8.مؤسسة منبريون للنساء🧿

2022-07-18 16:27:25 الابداع في كتابة الشعر تجدونه هنا
https://t.me/dhwlfqr Open / Comment

2022-07-18 10:34:40 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷



لطميه لم البين ع

ها يروحي ياوكت يرجع حبيبج
ها يروحي ياوكت يبطل نحيبج

ميته من يوم المشه//نار تاكل بالحشه
ها يروحي ها يروحي


ياروحي ميرد المشه وبگلبي زايد حزني
و ادري الصبر مر الصبر وفركه المحب تعبني
عيني اعله دربك وانتظر انطر لجيت ابني
ياوكت يرجع واستقر هذا البعد شييبني

ها يروحي وحدج ابقيتي وحزينه
ها يروحي گلبي مايخلص ونينه

لشوفته متعطشه// نار تاكل بالحشه
ها يروحي ها يروحي


من حملو كل النسه اعرف بعد مايرجع
انه بنزلهم واندعي وعيني تهل المدمع
روحي ابجافهم اييست من جسمي رادت تطلع
لفركة الغالي وسفرته هذا الگلب يتگطع

ها يروحي بهل السفر شفت المنيه
ها يروحي كوني ميته بهل المسيه

اعليه داره موحشه//نار تاكل بالحشه
ها يروحي ها يروحي


شلي بحياتي بغيبتك ماريد اعيش ايامي
اتخيل أگبالي النحر مذبوح يبني ودامي
بكل امغربيه اتذكرك وبيه تهيج الامي
كلما يمر طاري السفر انظر نحر گدامي

ها يروحي ضلي للون والمصيبه
ها يروحي يموت اليفارگ حبيبه

ميته لاجن عايشه//نار تاكل بالحشه
ها يروحي ها يروحي


انطر خبر يرجع علي من الولد ماجاني
ضليت ادور ريحتك وروحي بجفاك تعاني
ماكو مثلهه امصيبتي ابهاي الخلگ بس اني
محتاره وبگلبي اللهب ليش الولد خلاني

ها يروحي ليش اشوفنج غريبه
ها يروحي منج الراح اشيجبه

للهموم امغبشه//نار تاكل بالحشه
ها يروحي. ها يروحي


ما ادري شحجي اويه الزمن خلاني وحدي ابحيره
من شالو احباب الگلب وبعيني ضلمه الديره
ياحلم مر اعله الجفن متحيره بتفسيره
بين اليرد والمايرد خلاني راعي الغيره

ها يروحي اشكد تحملين ابجفاهم
ها يروحي موتي احسنلج وراههم
عل الولد. متشوشه // نار تاكل بالحشه
ها يروحي. ها يروحي


لشاعره ام ابراهيم الحلفي


𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment

2022-07-18 10:34:40 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷

ابيات نعي للعليلة عليها السلام تگول


يلرايح لبوي حسين خبرة وكلة عن حالي
وگلة فاطمة بدار تبجي بعازت الوالي
وصلة الرسالة اهناك ومن ينشد علة احوالي
گلة تگول گل لحسين ابوي شلون ناسيني



ناسيني يبو السجاد لو عيزان من عندي
يومية اشوف الموت عفتني بدارك بوحدي
افرااگك طال بوية حسين وضل جرح الگلب يدي
علة بختك يبوي شلون انتضر ك تخليني


منتضرة وريد اجواب منك يابعد عمري
طفلة وحدي بالدار وبفراگك خلص صبري
اسلي الروح عنك گول بوية بيش ما ادري
يفت الصخر يا بوية من بعدك ترة اونيني


شگولن للينشدوني عنك يا اصبي العين
شگولن راح من دارة وما يرجع علية حسين
يبوية الصبر بجفاكم گلي امنين اجيبة امنين
عليلة ويصعب افراگك يبوية علي تدريني



