6.مؤسسة منبريون للنزلات🧿

2022-06-05 22:44:45 #قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

اردود اجه عاشور الحزن والهم وعيني للمصيبه تجري الدمع وي دم

ــــــــــــــــــــــــــــــــــــــــــــــــــــــــ

نزلة شجاعة للعباس عليه السلام مع رباط هوسات…

صاح وزمجر عباس ودخن بالغيرة الراس
لرفع عنــچ كل باس لرفع عنـــچ كل باس
ها ها ها
(( يم سكنة الشط ناوي ايجيبه))-رباط
"""""""""""""""'""""""
شد الشمايل والــلّوه وبـــظهره علگ جوده
ودخان من راسه طلع مثل الغمامه السوده
ضهضب ابن هاشم فزع وسلاحه عزم اجدوده
ويسكينه صاح العلگمي طشار اخلي اجنوده

فر السيف بــيمناه عله الشط هد وتعناه
هوس يا زينب ها هوس يا زيــــنب ها
((منچ كون الشط يتعذر)) -رباط
"""""""""""""""'""""""
خطاف مر مثل البرق واعصار خلف الرايه
والجيش من عنده اختلس تيه افكاره ورايه
وصفوف عسكرهه العده گامت تفور ادمايه
ضرغام ترهب صولته فارسهه المسنايه

بنظراته ايهد الـحيل ويله الــيگرب ياويل
واعليهم عسعس ليل واعليهم عسعس ليل
ها ها ها
((والظلمه ينورهه بسيفه)) -رباط

"""""""""""""""'""""""
زلزال طگ جـــيش العده وانذار دگ القائد
محتار اذا وده المدد بس يچهب يرجع شارد
فارسهم الاشجع جُبَن خلف العســـاچر لابد
ويصيح ابن حـــيدر علــي مثلـه ابد ماوارد

هذا ابن الداحي الباب وسيفه گطاع ارگاب
ظل لابـــد ياحـــباب ظـــل لابد ياحــباب
ها ها ها
((بس تطلع راسك يتطشر ))-رباط
"""""""""""""""'""""""
طشار خله الميمنه ومـــنـه الشـــرد يتسمط
صاحو هذا الهجم فحل بالعب ابد ماينحط
والثابت مگـــطع رجع وبـدمه ظل يتشحط
گدامه گاطفهه الزلم بيــهم نوه ايسد الشط

گام ايگاطف بالروس والسالم تحته ايحوس
يحبحب بجدامه ايبوس يحبحب بجدامه يبوس
ها ها ها
((يتوسل ويصيح التوبه))-رباط
"""""""""""""""'""""""
طب عالصدر مثل الصگر ملچوم ياخذ حيفه
خزرات عينه كالـسهم نيران يجدح سيفه
عزريل خطاره ونعم عبــــاس يكرم ظيفه
صاح انت بس احصي العدد والموت صار بكيفه

راح اشطرلك نصين وانت شوف الوزنين
وزنـــهم متـــساوين وزنهـــم متــــساوين
ها ها ها
((من حيدر وارث ضرباتي))-رباط
"""""""""""""""'""""""
عالميسره صال وهـــجم يفنيهه كلهه قرر
والغوث صاح الگابله محتار بي درب الفر
عالمشرعه دگ ثايته عــباس صاح وكـــبر
بالجود طب ها يانهر واروي الحرم والخدر

ويهــدد گـــام الماي ويــگله انه الرواي
بالگوه تمشي اوياي بالگوه تمشي اوياي
ها ها ها
((وسكينه بمايك ترويهه))-رباط
"""""""""""""""'""""""


الشاعر سيد فليح الموسوي
لا تنسونا من خالص دعائكم


قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

كروب الالحان رقم 1
https://t.me/joinchat/Dw92Dj9pmspR5uHfACGjlA

كروب الالحان رقم 2
https://t.me/joinchat/Dw92DkJZ4tvb4YIzJWBWrg Open / Comment

2022-06-02 22:55:33 #قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

تهدمت والله أركان الهدى
ــــــــــــــــــــــــــــــــــــــــــــــــــــــــ



عاشت ايدك - والله مسلم
عاشت ايدك – بالزلم تعدم
*******1*************
ذوله – الخانو بالعهد –
منهم – لاتخلي احد
قائد – تبقى انت الاسد
– بسيفك اكضيهم

اضرب – هامات الكفر
– حارب - لاتقبل عذر
اقتل – ذوله اهل الغدر
– كون تفنيهم

مسلم – منك والنعم
– سيفك ـ طك روس الزلم
اذبح ـ بيهم لاتهم –
حيل دك بيهم

انت عادل – وابد ماتظلم
عاشت ايدك – بالزلم تعدم
****2*************
بحيدر – ذكرهم علي
وكرر – صولات الولي
فارس – راسك معتلي
– روسهم ذلهه

اذن – كبر للحرب –
قرر – بيهم تنكلب
ويله – الي عندة ذنب –
الكوفه زلزلهه

البس – درع المرتضى –
وسيفك ـ خل يلمظ لضى
واسحك – خشم المارضى
– خشوم تسحلهه

هذا حكمك بالعدل تحكم
عاشت ايدك – بالزلم تعدم
*********3**************
ثوره – بأسمك تنكتب –
فارس – وحدك بالحرب
اعليهم – اكطع كل درب –
عاشو بحيره

اعليهم - نزلت واقعه –
وسورة – موت وفاجعه
جيش – ابكبره رجعه –
هذا ابو الغيره

يشبه – عباس البطل –
بسيفه – يقرون الاجل
يمه – ماينجه الوصل
– الموت تفسيره

سيفه اله - وبالركب تثلم
عاشت ايدك – بالزلم تعدم
***4************
الكوفه – اسرهه اله –
وياهه – يطبك كربله
بيهم - يحصد منجله –
ماتعب سيفه

يكدر – يصعد عالشمس-
هوس – واطاهم درس
فنه – النجه بالنفس –
مسلم بكيفه

يكطع – راسه الي بده
– منهم – ويله العاندة –
العسكر – كله شردة
– وما أخذ حيفه

ريحت الموت – اعداك خلهه تشم
عاشت ايدك – بالزلم تعدم

******5*************
سيفك – سابيهم سبي –
لبسو – عدوانك عبي
بيدك - عصات النبي
– موسى وتطكهم

انت – راعي المرجله
– افعل – بيهم مقتله
زرعك – دنك سنبله
– وباقي تحصدهم

رتل - ايات النصر –
والعن – كل كذاب اشر
الخانو – لاتقبل عذ ر
– الخانوا اطردهم –

والحرب يمك – لو ردت تحسم
عاشت ايدك – بالزلم تعدم
،،،،،،،،،،،،،،،،،،،،،،،،



حيدر موسى الرميثي
قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

كروب الالحان رقم 1
https://t.me/joinchat/Dw92Dj9pmspR5uHfACGjlA

كروب الالحان رقم 2
https://t.me/joinchat/Dw92DkJZ4tvb4YIzJWBWrg Open / Comment

2022-05-30 22:51:48 #قصائد_محرم_١٤٤٣ #مـۄسسـﮫ_مــﻥــبـريۄن_للالـﺢــان الناشر.احمد.الـــزوار.cc اردود اجه عاشور الحزن والهم وعيني للمصيبه تجري الدمع وي دم ــــــــــــــــــــــــــــــــــــــــــــــــــــــــ ياغريب  المات ضامي  ياغريب   ياحسين الظل عله الغبره… Open / Comment

2022-05-30 22:51:48 #قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

اردود اجه عاشور الحزن والهم وعيني للمصيبه تجري الدمع وي دم

ــــــــــــــــــــــــــــــــــــــــــــــــــــــــ

ياغريب  المات ضامي  ياغريب  
ياحسين الظل عله الغبره سليب
_____________
ياحسين شلون ننسه كربله
شلون ننسه اصراخ ذيج العايله
بعد راسك علرمح نتخايله
وبعد جسمك بدمه انشوفه خضيب
________________
انشوف جسمك والسهم فوك الكلب
نابت وجالسيل من دمك يصب
اخ يومك ياحسين اشكد صعب
وعله امصابك لا تظن يطفه اللهيب
______________
يالهيب الماطفه ساعه وبرد
عله امصابك والفطر راسه العمد
وبعد نذكر هالرضيع البلمهد
وبعد نسمع بالخيم ون ونحيب
__________________
بعد نسمع صوت زينب هالتصيح
حسين يبن امي عله الغبره ذبيح
وعله التل انشوفهه اتكوم وتطيح
وتنخه بخوتهه ولاتسمع مجيب
________________
تندب اخوتها الضحايا علتراب
اتصيح ابوي اليوم عني ليش غاب
خل يجي ويشوفني بهذا المصاب
هذا يومج كربله كلش عجيب
______________
مثل يومج كربله ماشفنه يوم
مجتفه الاطفال بالحر والسموم
وهاي زينب ظلت اتطيح وتكوم
بلوه بلوتها الطفل منهه يشيب
______________
اتشيب منهه كلوب عمله كربله
يوم هجمت هالكفر عالعايله
انذلت الجانت عزيزه مدلهه
والشمر اصبح عله الخدر رقيب.
______________
اسروهن والظعن سار وكطع
وجم رضيع من العطش خر ووكع
اتنوح زينب والكلب منهه انصدع
اتصيح والي الهل الحريم منين اجيب
__________________
للشاعر المرحوم علي مهودر الحمراني




قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

كروب الالحان رقم 1
https://t.me/joinchat/Dw92Dj9pmspR5uHfACGjlA

كروب الالحان رقم 2
https://t.me/joinchat/Dw92DkJZ4tvb4YIzJWBWrg Open / Comment

2022-05-30 22:43:42 #قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

اردود اجه عاشور الحزن والهم وعيني للمصيبه تجري الدمع وي دم

ــــــــــــــــــــــــــــــــــــــــــــــــــــــــ

بنت الزجيه بالطف سبيه وشهل الرزيه
ــــــــــــــــــــــــــــــــــــــــــــــــــــ
طول العمر بيد الكمر زينب خدرها
من الزغر ابن الطهر روحه نذرها
من هالبشر محد كدر يترس نظرها
فارس بدر وبكل فخر سلم أمرها
ابهاي الوصيه وشهل الرزيه
ـــــــــــــــــــــــــــــــــــــــــــــــــــــ
سار الضعن ياأم الحسن للطف مشينه
دمع اوشجن يبرى الحزن ويه الظعينه
يوم المشن لأرض المحن من المدينه
العباس اجن واتجمعن انت ولينه
راعي الحميه وشهل الرزيه
ــــــــــــــــــــــــــــــــــــــــــــــــــــــــــ
ابن الفحل شاله الزعل راعي المكارم
مثل الأجل حين الحمل بدر الهواشم
اشتد القتل سيف العدل يثني الصوارم
مظرب مثل كل الملل سطر ملاحم
الحد المنيه وشهل الرزيه
ــــــــــــــــــــــــــــــــــــــــ
بعلوا النجم رف العلم فوك الشريعه
بذمتي الحرم هاي الخيم كلهن وديعه
محد سلم حيود الزلم صارت مطيعه
اشلون الأشم ضل الشهم جفوفه منيعه
لجيوش اميه وشهل الرزيه
ـــــــــــــــــــــــــــــــــــــــــــــــ
يمتــــه ترد ضلت تعــــد تدري الأميره
تعيد المجد سيفك يصد جيش المغيره
صحنه مدد يبن الأســـد زينب اسيـره
نار الفــگد تضهد ضـهد تبقى سعيره
يبن الشفيه وشهل الرزيه
ـــــــــــــــــــــــــــــــــــــــــــــ
الصوتي استمع صحت بفـزع رد الأعـــــــــادي
بين الجمـــــع طولي طلـع زينــــــب تنادي
بخوف وهـــلع نجري الدمـع بگطــــع البوادي
ضاع الشـرع زيف و بـدع تحــــــوك الأيادي
اعوان الدعيه وشهل الرزيه


خادم اهل البيت
وسام عبد الجليل الركابي


قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

كروب الالحان رقم 1
https://t.me/joinchat/Dw92Dj9pmspR5uHfACGjlA

كروب الالحان رقم 2
https://t.me/joinchat/Dw92DkJZ4tvb4YIzJWBWrg Open / Comment