ليه البشر بتحب تتسوق ومش بتحب البياعين !! الشراء يعتبر عادة ا | Zidni.business

ليه البشر بتحب تتسوق ومش بتحب البياعين !!

الشراء يعتبر عادة البشر الممتعه.. لدرجة إن في بعض الناس بيصنفوا إنهم Shopaholic يعني مدمنين للشراء .. وفي بشركتير لما بيكونوا زهقانين .. بيروحواا يشتروا ..
طيب ليه بقى الناس بتحب تشتري .. ومبتحبش حد يبيعلها .. من الآخر .. ليه العملاء مبتحبش البياعين ؟؟
؟
؟
؟
؟
لا تنظر الى الموضوع من وجهة نظرك كمسوق أو بياع
.. عايزك تشوفه من وجهة نظر العميل .. انت بتبقى عميل في أوقات كتيره لبياعين تانيين ..
#sameh_barrouk
ايه أحساسك ناحية البياع ؟؟
أكيد مبتحبوش .. ليه ؟؟
#sameh_barrouk

لإن ببساطة .. البياع بيقطع عليك متعة الشراء وبيتدخل عشان يفرض عليك رأيه ومصلحته هوا !!
صح الصح


ولو فكرنا في القرارات الشرائية الكبيرة .. زي شراء شقة أو شراء برنامج لتنظيم العمل في الشركة .. دي قرارات بيكون العميل فيها في وضع عدم الراحة .. خايف ياخد قرار .. قلقان من النتايج ..
دايما بقول .. إن العملية البيعية بتكون مليانه توتر وشد .. ليه؟

لإن البياع بيكون كل تركيزه هو جيب العميل .. الفلوس والمشتروات .. فلما بتركز على جيب العميل هو بيحاول يمنعك من انك تسحب من جيبه .. وتبدأ الخناقه والتوتر .. لانكم انتم الاتنين مركزين على نفس الحاجة.
#sameh_barrouk


لكن لما تركز على عقل العميل .. ايه الي هو محتاجه ..
أهدافه الي عايز يحققها .. المشاكل الي عايز يحلها .. ظروفه الي عايش فيها ..

سعتها البياع بيكسب عقل العميل وجيبه في نفس الوقت.
الإنسان بطبيعة عقله وتفكيره ..
مبيحبش الأفكار المفروضه عليه من براه .. وبيحب تكون الأفكار هي أفكاره هوا .
. وخصوصا لما بتتعارض مع أفكاره .. وخصوصا في الأزمات الاقتصادية .. الي بتزود القلق والخوف وبتصعب القرار الشرائي.
#sameh_barrouk

عشان كده بقول للبياعين .. وظيفة البياع الحقيقية .. هي بناء الإدراك Perception Building
عن القيمة الي بيبيعها للعميل بالطريقة الأنسب ليه .. وده مش هيجي لما البياع يفرض على العميل وجهة نظره .. إنما بالتعاون

مع العميل في تشكيل الأفكار .. مش من جانب واحد .. إنما بينهم هم الاتنين .. وبالتالي هيحس العميل إن الأفكار دي مش أفكار مفروضة عليه .. إنما أفكار حد حريص على مصلحته .. وفاهم في الي بيبيعه .. وبيتحرك معاه في أفكاره بهدوء وسلاسة.