تجمع أحباب الزهراء ع ( 1 )

2022-05-30 08:05:33 فزاعيه البداية محرم

..
اليوم اسباع هاشم شالو الرايه
اسباع وللمنيه اتعنو اعنايه
..
كصدو كربله سباع الميادين
وبراس الضعينه واكف احسين
صد عينه الخواته وهلت العين
( هلي العين اعليه/هنا يالشال ابن امج ).
..
شالو والديار بساع سدوها
ضلت بس عليله تنوح خلوها
بتكم بالمنازل ليش عفتوها
(الكبره بدارك ضلت/تبجي وحزنانه )
..
هذا حسين ضعنه سدر وشال
ترف عالضعن رايات الابطال
الاضلت بالديار الدمع همال
( اشال بليل وحمل/ مارد لدياريه )
..
سد بابه الحنين وسدر ضعونه
ويازينب لخوها حيل محزونه
الموت اخوان زينب مايهابونه
( الموت اخوانج زينب/ راحوله عنايه )
..
اخوانج حملو ماهابو الموت
والكبرى وراهم صاحت بصوت
انحيله عله الشالو تون بسكوت
( اشال اضعونه / اتون اعليه )
.. ام زينب كربلاء


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-30 08:03:24 #محرم
#الهلال


اول ليله بمحرم يوسفنا بقى بحيره
يذكر زينب الحره ويذكر عمه ابو الغيره


اول ليلة بمحرم المهدي يجذب الحسره
هلال الشوم يمحرم بيك اقلوب متوجره
بيك حسين ظل حيران انصاره اموسده الغبره
وشاطي العلكمي يهلال عالكافل حنى ظهره

اول ليله بمحرم يوسفنه بقى بحيره
يذكر زينب الحره ويذكر عمه بو الغيره
&&&&&&&&&&&&&&

يباوع للسمه المهدي وبيهه كل نجم تذكار
بيهه الاكبر اينظره شابح للابو الانظار
وسط العسكر يشاهد شبه المصطفى المختار
جدي جابه للصيوان ومنه تايهه الافكار

اول ليله بمحرم يوسفنه بقى بحيره
يذكر زينب الحره ويذكر عمه بو الغيره
&&&&&&&&&&&&&&&

بيهه جاسم العريس حنته من دمه الخضاب
نجمه وبظهر عاشور تهاوى وي نسيم الهاب
لجم قلب العقيله اهناك دمع احسين ظل سجاب
جن شاف الحسن جاله وجن وسط النعش نشاب

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

&&&&&&&&&&&&&&&&&&

بيهه طفل بقماطه اعله الماي العده ذبحوه
وقلب العدو ما يرحم اجته الخيل هم سحكوه
راس الطفل وشيحمل فوق الرمح من شالوه
اتعاين امه من بعيد اوليدي بالمهد خلوه

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

&&&&&&&&&&&&&&&&&&&

بيهه الخيمه محتركه خيل وزلم ويه الليل
بيهه اطفال محتاره ونسه ما عدهه بس ياويل
بيهه احسين ظل عريان اموسد الغبرى وجديل
بيهه موكب للسبى مجتوفه باحبال وعليل

اول ليله بمحرم يوسفنه بقى بحيره
يذكر زينب الحره ويذكر عمه بو الغيره

تمت بعون الله
خادمة الزهراء / ليلى زغيب


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-30 08:02:21 #محرم
#الهلال


يمهدي اعليك لو اگبل محرم
ياجرح اليألمك رايد اتفهم

ساعة مايهل اهلال عاشور
جنّك بالمآتم سيدي تدور
مأجور ابمصاب حسين مأجور
تنوح مصيبته وتجري الدمع دم

تحضر في عزا المظلوم كل عام
تلطم بالعويل اوحاسر الهام
اكبر منزله اتقلّد الخدام
اليمشي بموكبك هيهات يندم

چنّك بالنوايح والهضم جاي
بيدك رايه سوده تلوح مولاي
تبچي اعلى مات اوماشرب ماي
وبعينك الم عاشور خيّم

صادق سويد


ياشيعه أول مايهل شهر المحرم
تتألم الزهره و تهل مدمعها زمزم

تنشر قميص حسين بأول يوم عاشور
وصوب السما اترفعه وتنادي بگلب مكسور
ياربي ليش حسين دمه يصير مهدور
نبله في گلبه وبالحجر هامه إيتِهشّم

