2022-01-05 11:56:14
2022 မှာ ဒါတွေ မလုပ်နဲ့တော့ ...
-
2021ဟာကျွန်တော်တို့အားလုံးအတွက်
အင်မတန်ခက်ခဲတဲ့နှစ်တစ်နှစ်ပါ
ဒီနှစ်ထဲမှာ ဖြစ်ခဲ့တဲ့ပြဿနာတွေ
အခက်အခဲတွေအပေါ်မူတည်ပြီး
ယခုနှစ် ၂၀၂၂ မှာ မလုပ်သင့်တော့တဲ့
အရာ (၄) မျိုးကို ဝေမျှပေးလိုက်ပါတယ်။
.
1 - အပြစ်မတင်နဲ့
.
ကိုယ့်ရှေ့မှာလူတွေ အမှားလုပ်တာ
အပြစ်လုပ်တာ တွေ့တဲ့အခါ ကျရင်
တလွဲလုပ်တဲ့အခါ၊ အထူးသဖြင့်ကိုယ့်ရဲ့
လက်အောက်ငယ်သားလိုမျိုး ဆိုရင်
ကျွန်တော်တို့တွေဟာ လွယ်လွယ်ကူကူနဲ့
ဘာလို့ဒီလိုလုပ်တာလဲ၊ ဒီလိုမလုပ်ရဘူး
ဘာဖြစ်တယ်ညာဖြစ်တယ် အပြစ်တင်လေ့ရှိကြတယ်
တကယ်တော့ဗျာ အပြစ်မြင်တာကို အပြစ်မတင်ဘဲနေတာက
ပိုခက်တယ် ပြီးတော့ လူသားလဲပိုဆန်တယ်။
လူတစ်ယောက်က အပြစ်လုပ်တဲ့အခါ
သိသိရက်နဲ့လုပ်တာထက် မသိပဲ မှားလုပ်မိတာကပိုများတယ်လေ
သိသိရက်လုပ်ရင်လဲ သူ့မှာမလုပ်ပဲ ရှောင်လို့မရတဲ့ အကြောင်းတစ်ခုခု
ရှိနေလို့ဖြစ်မှာပဲ။ ဒါကြောင့်နားလည်ပေးပြီးအပြစ်မတင်ပဲ
ကြိုးစားနေတာက သူ့အတွက်လဲ စိတ်မညစ်သလို
ကိုယ့်အတွက်လဲ နားအေးတယ်။
.
နောက်တစ်ခုက အခုနောက်ပိုင်း
လူတိုင်းစိတ်ညစ်ကျတော့ Social Media ပေါ်မှာ
အချင်းချင်း အပြစ်တင်ကျ ဆူကြကိစ္စတွေပေါ့
အဲ့လိုဖြစ်တဲ့အခါ ကိုယ်က သူများကို
အပြစ်မတင်မိစေချင်ဘူး ဘာလို့
ကိုယ်ကတင်တင်
ကိုယ့်ကိုတင်တင်
Negativity တိုးတယ်
ဒါ့ကြောင့်ဖြစ်နိုင်ရင်
စိတ်မညစ်ချင်ရင် ဘယ်သူ့ကိုမှ
အပစ်မတင်ပဲလုပ်စရာရှိတာလုပ်တာပိုကောင်းတယ်။
.
2 - လူအထင်ကြီးအောင် မနေနဲ့
.
ကျွန်တော်တို့တွေ ပွဲတစ်ခုခုတက်ဖို့(ကိုဗစ်မဖြစ်ခင်ကပြောပါတယ်)
လူတွေနဲ့တွေ့ဖို့အသုံးအဆောင်ပစ္စည်းဈေးကြီးတာတွေ
ဝယ်ပြီးဆင်ပြီး လူအထင်ကြီးအောင်နေလေ့ရှိတယ်
တကယ်တော့မိတ်ဆွေက အင်္ကျီအကောင်းကြီးဝတ်လို့
ဈေးကြီးတဲ့ဖုန်းကြီးကိုင်လိုက်လို့မိတ်ဆွေကိုလူတွေက
အထင်ကြီးမှာ လေးစားမှာမဟုတ်ဘူးဗျ
အဓိက က မိတ်ဆွေဟာ ကူညီတတ်တဲ့လူ
စာနာစိတ်ရှိတဲ့လူတစ်ယောက်ဖြစ်ဖို့ပဲလိုတယ်ဗျ။
နောက်တစ်ခုက လူတစ်ယောက်ရဲ့
အဆင့်အတန်းဆိုတာ ဘယ်လောက်ချမ်းသာတာနဲ့
တိုင်းတာတာမဟုတ်ဘူးဗျ။
သူ့ရဲ့ Character ၊ သူ့ရဲ့ခံယူချက်တွေ
စိတ်ဓာတ် ပိုင်းဆိုင်ရာတွေအပေါ်ပဲမူတည်တယ်။
.
