2021-05-08 17:25:13
Hozirgi yoshlarga havasim keladi
Bizning paytlarda bunaqa imkoniyatlar yo'q edi. )) O'tgan kuni oyim bilan gaplashayotganimda bir do'stimizning ukasi maktabni bitirayotib, 27ta universitetga kirgani haqida aytayotgan edim.
Oyim o'qituvchilar, "ha, biz ham o'quvchilarga ibrat qilib ko'rsatib, alqab o'tirgan edik" dedilar. "Lekin bular [o'quvchilar] ham gap topib beradi sanga: "ha, IELTS topshirsa bo'ldi ekan-ku, pulini to'lasa, kiraverarkan qanchasiga xohlasa", — deydilar.
Men oyimlarga hazillashib, "siz ularga "man sanga to'lab beraman IELTS'ingning pulini, qo'lingdan keladimi, bor topshir, kir" demadingizmi?" dedim. "Yaqinda o'zi maktab bitiruvchilariga shunaqa imtihonlarning pulini to'lab berisharkan, o'g'lim", deyayotgandilar.
Kecha esa davlat xizmatida mehnat qilayotgan, Alloh sabr bersin, do'stim yuqoridagi e'lonni ulashib qoldi, oxirgi haftalar shuning ustida ishlayotgandik deb.
O'sha 27ta universitetga, xususan, Jasur Shukurov [1][2] o'qiydigan Adelphi dorilfununiga 80 foizlik (!) grant yutib kirgan Temurbekni 2 yil avval Toshkentda ko'rsatishgandi manga. Chunki akasi do'stimiz, shunday o'xshaydi aka-uka bir-biriga. Zohiran. Endi mana ko'rib turibmizki, pishiq-puxtaligi bilan ham o'xsharkan.
Menga uning sarlavhalarda chiqib ketgan iqtibosi yoqdi: "Intilmagan odam shunchaki quruq qoladi".
@dengizortidan
303 views14:25