8.مؤسسة منبريون للنساء🧿

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     



قصيده بحق الامام الكاظم ع
على طور يخيمات



يمسموم ميت بالسجن وحدك يمسموم
ومن تعذيبهم ماتكدر اتكوم
كلب ابنك عليك اليوم مهدوم



اليوم الرضا/يبجي بدمه/ايكول الابو/اريده

مقيد ابوي/وبالسجن/دم مابقى/بوريده

ثكل الحديد/العذبه/وكوم العده/ويزيده

قيود شكثر/البركبته/والجامعه/اعله ايده

حسافات بطاموره تضل انت حسافات
تموت الوحدك مابين شمات
عليك اليوم تتسابك الدمعات


نعشك صدك/يابو الرضا/فوك الجسر/عجيبه

هذا الغريب/الكل يكول/والله اسف/مصيبه

تهد الكلب/ياقصتك/ماتنحمل/غريبه

ابعيد الدرب/ياسيدي/منين الرضا/اجيبه

يحظرون للتشييع مولانه يحظرون
ايشيلون الجنازه بدمع العيون
اليوم اعليك يا موسى يونون



بعيد الدرب/غربه وعده/ضلمه وسجن/ضروفك

والسم مرد/كلبك مرد/والجامعه/بجفوفك

وين الرضا/يابو الرضا/يحظريجي/ويشوفك/

عونه الوصل/يم حضرتك/بدمعه وحزن/يطوفك

يون حيل يم جنازتك عونه اليون حيل
ياصاحب السجده وعابد الليل
عمت عين الزمان البيكم ايميل



جنازت غريب/اعله الجسر/تحني الظهر/حزينه

اليوم الكلب/لمصيبته/يجهر يضل/ونينه

موقف صعب/خالي النعش/وشكدعليه/بجينه

عاش بسجن/طول العمر/بيه انكضت/سنينه

يمضلوم ياهو الشيعك كلي يمضلوم
كل شيعي عليك اليوم مهموم
ينزف كلبه لمصابك ومالوم



بقلم الشاعرة سحر ام كرار الساعدي

غير مبري الذمه من يحذف اسم الشاعر
​┅┅┅┅ـ ๘✿ৡ┅┈┈‏• ┈​


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     



قصيدة بحق الامام الكاظم ع
ع طور كومن بنات النبي


مسموم كلبه ويون
وما واحد عليه يحن
مقيدين اديه العده
خلصت حياته بسجن

نار الكلب يالهواشم
تسعر نهاره اويه ليله
بالسجن ابن المكارم
والساعه كلش طويله
مايرد ماضنه سالم
حماميل باجر تشيله
شدوا الحزم والعزائم
بالكت انبرد غليله

انشيعه نطلع جمع...نهمل عليه الدمع
يستاهل ابن العشيرة...خلص حياته بمحن



مقيدين اديه بسلاسل
والسم مرد كل دليله
ضلام مر التعامل
   لوطاح محد يشيله
دم راسه عالركبه سايل
   وما نام لا يغفه ليله
اليوم يا وسفه شايل
  السم مهدمله حيله

جنازه يضل عالجسر     عليه الكلب ينكسر
والاهل عنه بعيده    خلص حياته بمحن

.............................

بالسجن ومقيدينه
بيادين هذا وعقيده
مسجون خلص سنينه
والحبل دوم اعله ايده
ليش الولي امعذبينه
شنهي الطلب والتريده
الكوم تعشك ونينه
وكل يوم همه بمكيده

باجر نون ما نهيد....والنار بينه تزيد
شايل حسافه ولينه..خلص حياته بمحن
.................................

سم وضلام وسلاسل
والاهل كلش بعيده
ابن الكرم والاصايل
القيدباقي اعله ايده
الوكت ضل دومه مايل
ضلام كصوا وريده
فرحانه عدهم هلاهل
سموه كوم اليزيده

وين لاهل خل تجي..ايشيعون جثته ابجي
صاحب السجده الطويله..خلص حياته بمحن..................

بقلم الشاعره ام كرار الساعدي
غير مبري الذمه من يحذف اسم الشاعر


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     



نعي بحق الامام الكاظم ع


عجب نعشك تشيله اليوم الجناب
اولا يمك اخوك وجمع الاحباب
اتدير العين حقك يبن الطياب
غريب اوطان يا ابن الزجيه



غريب ولا الك بالكوم ناصر
دليلي اعليك والله اليوم شاجر
يموسى بين موت وكفر حاير
وتدير العين غربه بلا حميه


عسه السمك دليله كون ينسام
ومثل عينك جفاها النوم مينام
غريب وبالسجن مثلك ياليمام
وحديد اضعاف كون بكل مسيه



يا صاحب السجده الطويله
من طاح محد يتجيله
منه يفك قيده ويشيله


اليوم اخوه بعيد عنه
مايسمع المسموم ونه
بعيدين عنه اهل المحنه


لا ابن عمه ولا اخوه
فوك السجن ياناس سموه
الكفر ماادري شيطلبوه


ماكو ابن عمه ويشيله
والسم مرد روحه ودليله
يومه صعب مابينه حيله


ثكيل الحديد ويهدم الحيل
والا نام ساعه بهدوت الليل
بصاحب السجده الكافريعيل


مقيد اديه وما يرحمه
ومايمه اخوه اولد عمه
اليوم زاد وكثر همه



بالسجن ومسلسل المسموم
مقيد عمت عيني يمضلوم
عليه الدليل اليوم مالوم



بقلم الشاعره أم كرار الساعدي
غير مبري الذمه من يحذف اسم الشاعر


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     


نعي بحق الامام الكاظم ع


هاي الجنازه وين اهلها
عالجسر ضلت محد الها
وين المحب عينه يهلها


اجنازت المسموم هايه
لا هوسه يمها ولا روايه
شلون من اجت ليه المنايه



عالجسر ذبوها الحماميل
ومن كل كتر يدمومه اتسيل
مسموم و ثكيله الزناجيل


يعينه الله الماله خوان
وحشه الجنازه وماكو احنان
و قيوده ما فكهن السجان



كون اليموت احبابه يمه
اخوته تجي و ولاد عمه
بس الامام الكضه بسمه



كون اليموت اهله يجونه
وعالقبله همه يقبلونه
يبجون يمه و يودعونه


حلات اليموت يشوف الحباب
يكعدون يمه بكلب منصاب
بس موسى ضلت عينه عالباب


عالباب عينه ولا ارتاح
راد اليسنده من هوه وطاح
الحيل من سمهم بعد راح


للباب ضل يدير عينه
بعيد الاهل ماحاضرينه
عدوان وليه وسامينه


بقلم الشاعرة أم كرار الساعدي
غير مبري الذمه من يحذف اسم الشاعر

h



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     



نعي مجرد بحق الامام الكاظم ع
وكأني بمولاتنا المعصومه ع......تقول


بويه ونيت ماحضرينه ونتك
يمسموم يا الغالي اعلى بنتك
اليوم بويه يا محنتك



الشايل غريب وماله احباب
مثل الجرح لو نزف ماطاب
والله يبويه اصوابك اصواب


يومك صعب كلش ولاهان
يمسموم وبوليت السجان
ومن السلاسل بيك نيشان


ماينحمل يومك صعب حيل
بمتنك صفه طبع الزناجيل
ما غمضت ساعه ابطن ليل


شحجي يبويه وكلبي مكسور
وتدري الابو يا والدي سور
اضلم نزلنه و شايل النور


وليه ولوك الما يرحمون
والله اكسرت كلبي يمسجون
كون اليموت اهله اليحضرون


بقلم الشاعرة أم كرار الساعدي
غير مبري الذمه من يحذف اسم الشاعر


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     




نعي بحق الامام الكاظم ع
على لسان حال مولاتنا الزهراء ع



اجيتك ييمه وكلبي حاير
والكلب مثل النار صاير
عليك العكل ياموسى طاير


طار العكل واليوم اجيتك
يالولد يمه وعتنيتك
عالجسر يالغالي لكيتك

جنازتك وحشه وعمتني
اشيعك وخليها اعله متني
الدمعه عنك سابكتني


عالجسر يايمه يمهيوب
كلبي عليك اليوم مصيوب
اصبر الكلب يالولد جمدوب


بالسجن والونات بسكوت
ومايمك احد من دنه الموت
حكي من اصيحآ وصرخ بصوت


الحك اليه من ابجي اعليك
وللجسر يا لمسموم اجيك
امسح ادمومك وعتنيك


ماسرني حالك بعد حالي
عليك انتحب والهم صفالي
يالولد يا يمه يغالي


ثكل الحديد ايهدم الحيل
اضنك ييمه ولا نمت لليل
مسموم باجر موسى اتشيل


اتشيل يا يمه يمهيوب
مسموم والدلال مصيوب
بعيدة يموسى اعليك الدروب


دربك بعيد وماكو اخوتك
