2022-06-08 15:05:32
Az yaşlı Nərminin öldürülməsi ilə bağlı yeni iddia Tovuzda azyaşlı Nərminin oğurlanıb öldürülməsiylə bağlı hər məhkəmə prosesi davam etdikcə bu işdəki qaranlıqlar daha da dərinləşir. Təsəvvür edin, İlkinə məxsus alt paltarında Nərminin paltarına aid lif tapılması haqda ekspertiza rəy verib. Məhkəmədə məlum oldu ki, o paltarı İlkin tutulandan sonra qardaşı bazardan alıb aparıb, polis şöbəsinə yeməklə birlikdə təhvil verib. Bunu satıcı da məhkəmədə təsdiqlədi. Yeni geyimin üstünə Nərminin paltarının lifi necə gedib düşüb?
Nərminin axırıncı dəfə evdən çıxıb, gödəkçə apardığı əmisi yanmış meyit tapılmamışdan iki gün əvvəl kənd sakinlərindən birinin evinə gəlib, xəbərdarlıq edib ki, onların qapısına Nərminin paltarını, ayaqqabısını, özünü gətirib ata bilərlər, ayıq-sayıq olsunlar. Bunu həmin kənd sakini məhkəmədə açıqladı: "Bilmədim ki, niyə belə deyir..."
Bu məhkəmədəki dindirmələr bir yalanı da üzə çıxardı. Məlum oldu ki, uşaq itkin olduğu dövrdə kənddə İlkin və əmisigildən başqa hamının evində axtarış aparılması haqda deyilənlər yalandır. Nə qədər kənd sakini ifadəsində bildirdi ki, onların da evində axtarış olmayıb.
Uşağın 47 gün ərzində saxlandığı iddia olunan otaqla bağlı da məhkəmədə dindirmə oldu. Dindirilən şahid deyir ki, o müddətdə həmin otaqda olub, orada toya getmək üçün geyimini dəyişib. Bunu görən başqa bir dostu da var. Həmin vaxt o otaqda nə Nərmin olub, nə də bir başqası... Bunlar bu işdəki ziddiyyətlərin çox az hissəsidir.
@xeber24_tg
127 views12:05
X