ذكروا مصابه وحيرته بيوم الفجيعه
بين الاعادي وشايل ابچفه رضيعه
ولمن نظر عباس مرمي اعلى الشريعه
والاكبر امگطع اوجاسم حنته الدم

واسوني بالظامي الغريب ابكل عزيه
ونشروا لعلام اوعظّمو اجر الزچيه
بكل المآتم ليه ونّه معتليه
شهر الحزن واللوعه والحسرات والهم

مذخوره هاللطمه إليكم والمدامع
وصرخة حسين اتدوي ابكل المسامع
وآني الوسيله بالحشر وحسين شافع
لاتخاف لا اتحاتي ومن اجهنّم لا تهتم

اسمع محرّم لو دعاك اولبي فاطم
وگول الشرف ليه صرت لحسين خادم
وسط المواكب والمضايف والمآتم
كل البشر تلگاها عند حسين تلتم

تمت صادق سُوّيد

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-30 08:00:10 شوط كربلائي
أستهلال هلال شهر محرم الحرام
......................
يهلال أبشهر عاشور .. زينب لا تأذيها
واسيها أبمصاب حسين .. لتزيد الألم بيها
.......................
يهلال الحزن والنوح .. زينب فاكده الخوان
مكسورة كلب من يوم .. شافتهم عله التربان
جاه الله نمشي أعليك .. ب خت المنذبح عطشان
يهلال التهل عالناس
وضع أم الخدر حساس
لتروع أخت عباس
وتجمل حزنها أحزان .. حزن البيها يكفيها
....................
جايب يا خبر يهلال .. بيك أنحس ذبح منحر
أو صدر أمهشمته الخيل .. وبسيف العدا أموذر
موت أحمر يغص بالموت ..ليلك والعطر عنبر
عنبر من نحر مذبوح
ظل فوك الثره مطروح
وبصفه العقيله أتنوح
أوتصفك باليمين أيسار .. من شدة مئاسيها
....................
شاعت للمنايا أعلوم .. نامت عالترابه أبدور
ما بين الكفلها أو بين  .. شبان أبجمال الحور
بهداي أعله أم الظيم .. لن منها الكلب مطرور
الكافها أنكطع جفين
وتصوب سهم بالعين
وولاد الحسن وحسين
زينب بيهم الهاليوم .. ما كفت نعاويها
.......................
بالطف شافت المنشاف ..زينب بت علي يهلال
عبد الله أبسهم ذبحوه ..أطفال أوبديها أحبال
نيران أبنات حسين .. كضت والشمر يختال
أبأمر الطاغيه أبن أزياد
غاليها علي السجاد
للشام أبحبل ينكاد
وبسن العواسل روس .. مرفوعه لهاليها
.....................
كل حول التهل يهلال .. زينب للألم تحتام
ويتام أبكترها أتلوذ .. وتنام أبحضنها أيتام
وحزان الخرابه أتصير .. عيد الكل أهالي الشام
أو عالدار أبرقيه أوصار
حيل أم الصبر منهار
تندب والدمع مدرار
وين أمي تجي وتشوف .. ياحاله أعانيها
......................
خادم أهل البيت
الشاعر : أسماعيل الجوراني


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-30 07:58:30 #هلال محرم


#قصيدة_للهلال
#نعي

نعي ... لسان حال السيدة زينب عليها السلام عندما رأت هلال محرم الحرام.


عليمـن ياشـهـر عـاشــــور هلّيت
موحش عگب خوتي ومظلم البيت
بيــك بـلا اهــل وخــــوان ظلّيت
ميتـه ولا اشــوفـك ثـانـي ياريت
ياشـهـر الحــزن بـدمــــوع ناديت
چـم عـلّه وجــرح بـگـليـبـي خلّيت
...

ياشـهـر المـحـرّم لا تـهـل غيب
جرحك لا تظن چم يوم ويطيب
غيـر آلام گـلّي ويــــاك شتجيب
مصاب حسين هدني وبيّن الشيب
ماظـل كـتـر سـالـم بيّـة وتصيب

...

يجرحني الدمع بالعين. لاهل
غريبه ومابقتلي خوان. لاهل
هـلالك ياشـهـر عاشـور. لاهل
عسه ولاشفتك وشفت الاذيّه

سيد زيد الفحام


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-30 07:57:32 #هلال محرم



● *أبـــــوذيـــــــة* ●

عسى اهلالك يَشهر الشوم لاهل
او إِلي والي فلا خليت لا هل
يچويني الدمع يهلال لا هل
امن أذكرن بيك إخواني رميه


● *نعـــــــــــــي* ●

عسى اهلال الشهر لا هل علينه
و لا احنه الكربله يحسين جينه
خويه العده إلتمت علينه
وانا قلبي يقول اتفارقينه
وبعينچ تشوفين ابو اسكينه
چثه اعله الثری و امقطعينه

قلبي انخمش من شفت الهلال
وسال الدمع من عيني همال
هالشهر بيه تتذبح ارجال
وبيه راس اخيي برمح ينشال
وجسمه يظل ابحر الرمال
وآنه انچتف للشام بحبال

تفجعني يشهر ابچم مصيبه
مسبيه أظل وأبگه غريبه
ودلالي ميفارق نحيبه
عجيبه محنتي والله عجيبه


بعدك ما أذوقن طعم الأفراح
وجفني امن البچي مالحظه يرتاح
كل ليلي قهر يهلال وانياح


افارق بيك كل أهل المحنه
ومحد يظل يهلال إلنه
ويسلبوها بعد والله حرمنه



●● *نعي فائزي* ●●

هل الحزن و النوح لمن هل الهلال
وزينب حزينه ونايحه و الدمع همال

ريتك يشهر النايبه لا جيت وهليت
وسط القلب چم نايبه چم جرح خليت
يامه علی فقد اخوتي يهلال ونيت
جدام عيني شفت اخيي اموسد ارمال

شفته وبقت وسط القلب يهلال جمره
ما ودعيته ولا قدرت أقعد ابكتره
ظليت مالومه و أجر يهلال حسره
وتالي مشيت امچتفه يهلال بحبال

يهلال ترميني بعد چم سهم وامصاب
ما خليت عندي لا ولد لا أخو ولا شاب
وأعظم عليه من رحت تحديني لأجناب
وكل ساعه يضرب متني آيهلال چتال

تمت بحمد الله تعالی
بقلم الشاعرة/ فاطمہ كريم
       •••• الكويت ••••
|| شرعاً لا أجيز حذف الإسم ||
*نسألكم الدعاء لتعجيل الفرج*
*يــــــــــا أبا عبـــــــــــــــدالله*


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 05:35:52 #هلال محرم


● *أبوذيــــــــــــات* ●

يَهلال الكدر والضيم هليت
ودمعاتي ابطلِعْتك دمها هليت
انظرنك واقولن والله هاليت
أبد يَهلال ما تطلع عليــــــــــه

اشوف ابطلعتك يَهلال ولماي
وحرم مكسوره اجمْعنها ولماي
بجوارك يا نهر موتى ولمـــــاي
تروي المهجه لأولاد الزچيـــه

دليلي ابطلعِتك يَهلال ينصــــاب
ولِبن أمي الدمع من دم وينصاب
يشيِّد مأتمه الهادي وينصــــــاب
وينادي بشيعته ليه العزيـــــــــه


● *نعــــــــــــي* ●

ونيت من شفتك يالِهــــــلال
واعرفت الدهر لاخواني جتال
او عليهم يا يمه اتفطر الدلال
ونييت واعرفت الدهر من مال
شفت اليتامى تنسحب بحبال
ودم الحياده اعله الارض سال
والله يا صبر مَتشيلك اجبال
الوالي يا حره حَمَّل وشــــال
راحوا هلي حمالة الاثقــــال


شفتك يالهلال وبچيت
بيك الحياده ودعيت
يَهلال لفادي اقطعيت
بفراقهم بلوه ابتليت
عزي ودلالي هل خذيت
صبر ومرار ومَنتهيت
تاليها مسبيه مشيت
خليتهم بالشمس وجفيت
لاماي رشيت ولا ادفنيت
وديوان عدواني ادخليت



● *نعي بوزن : الفائزي* ●

يَهلال لا تطلع علي لَتْشوفك العين
ينصاب قلبي بشوفتك واتمنه للبين

يَهلال لا تطلع علي يا بو المصايب
بيك افقدت عزي ودلال اهل الحرايب
من شوفته انصاب القلب بالحزن ذايب
يااهلال من تطلع علي جريت إلونين

