الشاعر وسام المبارك

2022-08-04 00:32:55 غالب بالحرب عباس
شردت منه هاي الناس
كم روس الزلم بيده
وگام ايطگها راس ابراس

شهم عباس الكمر
خزرته اطگ الضهر
شلون لو صار النزال
الزلمه بيهم ماعبر

هااا
عباس گام اطگ عينه
###############
طشها ورد يلم بيها
گلب سافلها عاليها
زينب شدت احزامه
يده من يلاويها

تهلهل اخته بالخيم
تگله هد يابو الشيم
هله يابو المرجله
هز لخيتك بالعلم

هااا
عباس طب دوس عليها
##############
راچب عالمهر ويده
يصفگ خيلها تريده
نوماس وغضب نازل
الزلمه بيهم يصيده

تگله ياشارب علي
والنعم يا كافلي
الروس ماهي اعله الجتاف
صيح خويه ادللي

هاااا
حمره عيونه من النخوه
############
لكدها وصال بالشگره
يطبگ عشره في عشره
اگنص يابو جف الحار
خل تشيم الزهره


عيونه تجدح چالجمر
ليها منو چا يمر
انت ياسيد الرجال
هوستله ام الخدر

هااا
عباس ياشدة راسي
#############
الغيره من صرت صارت
الدنيا بغيرته احتارت
حي الله اخو زينب صال
الگاع ابمشيته مالت

نزل راهب كربله
عدل بيها المايله
الارض واهل السمه
تصيح يالكافل هله

هااا
الله بجفه يتباها
############
بجفه شايل الرايه
ومن زينب اخذ رايه
صول وجول يالكافل
اسطرها اعله المسنايه

والنعم منك سبع
شهم لا ماتنجرع
غيرة الله انته روح
غير من حيدر فرع

هاااا
الرايه بچفه شمحلاها
###############

روح وعيل بالعايل
شنهي من زعل شايل
ايدك من يلاويها
غير انت أبو فاضل

شهم طر المعركه
شكد كلف بمعاركه
لا هوه الله ولا ملك
يگدر أو ويحركه

هاااا
قهار طب وسط الحومه

#######
وسام المبارك Open / Comment

2022-08-04 00:32:55 شحال زينب من وگع كفالها
الزلم ركضت تحظر احبالها
يعباس. يعباس
++++++++++++
شحال گلب ام عون من طاح الكفيل
بگت مكسوره ضهر تمشي وتميل
عگب كافلها العده بيها تعيل
وطشت بعرض البراري اعيالها
+++++++++
هدو عليها و تعرفون اليهد
على حرمه يريد يسلب مايرد
وهيه ماعدها اخو ايهد لا ولّد
من طحت جابو اركاض اجمالها
++++++++++±+++
الزلم ركظت چفت صوب الخيم
تصيح طاح اليوم شيال العلم
خويه رد اجفوفك أو وخر السهم
شحالها ضلت تنوح أشحالها
+++++++++
انكسار الزلمه من يفگد اخو
وهيه حرمه شلون من ايهد عدو
كلها صاحت على اخيام اتفرجو
حال كل حرمه غريبه حالها
+++++++++++++
تشمتت بينه يعباس الغرب
باجر ايگودونه الذاك الدرب
ياگلب زينب تحمله ياگلب
وهيه ماواحد نظر لخيالها
++++++++++++++
حايره وعيونها اتصد للنهر
وعلي موهينه يروحلها گمر
ليش يولونه الي ماعده ظهر
ذاب نصين انجسم دلالها
+++++++++++++++++
الخيل غارت لينه ماضن راده
ابفله ليش ايتامك اتظل شارده
لملمتهن وحده وحده الوالده
على التل ركضت وشاده بالها
+++++++++++++++
ضاگت الدنيا اعله زينب من طحت
للنهر كل ساع گامت تلتفت
ياگمر صاحت تراني اتحيرت
حيره ماظن واحد اليدنالها
++++++++++++++++++
بدت هاي اولها حيرة كربله
من طحت ياابالفضل وسط الفله
الحمل غير اهله منهو ايعدله
هاي غربه وتمشي وي ارذالها
++++++++++++++
بعينه ظل نايم السهم ومايشوف
وفوگ هذا الضيم مگطوعه الجفوف
خويه ذيج الزلم منتظره تحوف
بنوگها وسلابها وخيالها
+++++++++++++
عجب يابو العجب ظلت حايره
زينب اختك هاي لاماصايره
من النهر للخيم ركظت دايره
وعلي هاي الركظه ماتحلالها
++++++++++++++++++
وسام المبارك Open / Comment

