2021-10-05 08:40:59
*राज्यसेवा आत्मपरीक्षण २०२१*
कृपया खालील माहिती ही फक्त माझ्या जुन्या विद्यार्थ्यांसाठी किंवा ज्यांच्याशी माझा मोबाईल किंवा गृपद्वारे प्रत्यक्ष संपर्क होत आहे अशाच विद्यार्थ्यांसाठी आहे. इतरांनी याकडे दुर्लक्ष करावे.ही विनंती!
अपेक्षेप्रमाणे राज्यसेवा २०२१ची जाहिरात आली आहे. जागाही चांगल्या आहेत. अनेक चर्चांना आता ऊत येणार आहे. पण आपण आत्मपरीक्षण करण्याची ही वेळ आहे. आपला अभ्यास पुढे यावरच ठरणार आहे. मागील काही वर्षात आपल्याला अपयश का आले हे शोधावे लागणार आहे. माझ्याकडून नेमक्या काय चुका झाल्यात की ज्यामुळे आज माझ्याकडे राज्यसेवेचे पद नाही किंवा मला अपेक्षित असलेले आवडते पद नाही हे येत्या २/३ दिवसात शोधावे लागणार आहे. यानंतरच अभ्यास सुरु करावा.
एक कागद घेऊन त्याला मधोमध दुमडा जसे आपण Origami करतांना करतो. दोन भाग होतील. एकीकडे
*१) आतापर्यंत मी काय केले?* व दुसरीकडे *२) मी काय करायला हवे होते?* किंवा माझ्याकडून अभ्यास करतांना काय राहून गेले? हे लिहून काढायचे आहे. अगदी प्रामाणिकपणे. म्हणजे किती कप चहा प्यायला हवा होता आणि किती कप टाळता येण्यासारखे होते इतपर्यंत. यातून काही गोष्टी होतील.
१) मी आतापर्यंत काय केले? हे कळेल.
२) मी आतापर्यंत काय करु शकलो असतो? हे कळेल.
३) मी आतापर्यंत काय केले नाही? हे कळेल.
४) मी आतापर्यंत जे केले नाही त्यासाठी काय करता येईल? हे कळेल.
आता पुन्हा याच कागदावर एक
*समांतर* आडवी रेषा मारायची आहे. पुन्हा दोन भाग पडतील. एकीकडे आतापर्यंत मी काय केले? या भागात मला काय कळाले हे लिहा व दुसऱ्या मी काय करायला हवे होते? या भागात मला जे कळाले नाही पण आता वळाले आहे ते लिहून काढा.
बस यावर्षी एवढे जरी केले तरी पुरेसे आहे. तुमचे मार्क्स यावर्षी वाढले नाही तर मग बोला.
दीपक गायकवाड
आदित्य अकॅडमी
अखंड महाराष्ट्र विद्यार्थी चळवळ
संपर्क:- 9763600585
1.5K viewsDeepak Gaikwad, 05:40