بيك ازامط وآنه أدري ترفع الراس يللي عنوانك تهابه اگلوب الارجاس خَلَّه يتداول خبر مابين هالناس هذا مسلم لو دخل للكوفه عباس خلهه بلوه تبتلي...هذا يومك مسلم وعمك علي...هذا يومك
ناس ماعدهه وفه لا ذمه لا دين وسفه ناوين الغدر شبل الميامين بس وحگ زينب واخوهه ياضوه العين اليوم اريد اوياك اگرَّن عين الحسين صوتي للحگ يعتلي...هذا يومك مسلم وعمك علي...هذا يومك
مايهمنه ننذبح لجل القظيه ماتهاب الموت أهل الآخريه خل نصيح ابصوت اسمعو يال اميه دمنه فدوه ايروح لعيون الزچيه وفدوه لحسين الولي...هذا يومك مسلم وعمك علي...هذا يومك
مات لكن عاش الى يوم القيامه ضَحَّه دَمَّه مِن أجل عِزِّ وكرامه لاخر انفاسه وأبد ماعاف امامه للحسين امن القصر أرسل سلامه بالعشگ مملي ملي...هذا يومك مسلم وعمك علي...هذا يومك