3 - အနှုတ်ကောင်တွေနားမနေနဲ့
.
အနှုတ် ကောင်ဆိုတော့ အနှုတ်သဘောဆောင်တဲ့
အကြောင်းတွေ ပြောလေ့ရှိတဲ့သူတွေကိုပြောတာ
တချို့ရှိတယ် ဘဝကြီးက အဲ့လောက်လဲ ဆိုးနေတာမဟုတ်ဘဲ
စိတ်ညစ်စရာတွေပဲပြော နောက်ဆုံးကိုယ့်ကိုပါ
ဟိုဟာဖြစ်တယ်ဒီဟာဖြစ်တယ်လာပြော
ပြီးတော့ စိတ်အတူတူညစ်အောင်လာလုပ်
ကိုယ်က စိတ်တွေညစ် အလုပ်က မလုပ်ချင်
တိုင်တွေပတ်... ဖြစ်ဖူးလား.. မြင်လာပြီလား
အဲ့လိုကောင်တွေနဲ့ဝေးဝေးရှောင်လို့ပြောချင်တယ်ဗျ။
အထူးသဖြင့် Social Media မှာပေါ့
အားနေဆဲနေတဲ့ Toxic ဖြစ်တဲ့
Post တွေ Comment တွေမှာ
ကိုယ်မပါမိဖို့လိုတယ်ဗျ။
.
4 - ပစ္စည်းတွေက နေရတဲ့ပျော်ရွှင်မှုကို မလိုချင်နဲ့
.
ကျွန်တော်အရင်တုံးက ဆို အရုပ်လေးတွေ
အင်္ကျီဒီဇိုင်းမိုက်မိုက်တွေ ပစ္စည်း တိုလီမုတ်စ
လေးတွေ ဝယ်လေ့ရှိတယ်။ ကိုယ့်ရှိတဲ့ပိုက်ဆံနဲ့ကိုယ်ဝယ်တာပေါ့
အဲ့လိုဝယ်တော့မယ်ဆို ပျော်တယ် ဝယ်လိုက်ရင်လဲပျော်တယ်
မှတ်မှတ်ရရ Drone တွေ ခေတ်စားတုန်းကလဲအိမ်ကိုပူဆာပြီး
ဝယ်လိုက်သေးတယ်။ ပျော်လားဆိုတော့ပျော်တယ်ဗျ။
ဒါပေမဲ့လေ အဲ့အပျော်က ရေရှည်မခံဘူး
ရက်ပိုင်း အများဆုံးလပိုင်းပဲ ဗျ။
နောက်ပိုင်းသိလာတာက အဲ့လိုပစ္စည်းတွေ
ဈေးပေါပေါ စျေးကြီးကြီး ဝယ်ပြီး ပျော်အောင်လုပ်တာတွေက
ဖြစ်နိုင်ရင်မလုပ်သင့်ဘူးဆိုတာကိုပဲ။
အဲ့အစားလူ့ဘဝမှာအဓိပ္ပာယ်ပိုရှိတဲ့ပျော်ရွှင်ခြင်းတွေ
ကိုလုပ်သင့်တယ် ဗျ။ လူတွေအတွက်လဲအကျိုးရှိမဲ့အရာတွေပေါ့
ဥပမာ ကျွန်တော်အရင်တုန်းက နယ်တွေလှည့်ပြီး
Seminar တွေလုပ်တာမျိုးပေါ့။
ဘယ်အချိန်ပြန်စဉ်းစားစဉ်းစား
ဓာတ်ပုံတွေပြန်ကြည့်ရင်ပဲဖြစ်ဖြစ် ပျော်တယ်
သွားတုန်းကလဲပျော်တယ်
လူတွေအတွက်လဲအကျိုးရှိတယ်
ဒါမျိုးပေါ့။
.
ကဲ့မိတ်ဆွေတို့
ဘယ်အချက်တွေ
လျော့လုပ်ဖို့ကတိပြုချင်လဲဗျ.
#crd
418 views08:56