الشاعر وسام المبارك

2020-10-17 20:49:23

Open / Comment

2020-10-17 20:46:58

Open / Comment

2020-10-08 19:50:16 نيمتهن وحده وحده وهيه ضلت واكفه
وتدري ببنيات هاشم ظلها محد شايفه
كعدت وجفهه اعله خدها تناطرهلن خايفه
تكوم مره وتكعد وظلت عليهن طايفه

الليل يكتل والسهر
وشابعات من القهر
تنام وحده تفز الاخرى
خايفات من النظر
===============
حيل متعوبات كلهن مايبينن للغرب
ينتجن وحده اعله وحده بيهن اسوه الدرب
الشام اه يالشام اويلي مابقه عدهن كَلب
حارسه اباب الخرابه الحرمه ماتقبل تتطب
زينب

اس اسكتو لايكعدن
جروحه من الضيم ندن
عيونها تفتر عليهن
باجر الكربله ايردن
=============
عيونها ضلت عليه الليل كله مساهره
تروح يم ام الرضيع تلولي ترجع حايره
تكلهه يم عبدالله وني خيه انتي اشصايره
السهم ماخذ دلالج كلبج ادري اشكاسره

ياسهم كلبج هاضمه
ويانحر منهن لاجمه
مهضومه وتون بتعب
لا كاعده ولانايمه
===============
تنود من التعب كامت السبي شمسوي بيها
اه يا فرّت دهرها هجي صار وجره عليها
ثلاثه وثمانين طفله وطفل ايجلب بديها
يامصيبه الله واكبر تناشد وتلتفت ليها

شمسويه بيهم نينوى
كل الايتام اتون سوه
تصيح العطش عمه الحبل
من العطش كل طفل انجوه
=================
بالخرابه الليل يكتل ضلمه وبنيات عدها
خايفات بلايه باب وعين غربه الي تصدها
كلهن يونن سويه شلون بله وهاي سدها
هاي التون الوليها وهاي التون الولدها

شيهوده كَلب الفاكده
ياكايمه ويا كاعده
تلطم وجهه من الهظم
وجرح الكلب شيهوده
==============
وسام المبارك Open / Comment

2020-09-28 00:23:20 زينب غريبه غريبه زينب
......

من الشام اجينه يهلنه
محد نهض يا ضعنه
بين الاجانب صفينه
محد اجانه وتعنه

بيمن تلوذ السبايا
ومجتفات ايه بايه
العدهه اخو تشكتيله
بيدي الحبل موش رايه

جاني اشكي المن منهو اشتكيله
التكتل غريبه تظل العقيله
تخلص حياتي بدرب السبايا
مجتوفه اختكم ورمله اعله ليله
=====================
امشي ونضر عيني اديره
المن يخوتي ابقه حيره
ردينه من الخرايب
لا كَام اخو ولا عشيره

تظل الغريبه غريبه
فوكَ الهزيله المصيبه
حبل اليسر لسه بيدي
اخت الكمر ياعحيبه


جم دوب اتاني تفزع عليه
وحبالي لسه خويه اعله اديه
مشايه اجيتك من الشام اجينه
درب المصايب ماخله بيه
================
لسه الحبل خويه بيدي
رحت واجيتك عضيدي
ضعني صفه للشماته
من الناكه حبلي اعله جيدي


بيمن تلوذ السبيه
معقوله كل هذا بيه
امشي بدرب كله غربه
مالايكَ النه وعليه

العمره خمسين مايمشي بسره
شوف المصيبه عالناكه عمره
وانه غريبه عمري كضيته
وي المصايب خلصته عشره
==================
من الخرايب اجينه
محد تلّكه الضعينه
يخواني شحجي وشسولف
يخواني ولية انولينه


درب السبي كله ذله
راح الدلال اعله هزله
من مجلس الشام اجينه
يخواني منهو اليحمله

الجانت اميره هسه سبيه
خدر العقيله بين ال اميه
راحت غريبه وردت اسيره
دخلت دواوين بت الزجيه
==================
جرح الكَلب طكَ نحيبه
كباله انذبح يامصيبه
عن اخوتي فراكَي كَوه
ماخذ حبيب وحبيبه

جرح الاخت ماكو منه
اشكد ناشغت اه ياهلنه
عمري اعله ناكَه كضيته
هيبت دلال انسلبنه

عزي ودلالي راح اعله ناكه
يلجم دليلي ويجرح افراكَه
يابعد العيون اختك غريبه
من الناكه طاحت الكم مشتاكَه
=====================
وسام المبارك Open / Comment

2020-09-26 20:45:09 ينودن مثل نود النوكَ
اجن بالضعن غربه اتسوكَ
يادرب المشنه ..الشام
وجفن العين مامطبوكَ

باب الساعات
شكد بي شمات
ياوسفه وحيف
بي علويات
================
اجن لا رايه لا صيوان
شتدري الشام بي احسان
مو ساعه المشي ايام
ال الله بالديوان

معقوله الصار
لاخيمه ودار
من جل الليل
ضعن الله احتار
==================
الحبل مافاركَ الهن جف
الهزل ربت ايتام الطف
من صعدن بذاك اليوم
والدمع الشام لاماكف

ياضيم الشام
شدولب ايتام
ضعن الله ايضيع
ابفر الايام
===================
وحده بوحده تتصادم
ضعن الله وبني هاشم
يامسبيه كلهه اتصيح
مايرحم حجي الوادم

طراً بالسوكَ
وهزلات النوكَ
ياحجي الشام
بيهن ميلوكَ
==================
غريبات الدرب يمشن
جم اولايه يفترن
لارايه وجفيل الظل
بي يتلاوذن كلهن

بس حجي العين
ينزل يحسين
غربه الرايات
الكافل وين
=============
وسام المبارك Open / Comment

2020-09-25 11:48:26 وينك صحتلك شو مااجيت
شكد اشرتلك عالتل بقيت
حركو خيامي وماضلي راي
خويه يابو فاضل انوليت

بلايك اسيره
بحماك اميره
المن يكافل
وجهي اديره



ماحسبت هاي ابقه غريبه
للتل ركضنه بنار المصيبه

اطفال ويتامه للتل ركضنه
ياخويه تدري عنك بعدنه

...ياقمربني هاشم
================
طف المصيبه رايدله حيل
نركض وتركض ورانه خيل
يابا الفضل جالمن نروح
نسابكَ اوياهن يالجفيل

اركاظ ركضنه
للتل لحكَنه
ويلاه يخويه
لحّكَو احتركَنه

نار بخيامي وخيل التفرهد
ياخويه حيره جا المن اشرد

بخدري وعفافي الحيره شكبرها
زينب غريبه شو صار امرها

ياقمر بني هاشم
=================
يالعشريعه راح الدلال
جتفو حرمنه وخشنه الحبال
شبعن هظم شبعن نايبات
اشكد صحتلك خويه تعال

جانن عزيزات
هسه سبيات
للشام اخذهن
راحن غريبات

الجانت عزيزه هسه سبيه
ومجتوفه سكنه ورمله برقيه

خويه ولوني جيفن وحيده
كل الجره وصار ابطيحت ايده

ياقمر بني هاشم
==================
الغاضريه سوده من العبي
تدري بعمرنا رحنه بسبي
ماشفنه خويه خيال الرجال
هسه يماشينه اجنبي

اشكد نخيتك
داسو ثنيتك
موش انه لمشي
وانه ابحميتك

كَلب العقيله مابي بعد حيل
ياخويه تهنه بمرادم الخيل

شيحمل هلالام وشهل المواجع
مابين الازلام خدر الله ضايع

ياقمر بني هاشم
=================
خويه واقع هذا لو حلم
زينب اختك ابنص الزلم
بس الشماته وبلا اخو
من تمشي تعثر جدم بجدم

عباس عجيبه
اختك غريبه
جاوين اهلها
شهاي المصيبه

جاوين اهلها اهل المحنه
للغربه راحو مافزعو النه

صاحو عليها ذيج السبيه
وشلون اشاكَف مشدوه اديه

ياقمر بني هاشم
===============
وسام المبارك Open / Comment

2020-09-24 21:46:49 شابع الدنيا الحسن ماعونك
وضام للماحبه والميجونك
شكد كريم وماكسر خاطر بشر
دخيلك جفك سيدي وعيونك


برهان الحسن
سلطان الحسن
ايمان الحسن
قران الحسن الحسن الحسن

=======
تجرم الدنيا وتسوي المستحيل
القاسم انطيته وتحس كلش قليل
انت شمسوي بعد محتار بيك؟
الله دايخ بيك. مولاي الجليل

ديوان الحسن
عنوان الحسن
احسان الحسن
رحمن الحسن الحسن الحسن
============
اسهام نعشك انته كلتلها تعاي
حتى ماتكسرها وتغيرلها راي
كلشي جوعان ويكيف من يجيك
همه قله سيدي وانتَ الهواي

منان الحسن
حنان الحسن
ديان الحسن
سبحان الحسن الحسن الحسن
===================
من يمر طاريك يحتار السؤال
يانبي العده مثل هاي الخصال
مضيفك بلا باب حتى الي يجيك
مايحير ويشبع ملوحه ودلال

ستار الحسن
قهار الحسن
غفار الحسن
كرار الحسن

=================
كلشي ل لله انطيت حتى جبدتك
عزبت بيها وزعّت دم مهجتك
تدري بالسم جاي مارديته ليش
يدري ماتكسر الخاطر عتبتك

متعوب الحسن.
محبوب الحسن
مهيوب الحسن
مصيوب الحسن الحسن الحسن
===========
وسام المبارك Open / Comment

2020-09-24 14:17:39 يامضيف يعزب بتابوته سهم
يامضيف ومنطي قبل العالم خيم
يامضيف يسولف بجرحه وابتسم

والموكد ودللاله وجبد
معزب بيهن اعله الحمد
يادمعة وسالوفة عشكَ
منهو اكرم منك بعد
==========
ياكريم فاطمة وكَبل الوجود
ياكريم توزع بحبك خلود
ياكريم تمطر الدنيا برود

ومضيفك للوادم فتح
ذرانة وزعلك قدح
لسه الوادم تشتم عبير
وحتى للماحبك نضح
=============
بيها خير الدنيا لومادمعتك سيدي
بيها خير جروحي الك واهي بمولدي
بيهاخير كل جرح من تمر ندي

ارزقني من نعشك سهم
ورزقني من جمرك الم
لو ما يذكرك كَلب
كل عمره يبجيلك ندم
================
ياجروح جبدك وروحك هيام
ياجروح يسولف ودمعك غرام
ياجروح تندي من جروحك خيام

للركضت صوب المشرعة
وضعنك محد ظل ودعة
كل دمعة ترسملك رمح
مذبوحة سورة واقعة
===========
ياخيام ركضت وطرت درب
ياخيام يالحسن ساكَوه غرب
ياخيام وانته كَلبك ياكَلب

يمعزب ل لله بخيمتك
من جبدك تنزل دمعتك
نعشك صاير جن الحُسين
من اسهام الي صابتك
============
وسام المبارك Open / Comment

2020-09-24 00:57:10 جرح ومصيبه
ليله رهيبه
زينب غريبه جبل الصبر

ذبحو وليها
بعد ساكَيها
مجتوفه اديها جبل الصبر

التفكَد اخوه
من تمشي كَوه
بيهم اشسوه جبل الصبر

اخت الكمر
شبعت قهر
بدرب الخطر العقيله

هيمه الدرب
تماشي الغرب
اشالت كَلب العقيله

بدرب السبي زينب
وي اجنبي زينب
تلم العبي زينب يازينب

شبعت هظم زينب
وسط الزلم زينب
ماظل شهم زينب يازينب
===================
حتارت بامرها
ذبحو كمرها
حركو خدرها جبل الصبر

اخ الهضيمه
ابلايه خيمه
والدرب هيمه جبل الصبر

ما ودعوها
ماكام اخوها
غربه اجوها جبل الصبر

بجفها الحبل
فوك الهزل
ماتنعقل العقيله

اتماشي الغرب
طول الدرب
اه يا كَلب العقيله

عليها النظر زينب
اشسوه الدهر زينب
بعد الكمر زينب يازينب

اخ الجرح زينب
بصفهه الرمح زينب
ليل وصبح زينب يازينب
================
العزيزه جانت
اجم مره طاحت
ويالغرب راحت جبل الصبر

ليل وسبايا
مامش حمايه
لاكو في رايه جبل الصبر

افتر زمانه
جنه ابأمانه
غربه خلانه جبل الصبر

هيه الصبر
ورب الخدر
ماتنكسر العقيله

بيها انعرف
كل الشرف
يمها وكَف العقيله

بيها اشجره زينب
تتصوره زينب
وهيه مره زينب يازينب

تسبي الزلم زينب
تكسر خشم زينب
ماتنهدم زينب يازينب
=============
مايهم بيها
حتى سابيها
من يحاجيها جبل الصبر

كلهه بكَلبها
هضمة دربها
محد ضربها جبل الصبر

من تمشي حيدر
لوما تتيسر
لمت الخدّر جبل الصبر

شكد الالم
بيها لجم
عله اهل الخيم العقيله

راح الكفل
ركضت لتل
وي الاهل العقيله


بيها انشمت زينب
لمن رحت زينب
ماتلتفت زينب يازينب

سبعين الف زينب
ماترتجف زينب
اخت الكلف زينب يازينب
===============
وسام المبارك Open / Comment