2022-08-01 14:54:43 عطشان يمه. أريد الماي
عبدالله يبني بعيد الماي
///////////////////
يايمه اريدا ماي اشفافي يبست
عطشان يمه ودموع العين نشفت
الساني بلهاتي سوه يايمه طبگت
دليني اروحون اجيبه زحف بلكت
اعيوني غارن. جمر بحشاي
عطشان يمه. اريد الماي
////////////////////////////
يايمه وين أتريد خافن يسحگوك
بگد حافر الخيال صدرك يأذوك
اچماله فوگ الضيم وبلايه كاروك
لاتمشي وانت صغير ماضن يشوفوك
وانه ذهيله وفگدت الراي
عطشان يمه اريدن الماي

/////////////////////////////
كلش بعيد الماي يمه اشيجيبه
چفت دموع العين صدري بحليبه
واني ادري يالعطشان هاي المصيبه
خافن يروح وخيل ليه تجيبه
الله اكبر. مصيبه هاي
عطشان يمه اريدن الماي
/////////////////////////////
اركض ودور ماي مابين الخيام
واسمع صدى مناغاه واشرگ بلالام
ندري الطفل عطشان من يرضع اينام
لادمع لا ظل ماي وگفتلي بسهام
اعصر بحيلي. وجفن عيناي
عطشان يمه. اريدن ماي
////////////////////////////
اشلون هذا الليل يخلص وتغفه
راح ابقه عالكاروك اگظيها وگفه
من العطش كل ساع ايمدلي چفه
يمه بهذيج الگوم محد نعرفه
كل ساع اشيطن. وانه ابلواي
عطشان يمه اريدن ماي
////////////////////////////
حتى النواغي البيه مبحوحه تطلع
من كثر ماعطشان مابية اسمع
اركض ورد اردود وبصفة ارجع
صدري نشف وشلون يوليدي ترضع
اشلون ارضعك يبعد جلاي
عطشان يمه اريدن ماي
//////////////////////////
كل طفل لوعطشان ايناغي لمه
من العطش احاه ماهدله جلمه
ست اشهر وعطشان هذا اشيهضمه
لوتمر نسمة عليه بجلاه تلجمه

ضامي اعله ابيه اشلون بهاي
عطشان يمه اريدن ماي
//////////////////////////
دوهنت حالي اعليك ذيج الليالي
مرعوبه افز ونعاك والمهد خالي
مناغك وصوت ابجاك شادهلي بالي
انهض وگومن ورد حسبالي اجالي
مهدك حضنته وهز بهداي
عطشان يمه اريدن ماي
////////////////////////////
وسام المبارك Open / Comment

2022-07-28 15:40:03 حي الله ابوطاهر طب
عونه وزوده من الرب
علي علمه ومدرب. ابوطاهر

ومدربه علي بيده
الكلف بس الكلف صيده
بس ياعلي ترديده. ابو طاهر

اشهل شهامه بوكفته
جنه الكمر من طلعته
املاكه اظن مالاكته. خلاها تترادم

كل عشره يطبكها سوه
الخوف طشه أوي الهوه
انترست الدنيا ضوه. من طب ابن هاشم

اختاض وماوصلت يم حده
ادواره ايدور كام الشرده
تاه العايل كام وتيه حتى المشارد

كام ايعيل اعله العياله
فنه البيهم يدناله
كامت كل الكوفه اتصيح. حيدرهم عاد
/////////////////////////////////////
هديب وياخذ بثاره
كلف من يوم اصياره
ثگيل اشتنطفي ناره ابو طاهر