جريت بونيني واظن ماتدري بيه
واشلون زينب بت علي تمشي سبيه
بيك الحياده امطرحه وتنعى الزجيه
يبنين بنت المصطفى يااطهر ابنين

تنعى الزچيه بالألم تلطم ضلعها
والروح راحت يالولد وانتم وجعها
محزونه تبچي من دمه واتهل دمعها
صبح ومسيه تنتحب وتصيح يَحسين
__
تمت بحمد الله تعالی
بقلم : بنت الشمري
_الكويت


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 05:34:31 * إستقبال_هلال_المحرم*
* طور_الخضيب*

شهر السبي وحرگ العبي
              هــل لــيــنــــه بهــــلالــه

شهر الحـزن والفــاجـعــة
              عالمصــطــفــــى وآلــــــه

گلب الامــام المنــتــظــر
              ربــنــــا ايــعَــرُف حــالــه

عالفاطميــة و عالنـحـر
              دم يــبــكــــي دلّالــــــه
ـــــــــــ ❁ ❁ ❁ ــــــــــــ
عين الولـي اتگطّــر دمــه
              عــالمــنــصــــرع بالــحــر

طول الدهر يبكي بألم
              عالجســــم الـــمــــــوذر

واللي كسر له خاطــــره
              فجــعــــة سبـــي الخــدَّر

ينـحب ينــادي ياخــلگ
              مســبــيــــة بـت حــيــدر
ــــــــــ ❁ ❁ ❁ ــــــــــــ
من يلفي لينـه هالشهر
              تــتــجــــــدد الاحــــــزان

چني اشوف ام الحســن
              تــتــچــــه عــالحيــطــان

تحضر رغم كسر الضلــع
              و تــنــــادي يــاعطـشــان

وينـك يريــحــان الگــلب
              آ يـــا ســبــط عــدنــــان
ـــــــــــ ❁ ❁ ❁ ـــــــــــ
بقلم الشاعرة زينب الخفاجي


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 05:31:10 #بين الزهراء ع والمهدي عج
#تُقرأ بألحان مختلفة



نادى المهدي يا يمه
يَ زهرا و يبكي مِن هَمَّه
قُمَرْ عاشور مِنْ رَسْمَه
نشاهد نِذْرُفِ العَبْرة

قالها يمِّي لَحْقيني
نِزورِ الشيعة يا عيوني
بْمَجالِسْهُمْ يِواسوني
وْيِواسوكِ يا هالزهرا

قالتْ له وِحَقْ ضِلْعي
يابْني سَالَتِ دْموعي
حارَتْ ناسي وِجْمُوعي
تِبْكِي صَدْري لو صَدْره

قَلْها وْ تِدْمَعِ العِينين
مِنْ أَذْكُرْ حبيبي حسين
جِسْمَه وين وْراسَه وين
ظامي وْ ما شِرَبْ قَطْرة

تِبْكي فاطمة وْنادَت
يابني تِذْكُرِ الْرَاحَت
زينب بِالهَضِمْ عادت
مُصَاب و ظَنِّي تِتْذَكْره

قال اشلون انساها
سِبْيوها وْ يَتَاماها
وِ تْشوفِ الشِّمِر جاها
تِبكي وْ تِذْرُفِ العبرة

زينب تِشْكِي لِلْذِبْحوه
طولي الْما انْكِشَفْ شافوه
وْمَتْني بالسبي ضِرْبوه
كَبْدي بْذِكْرَه مِتفطرة


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-05-29 05:29:10 # *محرم الحسين
#طور الفراق
#استهلال محرم وحال الموالي لسيده ومولاه:


يا هي ليله..ليلة امحرم قهر
ياهي ليله..دمعي عالوجنه نهر
يا هي ليله..تبتدي احزان الدهر•

جه محرم..كلنا نحضر بالعزية
جه محرم..نشارك الزهرة الرزية
جه محرم..نواسي حيدرنا الشفية•

جينا جينا.. نلبس ثياب الرزيه
جينا جينا..اسود هدوم البريه
جينا جينا..كلنا نصرخ هالعشيه•

#أين المنادي حسين حسين حسين:

واحسيناااه..مالي غيرك يا امامي
واحسيناااه..انت ياشوقي وهيامي
واحسيناااه..دمعتي تشرح غرامي•

خادمة أبالفضل


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment