اليمته يابويه انتظر مني مل حتى الصبر روحي من بعدك صفت ل | تجمع أحباب الزهراء ع ( 1 )
اليمته يابويه انتظر مني مل حتى الصبر روحي من بعدك صفت للهم وحيده ولا خبر منك اجا وطمئن حميده مني مل حتى الصبر .......................... بويه احس بهمي يهدا منذكر اسمك بويه ليل أنهار اشوف بعيني رسمك بويه روحي تريد تكعد ساعه يمك ونته تشبكني بمحنه وانا اشمك
كلت اجي وطال الوعد كلبي ما يحمل بعد كلبي ما يحمل يبويه الفركه صعبه انا بين اهلي وأحس عايشه بغربه لا تجافيني بهجر مني مل حتى الصبر ....................... لا تجافيني وجفاك اعظم مصيبه وكلبي من يوم الرحت يسعر لهيبه وياحبيب اليرحل ويترك حبيبه بلا خبر لا طارش وطول مغيبه
الدنيا ظلمى بعيني احس ردلي يالوجهك شمس يمته ترجع حتى يرجعلي دلالي بويه بغيابك علي وحشه اليالي شيسوا بعدك هالعمر مني مل حتى الصبر ........................ بويه بجفاك الحزن خيم عليه بروح وحشت مكبره بوكت المسيه يمته يالكلك محنه تعود اليه حتى خبرك بالزمان شسوه بيه
بلوعه عيشني الدهر اغفى وصحى أعلى القهر و التعيش بلا ابو تعيش بهظيمه ردلي موتدري الابو اعلى عياله خيمه دمعت فراكك جمر مني مل حتى الصبر ………………… دمعت فراكك جمر وبخدي اثرهه وعيني اذا ماشافتك شلهه بنظرهه بويه روحي بغيبتك عاشت قدرهه ليله ظلمى وتنتظر طلعت بدرهه
يمته تخلص غيبتك حتى اسولف فركتك بويه عذبني الهجر وبلوعه أتاني وباقي بخدودي الدمع يشرح احزاني وكلبي بالون مستمر مني مل حتى الصبر ……………… وانا وسط الهم وشوفن عمي اجاني نزلت ادموعه أعلى خده وقبلاني ومن مسح راسي اعرفت دهري رماني بسهم صوب والدي وبيه يتماني
ومن عرفت بهل خبر ظهري حسته انكسر شلون حال المن زغر ينكسر ظهره بيا ألم يالوعه راح يكظي عمره كسري لا ماينجبر مني مل حتى الصبر ……………… لخادم الحسين علي عبود الغنامي
