သတိပြုရမည့် စိတ်ဓာတ်စစ်ဆင်ရေးစစ်ပွဲနှင့် သတင်းအတု၊ သတင်းအမှားမ | ZYH News

သတိပြုရမည့် စိတ်ဓာတ်စစ်ဆင်ရေးစစ်ပွဲနှင့် သတင်းအတု၊ သတင်းအမှားများ၏ အန္တရာယ် ဆောင်းပါးကောက်နှုတ်ချက်


• မြန်မာနိုင်ငံရဲ့ လူမှုကွန်ရက်စာမျက်နှာတွေပေါ်မှာအထူးသဖြင့် ပြည်သူလူထု အသုံးများတဲ့ Facebook စာမျက်နှာတွေမှာ မီဒီယာအမည်ခံ Account အမျိုးမျိုးနဲ့ သတင်းစာသား၊ ဓာတ်ပုံ၊ ဗီဒီယိုများအသုံးပြုပြီး လုပ်ကြံဖန်တီး ထားတဲ့ သတင်းအတုတွေ၊ လိုရာ ဆွဲပြီး အမှန်၊ အမှားရောနှောထားတဲ့ သတင်းအမှားတွေကို ပြည်တွင်း၊ ပြည်ပမှ လူပုဂ္ဂိုလ်၊ အဖွဲအစည်းများက လုပ်ဆောင်နေတာ မြင်တွေ့ရမှာဖြစ်ပါတယ်။
• အကြမ်းဖက်မှုကိုလှုံ့ဆော်တဲ့ စိတ်ဓာတ်စစ်ဆင်ရေးတွေနဲ့ မြေပြင်က အပြစ်မဲ့ အရပ်သားပြည်သူတွေ၊ ဝန်ထမ်းတွေနဲ့ သံဃာတွေကို သတ်ဖြတ်မှုတွေက တစ်ပြိုင်တည်းဖြစ်ပေါ်နေသလို လူမှု့ကွန်ရက်ကနေ သတင်းအတု၊ သတင်း အမှားများနဲ့လည်း စဉ်ဆက်မပြတ်လှုံ့ဆော်မီးထိုးပေးလျှက်ရှိပါတယ်။
• ဒီလိုအခြေအမြစ်မရှိတဲ့ လုပ်ကြံသတင်းအတုနှင့် ပုံဖျက်သတင်းအမှားများဟာ လူမှု့ကွန်ရက်အသုံးပြုတဲ့ ပြည်သူများအတွက် သတင်းအဆိပ်အတောက် ဖြစ်စေပြီး ဆင်ခြင်သုံးသပ်နိုင်မှုအားနည်းတဲ့ ပြည်သူအချို့ယုံကြည်ပြီး အားပေး လှုံ့ဆော်မှုတွေ ဖြစ်ပေါ်နေတာ ယနေ့ပကတိအရှိတရားဖြစ်ပါတယ်။
• အစိုးရမဟုတ်တဲ့ ကြားနေ FACT CHECK (Volunteer)အဖွဲ့က သူတို့ရဲ့ စိစစ် တွေ့ရှိချက်တွေကို လူမှု့ကွန်ရက် Platform တွေဖြစ်တဲ့ Facebook ၊ Telegram၊ Twitter များပေါ်မှာ နေ့စဉ်စိစစ်ပြီး သတင်းအမှန်၊ သတင်းအမှား ခွဲခြားဖော်ပြ ပေးနေတာကိုလည်း တွေ့မြင်နေရပါတယ်။
• လက်ရှိနစကအစိုးရအနေနဲ့ နိုင်ငံကိုတည်ငြိမ်အောင် အုပ်ချုပ်နိုင်ခြင်းမရှိဘဲ Failed State အခြေအနေဖြစ်ဖို့ နီးလာနေကြောင်း ပုံဖော်နေပြီး တပ်မတော် ၏ ဂုဏ်သိက္ခာကျဆင်းစေရန်နဲ့ ပြည်သူလူထုက တပ်မတော်အပေါ် အထင် လွဲမှားလာစေဖို့ ရည်ရွယ်လုပ်ဆောင်နေကြပါတယ်။
• သတင်းအတု၊ သတင်းအမှားတွေကို ရေးသားဖော်ပြပြီး ဝါဒဖြန့်ချိရေးနှင့် စိတ်ဓာတ်စစ်ဆင်ရေး လုပ်ဆောင်နေတာကို ပြည်သူလူထုအနေနဲ့ ကိုယ်ပိုင် စဉ်းစားဉာဏ်ဖြင့် စဉ်းစားချင့်ချိန်ပြီး နိုင်ငံတော်တည်ငြိမ်အေးချမ်းရေးနဲ့ ဖွံ့ဖြိုး တိုးတက်ရေးအတွက် တပ်မတော်နှင့်အတူ တိုင်းပြည်ချစ်စိတ်၊ မျိုးချစ်စိတ်အပြည့်နဲ့ လက်တွဲဆောင်ရွက်သွားကြပါလို တိုက်တွန်းနှိုးဆော် လိုက်ရပါ တယ်။