Франсия Россия газини олишни тўхтатди
Франция энди Россия газини қувурлар орқали олмайди. Бу ҳақда Франциянинг GRTгаз қувур линияси операторига таяниб, “Reuters” хабар бермоқда.
“Франция ва Германия ўртасидаги жисмоний оқим тўхтатилгани сабабли Франция 15 июндан бери Россия газини олмаяпти”, – деган компания вакилларидан бири.
GRTгаз маълумотларига кўра, Франциядаги газ омборлари 56 фоизга тўлган.
Маълумот учун, аввалроқ Европанинг учта давлати Россия гази етказиб бериш қисқарганидан шикоят қилган эди. Хусусан, Италиянинг Eni компанияси шартномада кўрсатилган ҳажмдан 15 фоизга, Германиянинг Uniper компанияси эса 25 фоизга кам даромад олганини маълум қилди. Шунингдек, Австриянинг OMV компанияси ҳам Россиядан газ ҳажми камайганини эълон қилди.
@teleradiouz_official kanaliga obuna bo'ling!
https://t.me/teleradiouz_official
