمرك تيق فيها. يعني اخي العزيز، اي حاجة قالتها ليك البنت ديما زيد فلخر "دبا"، مثال:
حبيبة ديالي، انا عمري نتفارق معاك = حبيبة ديالي، انا عمري نتفارق معاك، دبا.
اي حاجة كتقولها مخصهاش تفوت عندك نهار، ورا نهار، تسنى اي حاجة.

الحب عند النساء مقرون بشروط، حب الرجال خالص.
نتا مثلا الى تزوجتي وحدة، كتحبها ليها، شوية الفيزيك، ولكن الباقي ليها، و كيكون لامشروط، يعني ان هي ملي كتبغيك، راها كتبغي شي حوايج كتوفرهم ليها لي كايعجبوها فيك، مثلا عندك طوموبيل. بنادم ديلمو باقي مبغاش يفهم ان حب المراة يختلف كليا عن حب الرجل، و الى معندكش داكشي و الى فقدتيه، باي باي الحب. داكشي علاش بنادم ملي كايخرج من لخدمة، مرتو مكتعطلوش، و كايتصدم.
باش تعرف انني مكنخورش عليك، شوف غير متطلابتها ملي كتبغي تتزوج، و غادي تفهم مزيان
المراة كتدير كتكسر جميع القوانين للي عجبها، و كت**بن على لي معجبهاش. مثلا، كتقول ليها اجي نديروا قهوة، كتبدا تق**ن عليك، آه حقا ممسالياش، آه حقا ماما... مع واحد آخر، غتضرب فعائلتها و تمشي معاه. يعني، الى تقح**ات عليك، هز ملاويك و خرج معزز مكرم، بلا متزيد الهدرة.

لمهم هادشي لي طاح لي دبا فلبال فبلانات ديال شي بنات ماشي كلشي مي أغلبية وهادشي كامل غير باش تستهلك بلا متهلك ولا باسلوب اخر باش متخورش وتجي تبكي علينا هنا بالبوسطات تالحزن Open / Comment

2023-03-07 02:24:07 منطقيا بالعقل و غي بشويا شنو غادي يخليني انا كراجل نتزوج موظفة خدامة كاتجي عيانة ، ماكتبغيش تصرف و تحط فلوس فوق الطابلة ، نصرف على وحدة عندها صالير معايا فالدار ، و كتدوز النهار كولو على برا مع المدير و الزملاء و الطرونسبور

و انا خاصني نتأقلم مع التوقيت ديالها ، و ناكل على برا و نصبر و نخلي ولادي فلاكريش ولا عند العائلة كل مرة فين مليوحين ؟ ها ؟ علاش زعما شنو السبب المقنع اللي يخليني ندير هادشي ؟

في حين انني يمكن نتزوج بنت جالسة فالدار ، التركيز و الوقت ديالها كولو ليا كزوج و لولادها و للاسرة و ناكل ماكلة الدار صحية ؟؟ ...

غي بالعقل و المنطق ، علاش نتزوج موظفة و ندخل مشكلة لحياتي نبقا نساوي و نتاقلم مع وقتها و ظروفها المهنية ؟ ...

لهذا كنقوال : اللي مازال كيتزوج موظفة و حق الرب حتا عندو مشكل رجولة و الله ، راه ماكينش راجل سوي كامل الرجولة و الفحولة يتزوج موظفة مڭروضة لكتاف كتعبد المدير و الماكلة ديال الفريڭو

و ولادو مليوحين فلاكريش و كابرين بالكاشير مسموم غي ايلا ما كان شي رويجل عندو مشكل نفسي او جسماني او اقتصادي او مشكل فالقيم و المبادئ... انتهى الكلام Open / Comment