ساحات الوغى عيده
اليذبحه يرد تره يعيده
اليخزره ايطير من جيده. ابو طاهر

بالكوفه سواه العجب
العال بي رد انسحب
راد الزلم هذا الطلب. مونسه يلفونه

بعيونه وهدومه الخضر
رگظهم الباب القصر
يفرض عليهم هلامر. مسلم تعرفونه

جيسه عينه اطيح اليسطر
اله بجثته منه اليعبر
واكف بيده ايفتل الشارب. تارسهم خوف


هذا الزلمه من اصل الساده
خورسها احلوك الصياده
يامسلم صارت ردتها تسمع وتشوف
//////////////////////////////////////////

يهل الكوفه هذا اني
حيدر علي رباني
غيره ومرجله انطاني. ابو طاهر

اطشرها الجثث بيكم
عالمشراد ادليكم
وانسيكم اساميكم. ابو طاهر

عالموت الزمكم سره
سويت يوم الاخره
طبيت جني حيدره. اوبيده فقاره

رديت صفين واحد
بالكوفه أسويها بعد
ابطگ يميني الكل شهد. بجفوفي تسياره

رد الكافل هوه وعوده
صاحت اهل الكوفه بجوده
الماشارد ظل الهسه. كاطعله الراس

جن العباس بصولاته
شهدتله الكوفه بحملاته
وول ماطب صاحو كلهم. طب العباس
/////////////////////////////////
هد وصفگ جنحانه
انه بالحرب انه
حيدر علي ربانه. ابو طاهر

طاهر مرضعي وزودي
اطشر الزلم بزنودي
فنه اليوصل احدودي. ابو طاهر

الموت وي سيفه فزع
من جف ابوطاهر طلع
رجال هد ومارجع. والكلف صياده

بالخيل يردمها ردم
لم الزلم طش الزلم
ساوه الحقيقه والحلم. تشارد القاده


بخزره عينه ايطيح الطاير
تجدح غيره ومامش عابر
والزلمه البيهم يدنه يشلع عيناه

يكطف خيل اعله الخياله
جنه الكافل صار أو اله
يرفرف جبرائيل اعله ايده مسلم ناداه
/////////////////////////////////////////
مدنف نزل ليها بطگ
يحجي حجي المعلگ
ماغص بيهم واشرگ. ابوطاهر

بيهم يلعب بسيفه
الكوفه صارت بكيفه
من عدهم اخذ حيفه ابوطاهر

ابن الهواشم ياشهم
خوفها باليقضه وحلم
وبعقل كل واحد رسم. بطكاته وجفوفه

نار الغضب عينه تهل
راعي الكلافه مايجل
مايقبل ايبطل جتل تشهداله الكوفه


مابيهم زلمه الي يوگفه
كام ايشامر عشره بجفه
يرعد كام ويمطر غيره. وسوه الماصار

حار ودمه اصلا مابارد
ايريد البيهم زلمه يعاند
يكلب فجه ورأسه ايديره. ابو دم الحار
/////////////////////////////////////////////////
وسام المبارك Open / Comment

2022-07-28 15:31:58 ياراية حزن دمعي
محرم هذا اريد انعي
وديني على مجلس اه
نبجي عليه أنه وربعي

نبجي وكون مانتعب
الدمع خلانه نتأدب
المايبجيله خل ايشوف
روحه وين تتطلب


يارايه. منج اريد الهم
وبجي اعله المخيم.

يارايه غطيني ابفي حزنج
رايد حيلي منج يارايه. .
:::::::::::::::::::::::::::::::::::::
يارايه كمر هاشم
ندبتج معترف نادم
غير انتي بحضن عباس
دليتيني عالوادم

ياراية.حزن باجر
المحرم نحسب اناطر
نحسب للبواجي احساب
بشوغه وحركٓه للعاشر

يارايه معروفج ماننساه
رزقينه بلوعه واه.

