Dr.Ahmed Elzalitini

2022-10-29 02:51:17 غدا المحاضرة الساعة 10 للساعة 2
موفقين Open / Comment

2022-10-27 23:37:21 غدا ثالث محاضرات المكثف الساعة 4 ونص للساعة 7 ونص
موفقين Open / Comment

2022-10-26 22:21:13 غدا ثاني محاضرات المكثف الساعة 11 للساعة 3
موفقين Open / Comment

2022-10-25 17:46:00 السلام عليكم طلبة ثالثة بشري الدفعة 47
غدا بداية مكثف الباراسيتولوجي بمعهد التدارك على تمام الساعة 10 صباحاً للساعة 2 ظهراً .. ياريت الحضور بشيتات النيماتودا وكراس محاضرات فاضية تكتبو فيها او ادير الشيت متاعك صفحة طباعة وصفحة بيضه بش تكتب في الصفحة البيضه .. موفقين Open / Comment

2022-10-25 13:59:32 #ســـنــة_ثـــالــثـة_بــــشري_دفـــعــة_47

يعلمـكم مركز التـــدارك عن انطلاقة اولي محـاضرات
المكثف الخاص بمادة #البارا_سيتولوجي

محاضرات مكثف خاص بمــــادة #Parasitology

تحت إشراف الدكتـور #احــمــد_الــزليـتـــــني

موعـــد الانطلاقه حيكـون اول محاضرة يـوم
الاربــــــعــاء القادم الموافـق ( 26/10/2022 )
ح تكون مجموعة واحده فقط الفرصة الاخــــــيرة

#التوقيت ح يكون صباحي
مـن الساعـة 10:00 إلـى الساعـة 02:00 ظهرآ

للتسجيل التـــواصل معـــنا عن طريق رقم الهاتف الخاص بالمركز 0946192629 على تطبيق "" الواتس اب ""

#التدارك_معاكم_البداية_لنهاية_المشوار
#التدارك_فيه_من_يهتم_بيك_دائما_وابدآ Open / Comment

2022-10-25 02:27:35 Open / Comment

2022-10-24 23:22:52 تفاصيل الكورس :
اسم الكورس : Parasitology
موعد البداية : الاربعاء القادم 26 / 10
محتويات الكورس :
- بروتوزوا
- ديدان
- مفصليات الأرجل
- عينات المعمل
مدة كورس النظري حيبدا من الاربعاء الجاية 26 / 10 ومدته عشر ايام متتالية بما فيهن يوم الجمعة ويكمل يوم 4 / 11 ، بعدها يبدا كورس العملي يوم 5 / 11 ومدته ثلاث ايام يعني يكمل يوم 7 / 11 وامتحانكم النظري يوم 10 / 11 وامتحان العملي يوم 12 / 11 ، ونفس ما قلت حيكون في اختبارات كل محاضرتين وحيكون في حل امتحانات وتلخيصات وتسجيلات قصيرة تسهل علينا الحفظ في القناة الخاصة وباذن الله تبلطو منها كلكم هذا حقكم عليا .

قيمة الكورس بالكامل نظري وعملي : 140 د.ل
الي يبي نظري بس : 120 د.ل
الي يبي عملي بس : 40 د.ل
مكان الكورس : معهد التدارك
التوقيت : صباحي

ملاحظة مهمة : أي طالب حاب ياخذ تسجيل المحاضرات متاعات المكثف هذا (لأن التسجيلات مش حينزلن في النت) و وحاب يشترك في القناة الخاصة الي حيتم انشاءها (بعد أول محاضرة للطلبة الي حيدفعو القيمة كاملة من اول محاضرة)
وفي نفس الوقت مايبش يحضر الكورس يجي يتفاهم معايا انا شخصياً بعد أول محاضرة حنكون متواجد للمعهد في انتظارهم مش يدزلي عالنت ياريت يجي للمعهد لو يبي ينقذ روحه .

اسف على الاطالة وموفقين اعزائي Open / Comment

2022-10-24 23:22:30 عموماً حبيت نسرد بعض النقاط المهمة بخصوص الباراسيتولوجي :

