2022-12-15 16:47:11
توضيحات بخصوص الباراسيتولوجي
حوالي 10-15% من محتوى الامتحانات مؤخرا اسئله صعبة من المريخ الباقي كله الحمدلله في المنهج متاعي ونشرح فيه الي قاري منهجي كويس عارف الكلام هذا ويجاوب اصعب امتحان بارسيتولوجي بنسبة 80-90% هو وذكاءه بس مش اقل من 80% المفروض هذا الي قااااري منهجه كويس ومرااااااجع ومدرب علي اسئلة وفاهم البارا وتراكينها وحافظها في راسه أما الطالب الي مسيب عائلة معينة أوعائلات كامله أو مش مراجع بروتوزوا او مسيب حشرات أو مكمل منهج مره وحده أو أو أو فهذا الطالب للاسف حيواجه صعوبات وعواقب وخيمة ، اقل شي البارا تنقرا من الجلده للجلده ثلاث مرات ، ماهو ليش انت اسمك طالب طب بش تقرا وتقرا وتقرا واتعلم هذي وظيفتك حاليا هي طلب العلم ..
اوكي سوري طولت هذي بعض التوضيحات بخصوص هل الضعف في الطلبة او في منهجي ؟ واسألوا الطلبة الي صفو ونجحو شن المنهج الي قروه
بالنسبة لصعوبة الامتحانات مؤخرا مستوى الامتحانات متوسط او فوق المتوسط شويه يعني لو تقرا بارا كويس وتقعد مستعد كويس للامتحان بالشكل الصحيح مع درجتك السمحه في المعمل ممكن تحصل فيها تقدير بس المشكله الاساسيه احيانا تكون في توزيع الدرجات الغير عادلة احيانا بالذات في الجزئي بس في اخر 4 امتحانات فاينال كانت تقسيم الدرجات مناسبه جدا وكانن اخر امتحانين للدفعة 47 كويسه امتحان الدور الاول كان عندك فرصه تكتب شورت نوت واجد ومباشر ومن مواضيع مهمه والي كتبو واجد ونزل عالبنينه كتيبة نين صبعه وجعه زي ما ديمه نقول نجحو ، وامتحان دور ثاني كان مافش شورت نوت اصلا كله امسكيو وصح وغلط واكمل من الجدول بس كان الجدول صعب لكن الامسكيو والصح والغلط مع المعمل ممكن يوصلنك لتقدير سمح لو جعبت بارا صح …
توكل على الله فهو حسبك والي يقرا كويس وبجد سينجح ويتفوق
د.أحمد الزليتني
792 views., edited 13:47
D