يارايه من الكافل اخذتي
وعلينا وزعتي. يارايه
::::::::::::::::::::::::::::::::::::
بجف عباس صار اسمج
تهمينه وهو ايهمج
ياراية دمع والحيل
عزمي شاده بعزمج

شحلاتج بالعزه اطوفين
على خدامج ادوُرين
لاشك بل يقين احجي
عالمذبوح هم تبجين

ياراية. بجينه كلنا وياج
عبادج هل بحماج.


يارايه. نوماس وشرف عدها
وابوفاضل والدها. ياراية .
:::::::::::::::::::::::::::::::::::::::::::::::
ياراية خيام الله
رزقينه الادب والاه
ودمعه اعله البقه عطشان
الفيّض كربله من ادماه

ياريت العمر اكظيه
لطم دك وبواجي عليه
اريدج بالعزه اتحرگين
كٓلبي بغيرتج حركٓيه


ياراية. عليمني من ابجيله
وبحركٓه انعيله.


ياراية الحافر باجر ابصدره
. خيل العوجي تكسره. ياراية

::::::::::::::::::::::::::::::::::::::::::
وسام المبارك Open / Comment

2022-07-28 15:31:36 لوعه ومصاب وحزن
هل محرم ارد اون
رزقني دمعه اعله الضعن يامولاي
بيها اواسي العايله
خل نموت الكربله
بالبواجي استقبله يامولاي
################
ممنون اظل بخدمتك كل سنه نبجي مصيبتك حسين
اصل البواجي والدمع مخلوق الك وعلى الضلع ونين


نحسب احساب اعله الدمع وناطر
بشوغة گلب يحسين كلنه الباجر
ارزقني دمعه اعله الغريب الحاير
واتمنه اموتن سيدي بالعاشر

رزقني دمعة وبيها حب
حتى ابجي كل گلب
باجر تظل عالترب يامولاي

بعيني تلهب خميتك
يامصيبة وگعتك
تنسبي كل عيلتك يامولاي
##################
عيشني يحسين الالم بالصدك موعيشة وهم عليك
يالضامي وبحر منكسر خليني الك ابجي العمر واجيك

خليني الطم وذرف ادموع العين
حبك رزق ياسيدي للدارين
مجروح ضامي وتلتفت للصوبين
فزاع باجر ماتحصل يحسين

باقي لحظه من العمر
تفزع عليك الظهر
وانت باقي بلاظهر. يامولاي

حرگتي وشوغ الگلب
بلهفه دمعي خل يصب
ضعنه يحدونه الغرب. يامولاي
########№####
احتزم احزام واجي. عليك اموت من البجي أمنيات
بذاك الضهر وانت بفله. غربتك ترست كربله وبنات

ياراي باجر ينفگدلك ياراي
اباب المخيم توگف الخيل هواي
تحتار ليش بكربله يامولاي
رگظة بناتك عالجمر جي حفاي

ضامي اشوفك تلتفت
وانت عينك عالاخت
شحيرتك لمن حرت. يامولاي

تحترگ باجر خيم
وتنجتف باجر حرم
حرگني مولاي بألم. يامولاي
############
مثلك ولا واحد عطش. ولاحزن جن ليل اهدعش يصير
قبل الوجود وخلقته. منهوه سوه اسوايته. الأمير

قربان ل لله اشكثر انطيت هناك
يالوحدك ضليت محد وياك
يالتدري هذا الكون صاير بحماك
مكسور ضهرك سيدي من خلاك

سيدي كون بصدك
تمنه تحرگني حرگ
انت يارب العشگ. يامولاي

بلكي احس ابغربتك
حتى انوح مصيبتك
بالضهر يا وگعتك. يامولاي
############

هذا محرم سيدي دمعي وصلاتي ومعبدي. انوح
عليك يابن فاطمة وعالضعن گلبي المه. بجروح

يامالك امري جروح خليلي جروح
لطم وبواجي عليك انوحن يانوح
خلافك يبو عبدالله جاوين انروح
باجر حبيبي اعله الثره ايظل مذبوح

