#قصائد_الامام_علي_ع_ .     الله وياك يالشايل للكبور بوية ن | 8.مؤسسة منبريون للنساء🧿

#قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       
قصيده للامام علي ع

اجيت ابجي بحزن وبدمع سجاب
وانعى بعالي صوتي لداحي الباب
عليه تزيد ونتي
تصب من دم دمعتي
مطبور ويون والجرح ماطاب...
اجيت ابجي بحزن وبدمع سجاب
┈••●••┈ ┈••●••┈ ┈••●••┈••●••┈ ┈•••••

على الساجد يصلي ابگلب محزون
غدروه الكفر مدري شيريدون
ادكن عل صدر واعميها العيون
شكل لايتامه لو رادو يسالون
اون ونه اعله ونه
على الشايل حملنه
من صابو علي دلالي انصاب....
اجيت ابجي بحزن وبدمع سجاب

ام فراس الساعدي

┈••●••┈ ┈••●••┈ ┈••●••┈

من صابو ولينه انصاب گلبي
وين انطي الوجه المن يربــــي
فارگنه الوصي يدمــوعي صبي
بعد المن اسولف ضيمي يحبي
ضايع كل حلمنه
وفگدينه املنه
شايل وين يابن نسل الااطياب
اجيت ابجي بحزن والدمع سجاب

تقى التميمي
┈••●••┈ ┈••●••┈ ┈••●••┈

صوابك عذباني وشده بالــــــــــي
مصفر الوجه بويــــــــــه يغالــــــي
اسمع بس ونينــــــــك بالليالـــــي
صعب جرحك واخاف الفرگه تالي
جرحك بويه چتال
همومي يهدن جبال
شيوالم جروحك يا هوه الهــــــاب
اجيت ابجي بحزن والدمع سجاب

#نبضي_حسين

┈••●••┈ ┈••●••┈ ┈••●••┈

سيف الغدر صابه ابفرضه صايم
ولولا الفرض ما يجسر له ظالم
من فوگ الرووس ذبوها العمايم
حيدر حامي الدين
امصابه يعمي العين
حسافه يسيل دمه بوسط محراب
اجيت ابجي بحزن والدمع سجاب

أم علي دمعة لقاء

┈••●••┈ ┈••●••┈ ┈••●••┈


على حامي الحمة مضروب راسه
امامي اليحتقر كرسي الرئاسة
يركن الدين ومقوي اساسة
مصابك عذب الروح
يروحي زيدي النوح
عسى راسي بدل راسك النصاب
اجيت ابجي بحزن والدمع سجاب

خادمة العقيلة

┈••●••┈ ┈••●••┈ ┈••●••┈


مجروح الولي ويجهر ونينه
بل محراب ابونه امصوبينه
وشفت محبوب گلبي شايلينه
صحت ابصوت ياعزنه اولينه
ومصوب على الهام
بعده تضيع اليتام
ماصحله دوه اصوابك ولا طاب
أجيت ابجي بحزن والدمع سحاب

العلويه ام اسامه البطاط
┈┉━━━ • • ━━━┉┈

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy