الشاعر أحمد النوري

2022-07-28 09:09:39 ياهو اليفهمها.. ويفسرها.. هاي القضية
زينب لا أبو .. وبلا أخو ... تمشي سبية
زينبكم غريبة ... الله شمصيبة
هاي ام الخدر
___________
كسر ضهري الحجي هذا الي ما كلته
منو اليرضاها للغربه تروح اخته
يهاشم كعدوا هذا النوم مو وكته
مشت بتكم غريب او انتوا شو سكته
منكم ما فزع واحد.. ولا شاهد .. اجاها
وسنين الغرب.. وي الدرب .. زينب حناها
هم حرمه وسليبه... الله شمصيبه
هاي ام الخدر. 
___________
خذتني الغربة والمدمع حجالي
على العاشت غريبه بلايه والي
اطلعت من الخيم تصرخ يغالي
يعباس الغرب شافت خيالي

يابو الحمله شو صارت .. علي دارت .. مصايب
يابو الغيرة الي .. ما ضل ولي .. وكليبي ذايب

عباس شيجيبه.. الله شمصيبه
هاي ام الخدر

___________
اطلعت والوادم تعاين عليها
وعلى الراس اشبجت زينب اديها
وحيده وبالغرب ياهو اليجيها
ينوح الصخر من يسمع بجيها

بدموع الحزن تحجي.. وتضل تبجي.. اعله اخوها
بالوادم ولا رحمه.. أصبحوا نقمه... وحنوها
بارض الطف تريبة... الله شمصيبة
هاي ام الخدر. 
___________
كبل جانت اميره اعله السبوها
عليها استفحلوا من مات اخوها
عجب هالدنيا دارت ما رعوها
هضموها، وحنوها، وروعوها 

نزلت دمعتها.. بس لخوتها.. أهل الحمية
خلص بيها العمر. ضيم وهجر .. آآ يالمنية
عجيبة شكد عجيبة ... الله شمصيبة
هاي ام الخدر
___________
لمن حركوا خيمها حيرة حارت
وهاي الدنيا كلها اعليها دارت
مثل وركة بخريق الحرة صارت
ما جاها الكفلها بدمعة سارت

بدموع العين تنادي .. هنا يالحادي.. دتاني
ما تانه اليحدي... وحول ضدي .. بسوطه رماني
مو طاهر حليبة... الله شمصيبة
هاي ام الخدر
___________
احمد النوري Open / Comment

2022-07-26 19:46:48 فاركوني...... الما عفتهم
بروس اجوني.... من ردتهم
_
من مشوا صارات حياتي، مضلمه بلايه خواتي
                 . شلون اعيشن هالعمر .
ليلي مو مثل اليالي، فاركت غالي او يغالي
                  .شيب رموشي الصبر .
عذب حالي .. او دمعي يلالي... وين الغالي. هم يجي
يابو ضنوني. تبجي عيوني. واصفر لوني . هم يجي

ما لفوني،،، وانه بتهم
بروس اجوني،، من ردتهم
___
من مشه الحادي وخذاهم،، جَلبّت عيني بكفاهم
                  شكد صحت ما ريضوا
يا هلي بتكم غريبه،، شلون اعيش بهالمصيبه
                 الهسه اناطر ما اجوا
راحوا عني، ودمعي بردني، وزايد وني، من مشوا
تبجي جروحي، زايد نوحي ، وشاطت روحي، وما أجوا

ضيعوني،،،، أو ما شفتهم
بروس اجوني،،، من ردتهم
_
شابحه العين لدربهم ،، عني ما غابت صورهم
                كل مسه بروحي سفر
يلتئم صعبة انكساري، ومثل يعگوب انتظاري
                 امن البچي راح النظر
لومر ليلي، ينهد حيلي، واصرخ ويلي، امن الزمن
ما أنصفني، ولا ساعدني، بس عذبني ، بهالمحن

مرمروني،،،، وانه اختهم
بروس اجوني،،، من ردتهم
___
تاكل بروحي الحسافة، وعن هلي بعيدة المسافة
                 وين انه وطف كربلة
عالجفن ارسم صورهم، بلكي طيف يمرني منهم
                  بلكي اشوف العايلة
دمعي اليجري، خلص عمري، ياهو اليدري، بهالألم
الگلبي يودهم، راحوا كلهم، هسه اطلبهم، بس حلم

شيبوني،،،،، الگلبي حبهم
بروس اجوني،، من ردتهم
___
آخر متاعي دمعتي، خَلصّت عمري غربتي
             وما أجه منهم خبر
صارات القارورة حمرة، وگمت بال (يس) أقره
               والتم بعيني نهر
يعني الراحوا، كلهم ماتوا، لا ما عاشوا، يا گلب
شاب خيالي، وابچي الحالي، نام الغالي، عالترب

موتوني،،،،، وي خيمهم
بروس اجوني،، من ردتهم
___

#احمد_النوري. Open / Comment

2022-07-18 23:57:22 غداً ان شاء الله

على حب امير المؤمنين عليه السلام

#غدير_الولاية Open / Comment

2022-07-15 14:40:23 من لم يكن غديرياً، لم يكن عاشورائياً .

على حب امير المؤمنين ع نلتقي ..

. Open / Comment

2022-06-27 11:34:12 طحت ما تاني جيتك ،،، شامتاني

وعدوك عكب فيك ،،، شامتاني

الخيم عباس راحت ،، شامتاني

يگيدوني وشمر يحديش بيه

#احمد_النوري Open / Comment

2022-06-12 14:34:32 معنى أنيس النفوس

قال حضرة الشيخ جعفر مجتهدي ( اعلى الله مقامه )

إذا كُنت في أي عالم وناديت حضرة الإمام الرضا (عليه السلام ) وتتوجه لناحيته المقدسة فإن حضرته
(عليه السلام)
فوراً ينظر إليك وهذا هو المعنى الحقيقي لكلمة:
[ أنيس النفوس ]
ـــــــــــــــــــــــــــــــــــــــــــــــــــ

متباركين Open / Comment

2022-06-02 18:34:12

Open / Comment

2022-05-28 11:07:49 مقتدى عادل
احمد النوري Open / Comment