يامحرم كل جرح
خله اليه بگد رمح
مو حبيبي ينذبح. يامولاي

معبد الحب والدمع
ينتظر باجر فزع
صرخة الحب تنسمع. يامولاي

#############

وسام المبارك Open / Comment

2021-02-28 18:10:53 خويه والله مشتاكه
هجرك يذبح افراكه
بيه فراكك اشسوه
وبيه اشسوت الناكه

اشكَد انتظر حسين
بيه تمر حسين
حان الاجل حسين
وذاك الكَبر حسين

دمعي يصب
بكسرة كلب وعيني تتنطر فزعتك عالدرب

اتنطرك
واتصبرك حيل ملهوفه اعله شمة منحرك
================
خويه دمعتي تجري
بغربه خلصت عمري
هناكه غربه وهنانه
تدري بحالتي تدري

دمع وصبر حسين
جبت العمر حسين
نار وذبح حسين
فركَه وهجر حسين

بيه اشجره
اتصوره يوم عاشر من مشيت اميسره

شمسويه بيك
عيني عليك عشره عشره الخيل شو كَامت تجيك
=================
عمري ليش تاليه
عدله ميته مسبيه
خويه خلص عمري وياك
بغربه واني علويه

بنار الكَلب حسين
تجوي الغرب حسين
بغربه انه اظل حسين
حالي صعب حسين

نعشي غريب
مامش حبيب وانه علوية علي ابقه عجيب

بلايه ابو بلايه اخو بكربله والشام نفسيته العدو
===============
والله لسه عطشانه
موماي كَلبي لخوانه
خويه حملي شيله وياي
زينب ذيج مو انه

متغيره حسين
ماصايره حسين
اخت الكَمر حسين
تظل حايره حسين

راح الدلال
ماظلي ظال خويه لسه اجفوف اديه اعله الحبال

كل عزي راح
دم كَلبي طاح بشوفتك كَلبي يخويه يستراح
==============
عمري خلصت ايامه
مذبوح حتى بحلامه
شوكَِ ونار بجروحي
باقي منهد اخيامه

عطشانه الك حسين
مشتاكَه الك حسين
نار الكَلب حسين
ضامي هلك حسين

بشام الهظم
ماتنهظم النعش غربه بديره غربه اه اشعظم
نار وهجر
تالي العمر عدله ميته اتظل غريبه وباليسر
==============
وسام المبارك Open / Comment

2021-02-27 00:09:23 ها يخوتي ليش محد حظر دفني
هايخوتي ليمتة تفكون حزني
ثنينكم ماجيتو اليه عدله ميتة انة سبية سبية هايخوتي
//////////
شابحة عيوني واظل امتانية
ليش وحدي ابغربتني انة اشجانية
هناك عافوني هلي هنا ثانية
موتي ياروحي بعد شمتانية

فاركوني هناكة وهنا فاركوني
مااجوني لموتي وتغمض عيوني

ولسة مجتوفات ادية..عدلة ميتة انة سبية سبية هايخوتي
//////////
احسب اجروحي وعدهن بالثواني
ساعة اكول حسين ها عباس اجاني
بس اخوها الاخت عدها ماكو ثاني
لا يجرحي ماظن واحد نساني

انتظرهم بالغرب انة وحيدة
انتظرهم بلجي يفزعلي صميدة
والجرح يسعر علية عدلة ميتة انة سبيه سبية هايخوتي
//////////
لاخت تفرح لمن اخوتها يجوها
ديرة ضلمة تزهي لو مرة اعتنوها
سالفت زينب جبيرة استغفروها
بلاجفوف ولانحر كون وتجوها

وين اخوتي بالغرب انحب وصيحن
وين اخوتي خدر الله شو تجفن
وثاكَبة الشوغات بية عدلة ميتة انة سبيه سبية هايخوتي
/////////////
شلون انسة الصار بية وهذا حالي
ماكو والي هناك وهنا ماكو والي
ليش يخواني انتظر محد اجالي
وانة جرح الطف سلب عزي ودلالي