- اولاً انتم كلكم عارفين ان البارا مش مادة ساهلة وان النجاح فيها محتاج مجهود وقلنا الكلام هذا الف مرة بعد تسألوني عادي نسيب سستودا عادي نسيب حشرات عادي نسيب مش عارف شنو انا بصراحة من يوم وغادي واحد يسألني عادي نسيب مش عارف شنو حتكون اجابتي عادي حتى توقف قيدك ولا تنقل كلية اخرى لأن الي يبي منهج خفيف يمشي يقرا صحة او تقنية.
- يعني لو انت مسيب اي جزئية في البارا معناها انت قاعد تنتحر وما تبش تنجح لأنك لو تبي تنجح جديات كنت قاري المنهج كله ومراجعه مرتين ثلاثة لأن انا كملت المنهج واجد بكل وعطيتكم اكثر دفعة في حياتي نعطيها انتم عطيت ديدان مرتين وبروتزوا مرتين وكملت بدري بكل قبل ما تخشو في مود المعامل اصلاً كان كامل منهج البارا فالي كان حريص عليها كان عبارة عن ان يراجع مراجعة في الفاينال ويثبت ويدرب علي حل امتحانات ، أما الي مسيب جزئيات ولا قاري وجه واحد ومش مراجع هذا طبيعي جداً ان ما يصفش ، خصوصاً ان طلبة واجد مصفيين ( انا شخصياً عطيت طالبة خصوصي السنة هذي كانت جايبة 3 / 20
في الجزئي وسألتني هل في أمل يا دكتور لو خذيت معاك خصوصي اني نصفيها قلتلها باذن الله بشرط الي نعطيها تقريها كويس ، وخلال المحاضرات نحق في مستواها ان فعلاً تقرا في الي نعطي فيه وتجاوب فيا بعد نسألها كنت متاكد انها حتنجح ومن الدور الاول وفعلاً يوم النتيجة صفت البارا وبتقدير جيد 65 / 100 بالرغم من درجة الجزئي الكارثية بس لانها قرت كل حرف عطيته لها وحطت عقلها في راسها وصحة لها ويوم طلعت النتيجة ورنت عليا ورن عليا والدها ووالدتها ومش مصدقين من الفرحة لانهم عارفين درجتها في الجزئي حسيت بالسعادة المطلقة) كتبت قصة البنت هذي مش بش نوري روحي بطل (مع اني بطل في قصة حياتها ) بس كتبتها بش نوريكم ان في طلبة زيكم بالضبط بعد يحطو عقلهم في راسهم يقدرو يديرو المعجزات . Open / Comment

2022-10-24 23:22:18 السلام عليكم ورحمة الله وبركاته
طلبتي الاعزاء طلبة ثالثة بشري الدفعة 47 كلية الطب البشري - بنغازي
اولاً الف الف الف الف مبرووووووووك لكل الطلبة الناجحين تستاهلوا الفرحة بالنجاح علي مجهودكم الكبير المبذول خلال سنة ثالثة بشري الي تعتبر اكثر سنة محتاجه مجهود لاجتيازها ودابنك طلعت من ثالثة معناها انت تخرجت لأنك اجتزت اصعب اختبار الي هو سنة ثالثة الي بعدها كله ساهل مقارنةً بثالثة وان شاءالله نتلاقوا في مواد ثانية خلال السنوات القادمة يا رب العالمين

ثاني شي بخصوص الطلبة الي عندهم فرصة ثانية ياريت ياريت اتمسكو بفرصتكم وتبذلو مجهود في الدراسة على أكمل وجه لكي تلتحقوا بزملائكم وتخشو كلكم سنة رابعة باذن الله تعالى الموضوع بسيط بس يبي شوية همة وتحط عقلك في راسك وتبطل تشغل وقتك بأشياء مُلهية وتخلي تركيزك كله على دراستك واجتيازك للامتحانات باذن الله تعالى

نحب نعتذر للجميع على قلة التواصل والتأخر في الرد على المسجات بس بعد روحنا من تونس صارن ظروف اجتماعية جديدة في اسرتنا مما صعب عليا التواصل ووقفت شغلي كله من شهر حوالي بسبب هذه الظروف ونسأل الله ان تكمل سنة 2022 م علي خير لانها اكثر سنة مريت فيها بظروف صعبة ..

بخصوص الباثولوجي نحب نشكر كل طلبتي الي حضرو معايا باثولوجي خلال السنة الدراسية او حتى الي سمع محاضراتي وشكرني او دعالي بالخير (الشكر موصول للجميع) ونعتذر على عدم تكملة كل الكورسات ولكن الحمدلله كل طلبتي في الباثولوجي صفوا ومن الدور الأول ونسبة نجاح الباثولوجي كانت 50% وان شاءالله مستمرين في المادة للسنة الجاية وحنبدا فيها من بداية السنة من اول كورس في الجنرال باذن الله تعالى

بخصوص الباراسيتولوجي فنحب نشكر كل طلبتي الي حضرو معايا خلال السنة سواء في المعهد الدولي او في معهد التدارك واستفادوا من محاضراتي وشيتاتي وصفو البارا وانا فخور بيكم فعلاً خصوصاً ان عندي طلبة في الاوائل والحمدلله كل سنة عندي طلبة في الاوائل بفضل الله بالنسبة للباراسيتولوجي نسبة النجاح فيها كانت 40% ونسبة نجاح المايكرو كانت 46% بس الغريب والي ما لقتلش تفسير ان كل الدوة والشو والقطاف واخذته البارا وكأن نسبة نجاح المايكرو عالية بكل بصراحة شي غريب ومالقتلش تفسير . Open / Comment

2022-10-04 21:24:40 ((الحمد لله رب العالمين الذي علا فقهر، وملك فقدر، وعفا فغفر، وعلم وستر، وهزم ونصر، وخلق ونشر، الحمد لله رب العالمين الذي جعل لكل شيء قدراً، وجعل لكل قدر أجلاً، وجعل لكل أجل كتاباً))

نحمد الله تعالى بخروج الوالد سيادة العميد والشاعر والأديب / ابراهيم الزليتني اليوم الثلاثاء من المستشفى بعد مروره بوعكة صحية خطيرة في القلب احتاج على اثرها الى عملية قسطرة وتركيب دعامتين بدولة تونس الشقيقة .. هو الآن بصحة جيدة ولله الحمد ، الشكر موصول للجميع ، اللهم اشفي مرضانا وارحم موتانا وربي يبعد علينا وعليكم كل سوء يا رب العالمين Open / Comment