"Баркамол авлод" болалар мактаблари ўқувчилари Италия, Россия, Туркия, Озарбайжон, Қозоғистонда бўлиб ўтган халқаро танловларда фахрли ўринларни эгалламоқда
Ёзги таътил даврида мактабдан ташқари таълим тизимини янада такомиллаштириш, ёшлар таълим-тарбияси учун қўшимча шароитлар яратиш мақсадида республикамизда «Баркамол авлод» болалар мактаблари фаолият олиб бормоқда. Эътиборли жиҳати, барча туманлардаги «Баркамол авлод» болалар мактабида ўқувчилар вақтларини мазмунли ўтказмоқда.
Жумладан, Юнусобод ҳамда Яккасарой тумани «Баркамол авлод» болалар мактабида малакали тўгарак раҳбарлари томонидан машғулотлар ташкил этилган. Биргина Юнусобод тумани «Баркамол авлод» болалар мактабида айни вақтда 1000 нафарга яқин ўғил-қиз робототехника, мехатроника, инженерлик, ментал арифметика, санъат, арт дизайн, ахборот технологиялари, Java, Scratch, 3D дизайн йўналишлари бўйича билимини бойитмоқда.
Батафсил: https://bit.ly/3QbmDQh
https://telegram.me/joinchat/AAAAAEDksFCx3UHCy2rNlA