عمري حسرة شكَالت اعلية الطوايف
عمرة حسرة وانة بت ذيج المضايف
من ال هاشم علوّية عدلة ميتة انة سبية سبية هايخوتي
///////
ردت اسد عيني اعلة خوتي مرة وحدة
وابو فاضل على اعيوني يحط زندة
هاي اخر منية عندي ارد انشدة
روح لحسينك العاري ماتجعدة

خل يجيني الضال فوكَ الترب نايم
خل يجيني كَله نعش من ال هاشم
وكَله خن شيعة سوية عدلة ميتة انة سبيه سبية هايخوتي
/////////
وينهم اهل المحنة خل يجوني
شعتب اعلة الاهل لمن ضيعوني
هاي اخر مرة بالجن يحضروني
براية العباس كون ايجفنوني

اه يعمري من الاهل محد حضرني
اه يعمري لا حسين وللكفلني
وانة اختهم هاشمية عدله ميتة انة سبيه سبية هايخوتي
///////////
وسام المبارك Open / Comment

2021-02-25 18:47:58 وين اخوتج وين وحشه الجنازه بلا اهل
وين اخوتج وين

تصب دمعة العين ليهسه لجمات الهزل
تصب دمعة العين

نعش الغريبه شيحمله
ياحسرته ماهم هله
خلصو ذبح هم بالضمه
ضلو عطاشه بكربله

نعشج عجيبه تحمله الغرايب
عشتي مصيبه وجرحج كمر
وانتي الامير بت الاميره
حتى بوداعج هم وقهر
معقوله ضلت ماعدها والي
اه العذابج محد حضر
=======================
ابلايه توديع نعش الغريبه شحالته
ابلايه توديع

الماعدها اخو تضيع غربه نعشها الشالته
الماعدها اخو تضيع

استأجرو ناس النعش
هضمته جن ليل اهدعش
ضامي كَلبها من السبي
وصار العطش فوكَ العطش

لسه ابديها حبل المصيبه
وجرح الهزيله لسى عجيب
اه ياعذابج وحدج صفيتي
عمرج غريبه ونعشج غريب
طف وعذابه وحدج ركضتي
اطفي خيمه تغطي سليب
==================
ياغربتج اه تلجمهه جرات النفس
ياغربتج اه
شو محد وياه نعشج صفه جن جرح امس
شو محد وياه

مثل الضعن نعشج عجيب
لا يمه اخو يماشي غريب
ياعازته اخوتهه البقو
نومه حبيب بصف حبيب

عمر الغريبه تبقه غريبه
اه ياعذابه دمعج يصب
ادير بوجهه صوب المخيم
الشام المصايب بي بس غرب
ماضن يجوها اهل الشهامه
يجوي بكَلبها ذاك الدرب

=======================
ماعدها وليان ياهضمته مثل السبي
ماعدها وليان

نعش ام الاحزان ماشالته ايدي الابي
نعش ام الاحزان

تحتمي بضله العدها اخو
تعيش بحنانه وبالدفو
شلون ونعشه بالغرب
وعين الشماته والعدو

بشام الهضيمه وزينب هضيمه
تحس بغرابه اباقي العمر
لسى بديها حبل السبايا
يوجع كَلبها درب اليسر
لا جاها طارش من الكفلهه
ظلت غريبه ام الخدر
========================
عازتهه عازه زينب يهلها بالغرب
عازتهه عازه

وحشه الجنازة تنبض بشوغات الكَلب
وحشه الجنازه

تصد بنضرها الكربله
هذا النعش محد اله
لاله كفيل ولاخو
شو عدله ميته معلعله

لسه بكلبها تجوي الخرابه
وهسه لحدها هم بخرابه
يحجي دمعها اه الاخوتي
تراب السبايا نفس الترابه
تسمع ونين وجم صرخة تدوي
تسمع رقيه تّصّيّح يبابا

==============
وسام المبارك Open / Comment

2020-10-27 13:58:51 ، شور ..ياقمر بني هاشم
ملا جواد الباوي
الذاكر قحطان الحساني
الشاعر : وسام المبارك
هيئة أمنا الزهراء (عليها السلام)
شهادة الحسن العسكري(ع)
@Jawad12121212 Open / Comment