Ulamolar nasihati: Yaxshi koʻrgan insoningni koʻp maqtama; R | VAQF.UZ | Расмий канал
Ulamolar nasihati:
Yaxshi koʻrgan insoningni koʻp maqtama;
Robbisiga itoat qilmaydigan bilan birga yurma;
Majlislarda koʻp gapirma;
Oʻtirgan holingda salom berma;
Seni tashlab ketgan doʻstga yaqin boʻlishga intilma;
Dinimiz vasatiylik (oʻrtahollik) dini;
Oʻzingni xor qilma, takabbur ham boʻlma;
Oʻta muloyim ham, oʻta beshafqat ham boʻlma;
Rostgoʻy qasam ichmaydi;
Ishonchli kishi oʻzini oqlamaydi;
Ixlosli kishi nadomat qilmaydi;
Oliyjanob kishi minnat qilmaydi;
Muhabbat qilgan malollanmaydi;
Sen boshqalar xohlagandek boʻlma, balki qanday boʻlsang, shundayligingcha qol;
Odamlarni hurmat qilishing ularga ehtiyojing borligini anglatmaydi, balki oʻz diningdan olgan taʼlim-tarbiyangni namoyon qiladi;
Hurmat qil, hurmat koʻrasan;
Axloqing bilan boy, qanoating bilan behojat, tavozeng bilan ulugʻvor boʻl;
Ortingdan gapiradiganga parvo qilma, chunki u haqiqatda ortingdadir, sendan oldinda emas;
Odamlarga Qurʼondan qancha oʻqiganing yoki yodlaganing haqida gapirib oʻtirma, ularning oʻzlari senda Qurʼonni koʻrishsin;
Ochni taomlantir, yetimga rahm qil, yomonlik qilganni kechir, ota-onangga yaxshilik qil, qarindoshlik aloqalarini tikla, barchaga tabassum et;
Qurʼondan qancha oʻqiganing yoki yodlaganing muhim emas, muhimi Qurʼon senda qayergacha yetib borganida;
Kishilar qalbiga doimo xursandchilik olib kirishga harakat qil!
Ehson qilish uchun ustiga bosing:
PAYME | CLICK | APELSIN | Agrobank | uPay
USSD орқали: *880*021092*summa#
@vaqfuz