گلبي اشتاگ الك يحسين بوية وعلتي عثمت
وعلية امصايب الدنيا اخلافك يلولي التمت
بعد ما اگدر اتحمل روحي لشوفتك حنت
گظى صبري وگظت روحي ليكم من يوديني


لامرسال من عدكم لفاني اولالفاني اجواب
ضليت ابوجل يحسين وعيني شابحة اعلة الباب
ودور بالديار اعليك بلكت ريح منك هاب
بلكي تعود الي فد يوم والوادم تهيني


تمت بحمدالله لخادمت خدام الحسين الشاعرة امبراهيم الحلفي وانسالكم الدعاء




𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment

2022-07-18 10:34:39 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷


موشح. للعليلة ع

يالخذت روحي وغبت عن عيني
نار هجرك بالگلب تجويني


نارهجرك بالكلب حراگة
لومشة عودي شيحملة افراگة
تبقى روحي لشوفتة مشتاگة
عني رايح ليش يصبي عيني


ليش عني اتغيب يانور البصر
لسة منك بعد ماردلي خبر
راحن عيوني وموتني السهر
گول بويه ابياوكت تلفيني


ابيا وكت تلفون وتريحوني
اعلة الطريق امشبحات اعيونيي
هم بعد تلفون لو. تنسوني
عليك مايخلص يبويه اونيني


اخلافكم بالونه تگظي ايامي
مانسيت اوجوهكم جدامي
و بسفركم خيبيتو احلامي
بويه گلبي اعليك مانطيني

تمت



𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment

2022-07-18 10:34:39 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷


موشح للعليلة ع
***
شلون خلاها الحسين ابدارة
هم عليلة وهم بقت محتارة

**
شلون خلاها ومشى عنه الحسين
امن المرض ماعدها طاقة ع الونين
ضلت بديرانهم تهمل العين
حسين الهه من يجيب اخبارة

**
شال وبنيتة بقت متحيرة
ابدارة وحدها العليلة الطاهرة
بقت تبجي افكارها مطشرة
اعيونها من دم دمع تجارة

**
اعيونها ضلت تصب تهمي الدمع
حملو عنها وكلبها منفجع
شالو اهلي اوماعرف شنهي الوضع
من يخبرني ويجيب ابشارة

**
من يبشرني اعلة عودي وعيلتة
شو علية حسين طالت غيبتة
ليمتة يرجع بعد من سفرتة
ابروحي حسرة لغيبتة وتذكارة


**تمت



𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment

2022-07-18 10:34:39 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷


لطميه لسيّده العليله ع


بغيبتك تخلص حياتي حسره حسره
شوفتك صار ت عليه حسره حسره
راحن اعيوني //بويه رحموني
حسره حسره

~~~~/

بويه واليمشي ويعوف ابنيه بالدار
لازم ايخلي خبر ويخلي تذكار
ليش عفتوني مريضه وگلبي محتار
بويه لوتدري بغيابك بيه اشصار
خابت اضنوني//بويه رحموني
حسره. حسره

~/

بويه اگعد وحدي ودموعي تجري
طفله گلي امنين اجيبه اعليك صبري
بحسره وبونه عليكم يكضي عمري
اشكثر گلبي بي حزن بس الله يدري

وحدي عفتوني//بويه رحموني
حسره حسره

~~~/

گلبي منك ماشبع. بويه بعدني
وين اهلج سافرو گلبي نشدني
بويه احسن بي الم يوجعني متني
برجل خيل اداستك روحي ألمتني

ماسمعتوني ///بويه رحموني

حسره حسره

~~/

حسره صارت شوفتك ياغلا الاحباب
والفكر ليكم خذاني والوعي غاب
روحي تنشدني عليكم ماكو اجواب
كمت احسن گلبي يطلع من نشاب
بسهم يرموني//بويه رحموني
حسره. حسره

