30 йилдан сўнг Душанбедан Тошкентга илк йўловчи поезд кириб келдиБугун, 21 июн куни “Тошкент марказий” вокзалига Душанбе-Тошкент йўналиши бўйича илк йўловчи поезди кириб келди. Бу 30 йил ичида биринчи йўловчи поезди қатнови ҳисобланади.
Мазкур поезд Душанбедан ҳафтанинг душанба кунлари жўнаб, Тошкентга сешанба кунлари етиб келади. Тошкентдан ҳафтанинг ҳар сешанба куни жўнаб кетиб, Душанбега чоршанба куни етиб боради.
Маълумот учун, Тошкентдан Душанбегача темир йўл орқали бўлган масофа 916 кмни ташкил этади. Поезд 21 соат давомида ҳаракатланади.
Эслатиб ўтамиз, Тошкент-Душанбе йўналишида йўловчи поездининг қатнови йўлга қўйилиши ҳақида президент Ш.Мирзиёев Тожикистон етакчиси Э.Раҳмоннинг Ўзбекистонга расмий ташрифи доирасида маълум қилган эди.
@teleradiouz_official
kanaliga obuna bo'ling!
https://t.me/teleradiouz_official
