ЎҚУВЧИСИ РЕСПУБЛИКА ОЛИМПИАДАСИДА 1-ЎРИННИ ОЛГАН ЎҚИТУВЧИЛАРГА | Maʼrifat.
ЎҚУВЧИСИ РЕСПУБЛИКА ОЛИМПИАДАСИДА 1-ЎРИННИ ОЛГАН ЎҚИТУВЧИЛАРГА УСТАМА БЕРИЛАДИМИ?
#Yurist_Xizmati 3258-савол:
Assalomu alaykum, Men 3- kursda sirtqida Tarix yo'nalishida o'qiyman hamda maktabda ishlayman. o'quvchim Respublika Olimpiadasi tuman bosqichida 1- o'rinni egallab Viloyat bosqichiga o'tdi. Man ustama olishga haqlimanmi? Haqli bo'lsam necha foiz olishim kerak. Viloyatda ham sovrinli o'rinni egallasachi?
ЮРИСТ ЖАВОБИ:
Устама бу бир йиллик меҳнатингиз учун тўланадиган сумма. Сиз ҳозир эришган натижангиз учун мукофот олишга ҳақлисиз.
Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”низом 3-иловасига кўра мактабга ташкил этиладиган ишчи гуруҳ ҳудудий, республика ва халқаро фан олимпиадаларида совринли ўринларни қўлга киритган ўқувчиларни тайёрлаганлиги учун Умумтаълим муассасаларининг ўқитувчиларини директор жамғармаси ҳисобидан энг кам ойлик иш ҳақининг 5 бараваридан 50 бараваригача миқдорда бир марталик пул мукофоти билан тақдирлайди.
Юқоридаги қоидага кўра сиз мукофот олишга ҳақлисиз.
Устама эса юқоридаги низомга кўра бир йиллик натижаларингизни инобатга олган ҳолда тўланади.