~/

كمت احس اجفوف اديه بيها اوجاع
ثاري جف عباس طايح منه بالگاع
روحي وصلت كربله يابويه هل الساع
اتخيلت كلشي وشفت وعرفت الاوضاع


طاحن امتوني//بويه رحموني
حسره حسره


لشاعره ام ابراهيم الحلفي



𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment

2022-07-18 10:34:39 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷



لسيّده العليلة عليها السلام

موسهلة ساعات السفر راس الرضيع اتشيبة
يالكلشي بجفاكم ذبل جرح الگلب شيطيبة
----------------------------
يالناوي تمشي اعله السفر ماگلت عندي ابنيه
وحدهة تبقى بهل النزل محتاجة للحنيه
واعيوني ذبلهه السهر والفرگه صعبه اعليه
يابويه بتك وانتظر لوصارت العصريه
موسهلة ساعات السفر
يالعايف ابدارك بشر
من البجي راح النضر اعليه سفرتك صعبه
--------------------------
شيطيبه جرح البل الگلب وشلون انامن ليلي
وعيوني فاضت بالدمع والسهر هدم حيلي
ابفركه الاحبهم مشكله شيخلصك ياليلي
انت الگلت عمج يجي لو الاكبر اتوديلي
جاوينه عباس الكمر
يالعايف ابدارك بشر
لايمي امي ولابقت من اهلي يمي احبيبه
-------------------------

شيل ضعنكم ياهلي وبس انة خليتوني
بالدار وحدي وحايرة واعلة الطريق اعيوني
انطيني وعد يا والدي بالمرة ماتنسوني
من دون اخوتي انه احس يابوية مليتوني
يالخذت عبدالله الطفل
بدار وحدي شلون اضل
امبين علة اعيوني الزعل وبگلبي ضلت نكبة
-------------------------
يالماشي وادري ماترد وابقى ابنزلكم وحدي
ابجفاكم يموت الورد والودمعة دوم ابخدي
عيني على الباب وصحت كلمن يمر متعدي
ماسامع امن اهلي خبر سار وتبرد جبدي
يابوية واليمشي بسفر
مايترك احبابه ابخطر
ليلي صعب لمن يمر كل هم علية ايجلبة

---------------------------

انة العليلة الفاگدة اهلي مشو ماجوني
خلوني طفلة اوماعرف وبيا وكت يلفوني
يابوية لوطال السفر ماعتقد تلگوني
لوميتة لوعقلي يخل بية وتروح اعيوني
يالنضرتك حكمة وعبر
جاوين وداك الدهر
كلشي احسبت بس فرگتك ما احسبت هل الحسبه
------------------------------

يالجنت يومية ابعطف وبكل لطف تشبگني
هانت عليكم عشرتي يابوية وتفارگني
خاين يدهري اومارحم بية اعلة راسي يطگني
ما ادري هيجي اعلة الابو سهم القدر يسبگني
يالخاطفك مني القدر
دمعي على خدي انحدر
يبقى علة افراگك يون گلبي ابونينة ونحبة

لشاعرة ام ابراهيم الحلفي


𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment

2022-07-18 10:34:39 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷


لطمية لسيّده العليله عليها السلام

ابوي الما جنت ساعة يفارگني
وكل لحظه التمر ذرعانه تشبگني
------------------------

كل ساعة التمر عودي يواسني
وينشدني على حالي ويسليني
يزيل اهموم گلبي من يحاجيني
وهسه الدهر وي حسين فارگني
-------------------------

فارگني الدهر وياك بويه حسين
وبقيت ابداركم وحدي ينور العين
يبويه كربلاء امنين اجتني امنين
ومحد من هلي بالهم يشاركني
-------------------------

هم ترجع عليه واليالي اتعود
واشوفنك يبويه بالنزل موجود
يبويه من المرض گلبي صبح ممرود
وفوگ الراس يابويه الدهر طكني
------------------------

طكاني الدهر ع الراس فوك الهام
خلاني وحيده ودارت الايام
ايام الگظت وياك ماتنسام
اذكر فرگتك والگلب بخنگني
------------------------

اصبحت حته الهوه يحسين ماشمه
وبعد ذاك الشمل يابويه شيلمه
صرت مثل الرضيع الفگد صدر امه
ونار اشواكم كل وكت تحرگني
------------------------

ابفرگاكم يبويه ضاگت الانفاس
من فرگة المشو شاب الگلب والراس
جاوينه علي لو عمي العباس
قبل لاموت خل حسين يلحگني
----------------------

تمت بحمد الله لخادمة اهل البيت ع أم ابراهيم الحلفي ونسالكم الدعاء
----------------------------------------------------



𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment

2022-07-18 10:34:38 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷


لطميه السيدة فاطمة العليله ع

يالعفتني بالمدينه بويه بويه
روحي من بعدك حزينه بويه بويه
يالعفتني وماترد
عگبك ايموت الورد
بويه بويه بويه بويه

يالعفتني ابوحدي والدمعه بالعين
ليمته لدارك تجي يابويه يحسين
روحي ضلت ترتجي كل المجبلين
ماشفت منهم خبر راحو بعيدين
عيني تسهر الفجر انشد الطير اليمر
بويه بويه بويه بويه

بويه من شال الضعن اومشيتو عني
روحي جن بيهه الحزن وبگلبي وني
مالي والي من بعدكم و الهضمني
حملت كل البنات وما خذتني
بيوم حملت الضعن. متت وعيوني طفن
. بويه بويه بويه بويه


يالعفتني وتدري بيه مالي حيل افراكم
اعتب اعليكم يبويه عل الزماني الباگم
گاعده اتنطر يبويه وماسمعت اخباركم
ليش عفتوني مريضه وحدي بويه ابداركم
حملت كل عيلتك. بروحي تلجم جلمتك
. بويه بويه بويه بويه

ماگلت طفله وعليله وضلتي شلون
روحي ماتت من وكت شديت الاضعون
بويه من طبع الذي رادو يشيلون
طفله وحدهه ابنزلهم ما يعيفوني
وانه وحدي بهل النزل. امكدره ودمعي يهل
بويه بويه بويه بويه

اه من راح الضعن ورقيه شالت
الدنيه اشوفنهه صدك بالسبعه مالت
عمتي ابهذا الوضع عني اشگالت
نضرت ابنضرت حنان ودمعه سالت
تكول عمه اتصبري. ذكري الله وكبري
. بويه بويه بويه بويه


ام ابراهيم الحلفي



𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment

2022-07-18 10:34:38 #قصائد_محرم_عظم_الله_لكم_الاجر

#مؤسسة_منبريات_للخطابه_الحسينيه



گرب شهر الحزن وهاجت الاحزان
𖧷𖧷𖧷𖧷𖧷𖧷


نواعي للعليلة ع


حملت بوية كل الاحباب
وضليت اون بعتبت الباب
وفرگة الطفل صوبني اصواب

*
يالحملت عمتي واخواتي
اتمنيت بغيابك مماتي
وبعدك يكثرن نايباتي

***
انة خايفه يطول سفركم
ياهو اليجيب اخبار منكم
وبالباب بويه امتانيتكم
بلكن علي تلفون كلكم

*
يمته عليه ترد يحسين
وشوفك يبويه وتفرح العين
خافن فرگتة اسنين وسنين
يروحي بعد وشگد تحملين

**
عفيه اعلة روحي شكثر تحمل
ومن عگب اهلها ضلت بذل
فرگه الابو يا ناس يكتل
وبعيني شفته ابيوم حمل

***
بس الجسد والروح عدكم
طول الوكت ماناسيتكم
اوبيا وكت يلتم شملكم
انة خايفع يطول سفركم
***

لشاعره ام ابراهيم الحلفي



𖧷𖧷𖧷𖧷𖧷𖧷



مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg Open / Comment