2023-02-02 21:57:45
#قصائد_وفاة_السيدة_زينب_ع
اجاني الموت اجاني
. ياهو يخبر اخواني
قصيده ثقيله للسيده زينب عليها السلام
===========
زينب انه ام الخدر
عجّبت حتى الصبر
مَثل صار الصبر من ظيم الجرالي
عشت بلشام بهظم
شفت انواع الظلم
وهسه روحي تنازع تريد الغوالي
===========
وين اخوتي محد اليحضر محنتي
صوب طفكم ياهلي مالت رگبتي
فدوه ردولي بعجل مسحو دمعتي
ابچو الظيم الجرالي ولغربتي
وين اخوي المني ضاع
يحضر ابساعة نزاع
يوم رحتو ياهلي ضايع دلالي
وهسه روحي تنازع تريد الغوالي
وين اخوي البي عطر من ريحة امي
تحن روحي لو يصيح الغالي بأسمي
والله شوفتهم يناس اتزيل همي
جنت اتمنى بمماتي كون يمي
اريدن اخواني اليجون
بلمغيسل يحضرون
الموت وياكم يخوُاني حلالي
وهسه روحي تنازع تريد الغوالي
بريحة الخوه يوالي عاتبيتك
لان من جتني المنيه مالگيتك
حتى بحلامي يغالي دوريتك
ماني اطلبنك يوالينه بحليبك
احضر اختك بلعجل
مني هل دان الاجل
ليش مارديت جاوب عن سؤالي
وهسه روحي تنازع تريد الغوالي
صدگ من گالو على الخوه تجيه
حشميتك ياولينه گوم ليه
خويه دانت ياعزيز اخته المنيه
بحلگي چاياهو اليجي ينگط اميه
منهو يحضر موتتي
بگلبي ضلت حسرتي
منك انگطعت يوالينه امالي
وهسه روحي تنازع تريد الغوالي
روحي اتون وتريد اليوم اهلها
تگول وين المشو شيالت حملها
خويه ماگلتو العقيله من غسلها
وياهو جاب اچفانها ليها ودفنها
نشدو اعلى الغربت
وتالي بلغربه صفت
بلمنازع زينب احضرها يوالي
وهسه روحي تنازع تريد الغوالي
===========
خادمة ال البيت الحجيه ام علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
.
را
مؤسسة منبريات للقصائد النسائيه
https://telegram.me/ahmed_alziwar17
كروب 2 خاص بنشر وتلحين القصائد
https://t.me/+tVGiZHdfNq81ZGYy
34 views18:57