2022-07-15 21:57:37
:
#قصائد_محرم_عظم_الله_لكم_الاجر
#مؤسسة_منبريات_للخطابه_الحسينيه
گرب شهر الحزن وهاجت الاحزان
لطميه لشجاعة الامام العباس ع
امكيف اصف جاب عرشج يابلقيس
الكافل ماي الكون ابجفه اصبح قديس
صار المي يستاهل //يدخل جود الكافل
عرشج يابلقيس
ثاني علي ابسوح الوغه /عجب السامع والنضر
واليعتقد سابق رجع /وينادي لامااضن بشر
هيئه ملاك ابكل فخر يحمل فقاره
يتسله بركاب العده غاره اويه غاره
بالريح يتحكم صبح واعلن حصاره
راواهم انجوم الضهر ابن الغياره
اعيونه تجدح عالخصم /منك يبو الغيره النعم
كت امحي احقاد البشر /بيهم اصول اومااهم
عم الموت الشامل /يدخل جود الكافل
عرشج يابلقيس
خله الزلم تلبس عبي/لمن اجه بهيئة صكر
سواها ظلمه اعله العده/والحصد بيهم مستمر
صوته صواعق عالكفر طشر زلمهم
واطشرو واتراكضو وبسيفه لمهم
يرهب مثل صوت الرعد شافو خصمهم
بس الهزيمه امن الحرب صبح سهمهم
ومحضره الشرده الزلم/عباس بيهم مبتسم
من اصف اسرع بالحرب/يوم الدخل عرش الخصم
ذل الكوم وماذل/يدخل جود الكافل
عرشج يابلقيس
منهو اليگابل هيبته/وبالساحه شيال العلم
ياقابض ارواح البشر/سواها ظلمه من هجم
وبظهر المطهم حمل صوب الشريعه
گال اله جيبلها النهر اختي الوديعه
حيرها الاثلاثين الف موت الگطيعه
ضيگ عليهم من دخل ارض الوسيعه
جاب النهر لخته ورجع/طشر شملهم من فزع
يحلف بضلع ام الحسن/اله اسحگ اصحاب الطمع
هوه الجيش الكامل/يدخل جود الكافل
عرشج يابلقيس
عباس طب المعركه//فنها الزلم منها اليفر
مو عاشر المعشر صبح//مثل الاسد بيهم يكر
راواهم الموت الحمر بدر العشيره
والكون كله بيمنته الكافل يديره
كل واحد المنهم عرف يومه ومصيره
عباس ماعاف النهر هل كله غيره
عيونه مثل موج البحر//يم النهر لمن حضر
اشحده الوصل يم صارمه//جن واصل لحلگ الكبر
هذا البيهم حاصل//يدخل جود الكافل
عرشج يابلقيس
ماخذ شجاعة حيدره//من سيفه ما يسلم احد
موت المحتم بالكفر//اعدمهم اصحاب الحقد
طشرهم ابطال الزلم لبسهه شيله
كل همه بيهم فرحت اعيون العقيله
خله الكفر دمع الحزن من دم تسيله
اشحده الگرب يم كافلج يايخويه ويله
يازينب انه كافلج//بجودي نهر جايب الج
فدوه الج يم الخدر//وينه اليكرب محملج
اوياهم لا ماجمل//يدخل جود ااكافل
عرشج يابلقيس
ماشالت اجدامه الارض//ضلت تموج بطلعته
خلاها مختله الزلم//وشافت الموت بخزرته
لمن طلع وبيمنته شايل حسامه
وبظهر المطهم صعد احكم لجامه
وين المفر يهل الغدر ماكو سلامه
هاليوم اراويكم سقر يوم القيامه
الكابله راسه انحصد//اله الحمل گلب الاسد
من دمها راواها الارض//بسيف الكفل كلشي انوجد
بيهم ضل يساجل//تدخل جود الكافل
عرشج. يابلقيس
تمت بمشاركة خادم الحسين الشاعر حسين عبدالرسول الخفاجي
وا لشاعره ام ابراهيم الحلفي
مؤسسة منبريات للقصائد النسائيه
https://telegram.me/ahmed_alziwar17
2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg
61 views18:57