#قصائد_الامام_علي_ع_ .     الله وياك يالشايل للكبور بوية ن | 8.مؤسسة منبريون للنساء🧿

#قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       
لاستشهاد الامام علي ع

فزاعيه/
وتقرا بطور.... الفواتح... ايضا


اليله ابو الحسن ما تمم اصيامه
طاح ابنص سجوده بطبره الهامه



غدر بيه النذل وتعنه محرابه
وبطرت الفجر مترصد ابابه
طبراه وي سجوده وغيم احبابه

(الدين تهدم /ركنه وايوانه )
الفاطميه طالبه الزهراء


ابن ملجم جسر وتصوّب ايمامي
بلهامه يويلي وراسه ظل دامي
جابوه الحسن وحسين جدامي

(دم اليشفع/ظل يصب بمحرابه)
ام فراس الساعدي


يانبض الكلب يالعايش بروحي
اشلون تروح عني وتلجم جروحي
اشوفن دمك الجاري وكثر نوحي

(دمومك تجري/من الهامه)
ام محمد الخطيب الموسوي


صوت ارعد سماه ونهدت اركانه
وايتامه تصيح انهض يرجوانه
محرابه يريده وزادت احزانه

ويتامه اتون ..اعلى افراكه
ام اسعد الشمري


هليوم انهدم ياشيعه ركن الـدين
طاح بسجدته يا سيد الكونين
وجبرائيل كبر ويه المـشـيعيـن

ويكبر ضل..اعله مصـابه
ام احمد العبوديه زبير


تمت القصيده باقلام شاعرات
رابطه كفيل زينب ع
٢٤/شعبان /١٤٤٣
غير مبري الذمه لكل من يغيير الاسم او الرابط و ياخذ كلمات القصيده وينسبها

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy