ERKIN VOHIDOV

2022-09-01 08:49:43 ШУКРКИМ, КЕЛДИ ИСТИҚЛОЛ

Агарчи исмим Эркин,
Эрки йўқ, банди кишан бўлдим,
Кўзим боғлиқ, дилим доғлиқ,
Тилим йўқ, бесухан бўлдим.

Кўриб ҳайратга тушди
Бу жаҳон ҳоли паришоним,
Бамисли анкабут сўрган -
Чибин, пажмурда тан бўлдим.

Муаззам Сайҳуну Жайҳун -
Лабида ташна лаб қолдим,
Кийинтирдим жаҳонни,
Жисми урён, бекафан бўлдим.

Чекибдур Бобуру Фурқат
Ватан ҳажрида афғонлар,
Мен эрсам, ваҳ, не ғурбатким,
Ватанда беватан бўлдим.

Олисда, оҳ диёрим, деб
Соғинган, эй ватандошим,
Дема сен ўзни бебахт,
Бахти йўқ аслида ман бўлдим.

Шукрким, келди истиқлол,
Умидим рост қил, Аллоҳим,
Ки, шояд беқафас булбул
Каби соҳиб чаман бўлдим.

Ишончим бор, Ватан, бир кун
Келар чин нурли давронинг,
Дегайман шунда чин Эркин,
Чин инсон қайтадан бўлдим.

Ўзбекистон Қаҳрамони, Ўзбекистон халқ шоири Эркин Воҳидов, 1991 йил


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-09-01 08:09:15 ҲУРРИЯТ ТОНГОТАРИ

Ғунча очилишин зор кутиб, саҳар -
Булбул кўзларини уйқу оларкан.
Ошиқ ёр васлига интилиб йиллар,
Етганда тили лол бўлиб қоларкан.

Дафъатан чиққанда тийра гўшадан,
Нурга ожиз экан одамзод кўзи.
Ўша булбул - менман, ошиқ - ўшаман,
Мен кўзи қамашган инсоннинг ўзи...

Ўзбекистон Қаҳрамони, Ўзбекистон халқ шоири Эркин Воҳидов, 1991 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-09-01 08:02:57 Қадрли юртдошлар!

Барчангизни Ватанимиз мустақиллигининг 31 йиллиги билан самимий табриклаймиз!

Она юртимиз ҳамиша тинч, обод ва фаровон бўлсин. Озодлик аталмиш неъматимиз абадий бўлсин. Open / Comment

2022-08-31 19:18:09 #мусиқа

«Ватан қадри»

Эркин ВОҲИДОВ

Алишер ФАЙЗ

Тинг-ланг! Тафаккур билан тинг-ланг!

https://t.me/mashal_gzt Open / Comment

2022-08-31 18:27:54 "ЎЗБЕГИМ" қасидаси миллатдошларимиз талқинида.

"Миллий тикланиш" партияси лойиҳаси.

Эркин Воҳидов ҳаёти ва ижоди ҳақидаги маълумотларни интернет орқали қуйидаги саҳифалардан кузатиб боришингиз мумкин:


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-08-31 13:13:17 ВАТАН ҚАДРИ

Чашма қошида тиниқ сув
Қадрини билмас киши,
Сайр этиб гулшанда гулни
Кўзига илмас киши.
Ваҳ, бу не ғафлатки инсон -
Кўксида тутмиш ватан,
Ким ватан ичра ватаннинг
Шукрини қилмас киши.
Юрт недир, юрт доғи недир,
Юртдан айрилган билар,
Англагувчи юрт фироқин
Юртда топилмас киши.
Эй ватандошим, эшит
Бобуру Фурқат ноласин,
Бесабаб андуҳ тиғида
Бағрини тилмас киши,
Билма, фарзандим, ватан ҳажрини,
Лек қадрини бил -
Ким ватан қадрини билмас,
Англа комилмас киши.

Ўзбекистон Қаҳрамони, Ўзбекистон халқ шоири Эркин Воҳидов, 1992 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-08-30 18:42:29 #Биласизми?

ЎЗБЕГИМ қасидасига нима учун "ўзбегим" радифи танланган?

Буни ардоқли шоиримиз Эркин Воҳидов шундай изоҳлаганлар.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-08-29 23:34:45 #Қутлов

Ўзбекистон Республикаси мустақиллигининг ўттиз бир йиллиги муносабати билан фан, таълим, соғлиқни сақлаш, спорт, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида 
Ўзбекистон Республикаси Президентининг фармони билан Эркин Воҳидов номидаги ижод мактабининг адабиёт фани ўқитувчиси Исомов Баҳодиржон Сирожиддинович
«Ўзбекистон Республикасида хизмат кўрсатган ёшлар мураббийси» фахрий унвони билан тақдирланди. Open / Comment

2022-08-29 12:06:23 Open / Comment

2022-08-29 11:55:30 ГУЛМИДИ, РАЙҲОНМИДИ, ЖАМБУЛ

Гулзор ичида гулмиди,
райҳонмиди, жамбул,
Ё жамбулу райҳону
гул узгувчи санам бўл.

Валлоҳ, бу санам, одам эмас,
неча сўз айтсам,
Одам дея бир боқмади,
э воҳ, не одам бул?!

Чақмоқ каби бир лаҳза
насиб этди висоли,
Энди менга ёр турк гўзали
ҳажрида ғам бўл.

Излаб неча кун шаҳрида овора бўлибман,
Истанбул эмас, ошиқ учун жонга ситам бўл.

Шул ёшда ёниб севгини
назм этса не айбким,
Эркин юраги ишқ ўтида куйгучи шам бўл.

Ўзбекистон Қаҳрамони, Ўзбекистон халқ шоири Эркин Воҳидов, 1992 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment