(እድሌነች እታለሜ ) ታደሰ ደምሴ በማለዳ ገና ሳይረፍድ... እንዳየኋት እንዳወቅኋት ፈገግታዋን "ለጉድ!" ብየ በሰመመን ወድጄላት "ታዴ!" ብላ ስትጠራኝ መላ አካሌ ደንግጦላት ውብ አይኖቿን ስርቅ አርጋ ከወደኔ ስትሾፈኝ ነዳይ ልቤ ሲበጣጠስ፣ እየከዳ ሲያስቸግረኝ ያዳምን ዘንግ ተመርኩዤ ሴትነቷን ስመረምር ስብዕናዋን አውቅ ብየ ከቁናየ ስሰፋፍር ደግሞ አንዳንዴ... ሰምና ወርቅ ስትሆንብኝ ላመሰጥር ስውተረተር ዳርቻዋን እያጣሁት ላይሆንልኝ ስቸጋገር ወንድነቴ ያናቀፈኝ፣ ጣዕምናዋ የጠለፈኝ፣ ገና በፊት ጠዋት ነበር! ገና በፊት... ገና ጠዋት!!! ገና በፊት... ገና ጠዋት... በግልብ አቅሜ በስንኩሉ ፣ መልመድ እንጂ መለየትን ከተራራ በሚያከብደው እግሬም ቢሆን እንደመዝለቅ ፣መመለስን ለማይደፍረው ስላመዳት ስትሞቀኝ ስቃለዳት ስጣፍጠኝ አወቅኋት ስል ስትሰፋ ፣ የእንቁነቷን መዳረሻ በኔ ብርታት ላልወስነው ያኔ ነበር... ቀሪ እጣየ ምርጫ ነስቶ እድል ሆኖ የተጻፈው! እድሌ ነች እታለሜ... በምድር ላይ ትክ የሌላት ከመለኮት የተቀባች የኔ ምስራቅ ውብ ተስፋየ፣ መፈጠሬን ያስወደደች! እድሌነች እታለሜ ቀልቤን በአውዷ ያጠመቀች እድሌነች እታለሜ ቀልቤን በአውዷ ያቆረበች ከማንምጋር ደሜ ላይሞቅ ለሷ ብቻ ያመነነች! እድሌነች እታለሜ... ከሷ ስሆን የሚያምርብኝ ውድ ጌጤ ሽልማቴ! አብራኝ ካለች የምደፍር ኩራትና በረከቴ! እድሌነች እታለሜ... ውብ ጠረኗ ድግፍ አርጎ ከግም ሽታ የከለለኝ ተሰውራኝ ሳለቃቅስ ፣ ልጽናናበት ተቀንፎ የተቸረኝ! እድሌነች እታለሜ... ከወደዱት ለወዳጅዎ ያጋሩት! @bewketuseyoum19 @bewketuseyoum19 8.9K viewsAbela, 10:10