وصاير غفل يالولد موتك
من الوجع ماينسمع صوتك


بقلم الشاعرة سحر ام كرار الساعدي
غير مبري الذمه من يحذف اسم الشاعر

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     



نعي للامام الكاظم عليه السلام عن لسان حال ابنته معصومه
كرناوي

اجيت اركض يبويه وترجف اعضاي
روحي تهدمت لاحيل بيه

حسبالي الحك بيك والكاك
بويه اشبع سمر كبل المنيه

ردت اوصل وودعك ياضوه العين
وحجيلك يبويه الصار بيه

خلت فركتك بيه جوانين
ونارك تستعر لليوم بيه

افراكك مانحمله ولاهويناه
ضلت دمعتي اعالخد جريه

اجيت اركض وريدن شوف ملكاك
كالو عالجسر جثه رميه

يبويه اوداعت الله اوياك هاليوم
صار افراك بويه وهاي هيه

تمت الشاعره والمله ام حسين العامري وفقنا الله وإياكم لخدمة موسى ابن جعف


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     


نعي للكاظم ع

يوصون الاحنان لوشالو يوصون
يكولون خلنه نوادعهم يكولون
يالعيون وتريد شوفتهم يالعيون
.............
ولاكيه هم ترجع ايامي ولاكيه
واحاجيه ليمت يحاجيني واحاجيه
لواخليه ابدي المعاتب لواخليه
..........
واعاتب ليمت الاكيهم واعاتب
ساجب والدمع عالوجنات ساجب
الحبايب اشتاكيت لملاكه الحبايب
.........
ويالاحباب عونه التلاكه ويالاحباب
الاعتاب نشوفهم ونكثر الاعتاب
يغياب وصوابكم موجر يغياب
........
مبعد دربهم يحبابنه مبعد دربهم
عله بتهم السجان ماوصه عله بتهم
ويالنحبهم ونريد نمشي ويالنحبهم
..........

انتلاكه جاليمت وياك انتلاكه
محله الملاكه ويعزازنه محله الملاكه
والموت باكه عزيز الابو والموت باكه

أم زينب كربلاء غير مبري الذمه من ياخذ الكلام وينسبه



مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:22:28 #قصائد_الامام_موسى_ابن_جعفر_ع

الجنازه العل جسر محد عرفهه منين
.     




نعي للكاظم ع عن لسان حال معصومه ع

نار البعد حركتني ونارك
طفه يانور البعيني ونارك
تمنيت احضر الونه ونارك
واشوف شلون عالجت المنيه

تعالج يبويه وداير العين
وين اخوتك عنك مشت وين
ما حضرو بموتك بعيدين
...............
تجر بالنفس والونه بهداي
ومن مددك ياماي عيناي
من عدلاك ونكط الماي
...........
غير اليعالج تحضر اهله
بين الاحباب الموت يحله
براضه عله الوساده وتعدله
............
غيراحباب للميت يحضرون
واعزاز عد راسه يكعدون
وبساعة اوداعه ينحبون
............
المسدود بابه شلون موته
ضلمه السجن وابعاد اخوته
اتمنه هله يسمعون صوته
............
كون اهل المروه يجونه
يفلون كيده ويعدلونه
يالبسجن حالك شلونه
............
اويلاه يبوي ويا غربته
بيوم الموادع ماحضرته
وكت الموت ماوصه عله بته
............


أم زينب كربلاء غير مبري الذمه من ياخذ الكلام وي

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-02-14 14:21:39 #قصائد_الامام_موسى_ابن_جعفر_ع

الجنازه العل جسر محد عرفهه منين
.     

.

فزاعيه للكاظم ع

شبيها الكاظميه  اليوم مرجونه
يكولون ابن جعفر غمض عيونه
.............
اليوم مكدره وضجت ضواحيها
الناس مكدره والعين  تجريها
مشايه اعتنت والرايه  باديها
تدك عالجسر والشيعه  محزونه
.........
تدك عالجسر  وتصيح مولانه
ومتعنيه عالبابه بروح حزنانه
تون وتصيح عالميت بزنزانه
يعالج بالمنيه  وكيد  بمتونه
.........
تعنت لبن جعفر  رافعه الرايه
يبن الزود الك كصدت المشايه
البابك والضريحك جايه اعنايه
ماتم والعزه  لجلك ينصبونه
.........
وبجسر الرصافه جرت الونه
يالكاظم الك سالت  مدامعنه
النايم عالجسر هذا ابن المجنه
ابن  حيدر علي والكل يعرفونه
.......
مرجونه عليه وتعنت البابه
يم جسر الرصافه تلطم احبابه
متعنيه عله  الماخاب  طلابه
عالمسموم ابوصالح  يعازونه
..........

أم زينب كربلاء


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment