مسلم. غربتك نار يمسلم غربتك نار. بين الاشرار . يمسلم غربتك نا | تجمع أحباب الزهراء ع ( 1 )

مسلم.
غربتك نار يمسلم غربتك نار.
بين الاشرار . يمسلم غربتك نار.
،،،،،،،،،،،،،،،،،،،،،،،١،،،،،،،،،،،،،،،،،،،،،،،،
الغربة ماتنحمل يامسلم ثگيله
ياوحيد بنص غرب سيفك تشيله
ومن بعد يسمع حميده تندعيله
الموت صار أگبالك وماصح بديله

وسفه تحتار يمسلم وسفه تحتار،
بين الاشرار. يمسلم. غربتك نار
،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،


فزعت الوادم عليك تريد دمك
مسلم المفروض هالوادم تخدمك
انت باب الرحمه شو محد يرحمك
عطشوك العطشوا گلب أبن عمك.
.
يبن الخيار. تعاني يبن الخيار.
بين. الأشرار. يمسلم. غربتك نار
،،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،
مسلم الله يساعدك محد يگلك.
كلهه هاي الگوم شو تتمنه چتلك
ناس ماتستاهلك يالعلي عدلك.
ابن ابي طالب تعيد احكامه فعلك

رادوا العار. شملهم.رادوا العار.
بين الاشرار.يمسلم. غربتك نار
،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،
بالغدر ذبحوك يالچثتك سليبه
وشدوا برجليك أحبال المصيبة
تنسحب بالسوگ هالجثه الغريبة.
ولاحبيب اليبچي يمك لاحبيبه.

تجرح أخبار، ،مصابك. تجرح اخبار،
بين الاشرار.يمسلم. غربتك نار.
،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،
شلون توگع من سطح قصر الاماره.
شورت بالقصر أنته شلون شاره.
القصر غاير بالارض وأنت مناره.
گبرك بعلو النجم بيت الزياره.

رغم الاخطار. نزورك.رغم الاخطار.
بين الاشرار. يمسلم. غربتك نار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا