#قصائد_شهادة_فاطمة_الزهراء_ع #مـۄسسـﮫ_مــﻥــبـريۄن_للالـﺢــان | 10.مؤسسة منبريون للكعديات🧿

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

من آذاها فقد إذاني
ــــــــــــــــــــــــــــــــــــــــــــــــــــــــ
(كعدية) اخاطب فيها الشيطان الرجيم وكأن نفسي امارة بالسوء
..........
ابحالي اتركني يا شيطان ... خليني عايـــــــش إنسان
امصخم وجهي واسود ثوبي ~ كلَّه مَنَّكْ كَثرة اذنوبي
ابحالي اتركني يا شيطان

بَعْدَّتني عَــنْ إلهي وعَنْ كتابي وعَنْ صلاتَــــــي
ابطاعتي للباري الله ﭼــانَتْ اتْخَبُلّ حياتـــــــــــي
تيَّهَتني بالمعاصــــــيْ وعقلــــي غافــــَلْ ابْسُباتيْ
اليومْ اخْتَلَفْ عَنْ الأَمَسْ بَيَّهْ اشْعمَلْ سَهمْ الهَمَسْ
آني التهيت ومـــا أحس وأقترب منَّي مماتـــــي
دنيا ونسوان وأمـــوال ... يالبيـــدك غيرت الحـــــال
ربَّــكْ ﭼـانْ اغلَى محبوبـي ~ كلَّه مَنَّكْ كَثرة اذنوبي

لَمَّــنْ اذْكــَرَهه سنيـــني السابقــة ﭼـانَـتْ جميلـــــة
عشـﮔــي للباري الجلالـــة عاشـــﮔْ الْخَلْ الْخليلــة
طَمَّسَتنيْ ابْهالمُصايــَبْ حيلتي جــــــــداً قليلـــــــــةْ
باﭼـــر حشر باﭼــر سَقـر وربَّكْ اُمَـــــرْ طــــــــه نَذَر
يالْدَخَّلتــنيْ بالْخَـــــــــطَرْ اذنوبــي صارَتْ يا حصيلة
باقي امْشوشْ بالْشــــهوات ... مَنَّكْ كل ذني الشيناتْ
ﮔــدامْ الله اهوايْ اعيوبـــــي ~ كلَّه مَنَّكْ كَثرة اذنوبي

بالمجالــسْ ﭼـــانْ دوري بالصَـــدَرْ هذا مَـﭼــانـــــيْ
وهسَّه احَسْ الزهـــره مني اتبرَتْ وماظَـنْ ترانـــــيْ
دمرتني يا بُو مُرَّهْ وطبْعَــــــكْ المُـــــــر العَمانـــــــيْ
بيــكْ العَنْ اهواي واصـــدْ بس نفسي مراتْ اتْهَبَـــدْ
وأنتَ اسْتغليتْ ابْجهـــــــدْ وجرجرتني من إذانــــيْ
اليتبــع نهجك يا شيطان ... جل السامــع كالحيوان
طسات وعثرات ادروبـــي ~ كلَّه مَنَّكْ كَثرة اذنوبي

يالحلاتـــكْ بالدقايـــق والندم بَعدْ النضوﮔـــــــهْ
وراحــه نفسيــه طعمهه نعمة الباري وحـﮔـوﮔـهْ
الدنيا مو دار المقامــــه الدنيا مثل الدخل سوﮔــهْ

لو بايــعْ ولو مشتــــــري وآني اشْـجنيتْ ابْمَعْبَــــريْ
لو مؤمن ولو سَرســــري وكل بشر بارينـــهْ فوﮔـــهْ
عمري اختصرتــه ابمضمون ... يبليس انت ما مأمـــونْ
غيرت ايامـــي واسلوبـــــي ~ كلَّه مَنَّكْ كَثرة اذنوبي

عُمري خلَّصْ يابو مُره ياخـه فُكْ مني ابأذيتــــكْ
رايد استغفـــــر الاهي بالدعـــــا امنعهه جيتــــكْ
وابحبل ربي وحنانــــه ما يخوفني آني صيتـــــكْ
بالبسمــلة وبالقلهـــــــوهْ ﮔـلبي أحس كلَّـه ارتوه
ابحب الله اشتم الهـــــوى كون ربي ايهجمه بيتـكْ
ربَّكْ يفتحلــــيْ الابــــــوابْ ... ويرجعلـــيْ أحلى أجوابْ
لا تدنالــي وتـﮔـــرب صوبـــي ~ كلَّه مَنَّكْ كَثرة اذنوبي

لخادم الحسين المذنب: كرار الحسينات الكربلائي
25/3/2021م- الخميس



قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
كروب الالحان رقم 1
https://t.me/joinchat/Dw92Dj9pmspR5uHfACGjlA
كروب الالحان رقم 2
https://t.me/joinchat/Dw92DkJZ4tvb4YIzJWBWrg