Truth Infinite

2020-12-10 09:11:41 مقام اسکا ہے دل کی خلوتوں میں
خدا جانے مقامِ دل کہاں ہے

 ہونویں تاں عشق کمانویں
(عاشق بن جاؤ اور عشق کماؤ)
دل رکھیں وانگ پہاڑاں ہو
(اور اپنے دل کو پہاڑوں جیسا برقرار رکھو– ہو)
سے سے بدیاں لکھ الاہمے
(سو سو بدیاں اور لاکھ طعنے)
جانیں باغ بہاراں ہو
(ان کو ہمت اور خوشی سے سہو– ہو)

منصور جیہے چک سولی دتّے
(منصور جیسوں کو بھی سولی پہ چڑھا دیا گیا)
جیہڑے واقف کل اسراراں ہو
(جو سب اسرار سے قاقف تھے– ہو)

سجدیوں سر نہ چایئے باہو
(سجدے سے سر نہ اٹھائیں، سلطان باہو)
 کافر کہن ہزاراں ہو
(چاہے ہزار لوگ کافر کیوں نہ کہیں– ہو)

میں صوفی ہوں سرمستہ
میرا کون پچھانے رستہ
(میرا کون پہچانے رستہ) Open / Comment

2020-12-09 21:30:26 اَج سک متراں دی ودھیری اے
کیوں دلڑی اداس گھنیری اے
لوں لوں وچ شوق چنگیری اے
اج نیناں لائیاں کیوں جھڑیاں


اَلْطَّیْفُ سَریٰ مِنْ طَلْعَتِہٖ

والشَّذُو بَدیٰ مِنْ وَفْرَتَہٖ

فَسَکَرْتُ ھُنَا مِنْ نَظْرَتِہٖ
نیناں دیاں فوجاں سر چڑھیاں


مکھ چند بدر شعشانی اے
متھے چمکے لاٹ نورانی اے
کالی زلف تے اکھ مستانی اے
مخمور اکھیں ہن مدھ بھریاں


دو ابرو قوس مثال دسن
جیں توں نوک مژہ دے تیر چھٹن
لباں سرخ آکھاں کہ لعل یمن
چٹے دند موتی دیاں ہن لڑیاں

اس صورت نوں میں جان آکھاں
جانان کہ جانِ جہان آکھاں
سچ آکھاں تے رب دی شان آکھاں
جس شان تو شاناں سب بنیاں

ایہہ صورت ہے بے صورت تھیں
بے صورت ظاہر صورت تھیں
بے رنگ دسے اس مورت تھیں
وچ وحدت پھٹیاں جد گھڑیاں

دسے صورت راہ بے صورت دا
توبہ راہ کی عین حقیقت دا
پر کم نہیں بے سوجھت دا
کوئی ورلیاں موتی لے تریاں

ایہا صورت شالا پیش نظر
رہے وقت نزع تے روزِ حشر
وچ قبر تے پل تھیں جد ہوسی گذر
سب کھوٹیاں تھیسن تد کھریاں

یُعْطِیُکَ رَبُّکَ داس تساں
فَتَرْضیٰتھیں پوری آس اساں
لج پال کریسی پاس اساں
والشْفَعْ تُشَفَّعْ صحیح پڑھیاں

لاہو مکھ تو  بردِ یمن
من بھانوری جھلک دکھلاؤ سجن
اوہا مٹھیاں گالیں الاؤ مٹھن
جو حمرا وادی سن کریاں

حجرے توں مسجد آؤ ڈھولن
نوری جھات دے کارن سارے سکن
دو جگ اکھیاں راہ دا فرش کرن
سب انس و ملک حوراں پریاں

انہاں سکدیاں تے کرلاندیاں تے
لکھ واری صدقے جاندیاں تے
انہاں بردیاں مفت وکاندیاں تے
شالا آون وت بھی اوہ گھڑیاں

سُبْحَانَ اللہ مَا اجْمَلَکَ

مَا اَحْسَنَکَ مَا اَکمَلَکَ
کتھے مہر علی کتھے تیری ثنا
گستاخ اکھیں کتھے جا اڑیاں Open / Comment

2020-12-08 08:20:23 تصوّف

یہ حکمتِ ملکوتی، یہ علمِ لاہُوتی
حرم کے درد کا درماں نہیں تو کچھ بھی نہیں

یہ ذکرِ نیم شبی، یہ مراقبے، یہ سُرور
تری خودی کے نگہباں نہیں تو کچھ بھی نہیں

یہ عقل، جو مہ و پرویں کا کھیلتی ہے شکار
شریکِ شورشِ پنہاں نہیں تو کچھ بھی نہیں

خِرد نے کہہ بھی دیا ’لااِلہ‘ تو کیا حاصل
دل و نگاہ مسلماں نہیں تو کچھ بھی نہیں

عجب نہیں کہ پریشاں ہے گفتگو میری
فروغِ صبح پریشاں نہیں تو کچھ بھی نہیں

~اقبال Open / Comment

2020-12-08 07:13:12 حضرت مفتی زرولی خان صاحب نور اللہ مرقدہ Open / Comment

2020-11-17 13:04:04 Open / Comment

2020-10-13 09:41:51 Faizan-e-Muhabbat | فيضانِ محبت
اللّٰهﷻ
بن کے دیوانہ کریں گے خلق کو دیوانہ ہم
بر سر منبر سنائیں گے تیرا افسانہ ہم
@faizanemuhabbat_bot
https://t.me/faizanemuhabbat Open / Comment

2020-10-06 17:02:29 شان صحابہ پر ایک نرالی تحریر
از : محدث عصر علامہ سيد محمد يوسف بنوری رحمہ اللّٰہ

بات تو بالکل کھلی ہے کہ صحابہؓ کیسے ہی ہوں، مگر تم سے تو اچھے ہی ہوں گے، تم ہوا پر اُڑ لو، آسمان پر پہنچ جاؤ، سو بار مر کر جی لو، مگر تم سے صحابیؓ تو نہیں بنا جاسکے گا، تم آخر وہ آنکھ کہاں سے لاؤ گے جس نے جمالِ جہاں آرائے محمد کا دیدار کیا؟ وہ کان کہاں سے لاؤ گے جو کلماتِ نبوت سے مشرف ہوئے ؟
ہاں وہ دل کہاں سے لاؤ گے جو انفاسِ مسیحائی محمدی سے زندہ ہوئے؟
وہ دماغ کہاں سے لاؤ گے جو انوارِ مقدس سے منور ہوئے؟
تم وہ ہاتھ کہاں سے لاؤ گے جو ایک بار بشرۂ محمدی سے مس ہوئے اور ساری عمر اُن کی بوئے عنبریں نہیں گئی؟
تم وہ پاؤں کہاں سے لاؤ گے جو معیتِ محمدی میں آبلہ پا ہوئے؟
تم وہ زمان کہاں سے لاؤ گے جب آسمان زمین پر اتر آیا تھا؟
تم وہ مکان کہاں سے لاؤ گے جہاں کونین کی سیادت جلوہ آرا تھی؟
تم وہ محفل کہاں سے لاؤ گے جہاں سعادتِ دارین کی شرابِ طہور کے جام بھر بھردیتے جاتے اور تشنہ کا ’’مان محبت‘‘ ’’ہل من مزید‘‘ کا نعرہ مستانہ لگا رہے تھے؟
تم وہ منظر کہاں سے لاؤ گے جو’’کأنی أری اللّٰہ عیاناً ‘‘کا کیف پیدا کرتا تھا؟
تم وہ مجلس کہاں سے لاؤگے جہاں’’ کأنما علی رؤسنا الطیر‘‘ کا سماں بندھ جاتاتھا؟
تم وہ صدر نشین تختِ رسالت کہاں سے لاؤ گے جس کی طرف ’’ھذا الأبیض المتکیٔ ‘‘سے اشارے کئے جاتے تھے؟
تم وہ شمیمِ عنبر کہاں سے لاؤ گے جو دیدارِ محبوب میں خوابِ نیم شبی کو حرام کردیتی تھی؟
تم وہ ایمان کہاں سے لاؤ گے جو ساری دنیا کو تج کر حاصل کیا جاتا تھا؟
تم وہ اعمال کہاں سے لاؤ گے جو پیمانۂ نبوت سے ناپ ناپ کر ادا کیے جاتے تھے؟
تم وہ اخلاق کہاں سے لاؤ گے جو آئینۂ محمدی سامنے رکھ کر سنوارے جاتے تھے؟
تم وہ رنگ کہاں سے لاؤ گے جو ’’صبغۃ اللّٰہ‘‘ کی بھٹی میں دیا جاتا تھا؟
تم وہ ادائیں کہاں سے لاؤ گے جو دیکھنے والوں کو نیم بسمل بنا دیتی تھیں؟
تم وہ نماز کہاں سے لاؤ گے جس کے امام نبیوں کے امام تھے؟
تم قدوسیوں کی وہ جماعت کیسے بن سکو گے جس کے سردار رسولوں کے سردار تھے؟
تم میرے صحابہؓ کو لاکھ برا کہو، مگر اپنے ضمیر کا دامن جھنجھوڑ کر بتاؤ! اگر ان تمام سعادتوں کے بعد بھی میرے صحابہؓ برے ہیں تو کیا تم ان سے بدتر نہیں ہو؟
اگر وہ تنقید وملامت کے مستحق ہیں تو کیا تم لعنت وغضب کے مستحق نہیں ہو؟
اگر تم میرے صحابہؓ کو بدنام کرتے ہو تو کیا میرا خدا تمہیں سرِ محشر سب کے سامنے رسوا نہیں کرے گا؟
اگر تم میں انصاف وحیا کی کوئی رمق باقی ہے تو اپنے گریبان میں جھانکو اور میرے صحابہؓ کے بارے میں زبان بند کرو اور اگر تمہارا ضمیر بالکل مسخ ہوچکا ہے تو بھری دنیا یہ فیصلہ کرے گی کہ میرے صحابہؓ پر تنقید کا حق ان کپوتوں کو حاصل ہونا چاہیے؟

گلدستہ اردو ادب چینل سے منقول

@impoinfo Open / Comment

2020-09-30 06:56:47 https://www.youtube.com/c/TruthInfinite Open / Comment

2020-09-28 09:16:59 چمکنے لگا سربسر نور ہوکر
میں جل جانے والا نہیں طور ہوکر

تری یاد میں خود سے بھی دور ہوکر
میں بس رہ گیا نور ہی نور ہوکر

نہ پاس آؤ اتنے چلو دور ہوکر
میں کچھ اور کہہ دوں نہ منصور ہوکر

سرِ دار ہو کر سرِ طور ہوکر
ترے پاس آیا بڑی دور ہوکر

نہ ترساؤ ہر گام پر دور ہوکر
کوئی ہار بیٹھے نہ مجبور ہوکر

زباں چپ رہی گر چہ مجبور ہوکر
رہا بال بال اپنا منصور ہوکر

تصور سلامت تحیر سلامت
میں بیٹھا ہوں اپنی جگہ طور ہوکر

بدلنے لگے کروٹیں اہل مرقد
ذرا دور ہوکر ذرا دور ہوکر

یہ کس کے لیے جان دیتے چلا ہوں
چلی آرہی ہے قضا حور ہوکر

عجب اک معمہ سا میں بن گیا ہوں
نہ مختار ہوکر نہ مجبور ہوکر

چلا آرہا ہے کھنچا اک زمانہ
کشش اسقدر، اس قدر دور ہوکر

حدیں عشق کی کررہے ہیں وہ قائم
کبھی پاس آکر کبھی دور ہوکر

خوشامد، درآمد، تضرّع، تملّق
سبھی کچھ کیا دل سے مجبور ہوکر

کسی حال میں چین پاتا نہیں دل
نہ مغموم ہوکر نہ مسرور ہو کر

نہ جینے سے خوش ہوں نہ مرنا روا ہے
یہ جینے میں جینا ہے مجبور ہوکر

اب اتنی رعایت تو اے آسماں ہو
نئے غم ملیں پچھلے غم دور ہو کر

میں مجذوب ہوں جذبِ الفت سلامت
بچو گے کہاں مجھ سے تم دور ہو کر

اقتباس: کشکولِ مجذوب از خواجہ عزیز الحسن مجذوبؒ

https://t.me/faizanemuhabbat Open / Comment

2020-08-22 11:03:46 Open / Comment