2019-03-25 23:02:27
بسم الله وبسم الوطن
عشان قسمنا في يوم وقلنا #نبنيهو
في كمية من الناس بتعاني من #الإدمان و ناس في اطريقها للمعاناة دي..
اذا جينا نعاين للإدمان ح نلقا انو م محصور علي كحول او مخدرات, الموضوع اكبر من كده للدرجة المتمثلة في اصغر التفاصيل , مثلا : عادة سرية ،ادمان افلام اباحية إدمان سوشيال ميديا و لسه كتير عادات مشابهه
اي عادة بتخصم منك و طالعه من ايطار قدرتك علي التحكم ممكن نصنفها ادمان ..
اما التعاطي فدا اخف قدر بنقدر نتحكم فيه قبل يتفشـا في تفاصيل حياتنا و يتحكم فينا
عموما سواء ادمان او تعاطي الاتنين ليهم الاثر السلبي على حياتنا و الإنت محتاج تكون عارفو كويس عشان تقدر تتخطاه
انا عاملة بحث او research مهم جدا عن الإدمان و حقيقي نفسي اساعد بيهو كمية من الناس البتعاني من الحاجة دي...
و محتاجة مساعدتكم!
شاركنا تجربتك و ساعد نفسك واعتبرنا منصة تحكي فيها ادمانك الحالي او سابقاً , عن تعاطيك سواء بصوره متكرره او عرضيه .. و اذا ما جربت و عارف قصه ممكن تشاركنا بيها
-ك "مجرب"..
كان سبب التجربة شنو ؟
واحساسك شنو؟
طيب استفدت شنو من التجربة دي؟
، نفسك تعيدها ؟
-ك "مدمن"
عايز تتعالج ?
ولا قاعد تتعالج حاليا ?
ولا ما نفسك اصلا و السبب?
اذا ساعدناك تتخطي الاسباب كلها ح تتشجع للعلاج?
بتفضل العلاج بأدويه ولا بدونها ?
-طيب لو "كنت مدمن سابقا" انت اكتر زول ح يساعد كيف اتخطيت واتعالجت?
الاسباب الخلتك تدمن ولا تتعاطى او تجرب شنو؟
ممكن تشوفها مجرد اسئلة بس في الحقيقة ممكن يكون جواب الاسئلة دي خطوة في طريقك لكتابة فصل جديد في قصة حياتك
شايفين موقع صراحة التحت ده !
newchapter1.Sarahah.com
دي مساحتك ودي خصوصيتك وهنا حتخط بي يدك حكايتك وتوصلها لي غيرك ...
اخد راحتك ، احكي لينا .. الاتغير شنو ، و العايزو يتغير شنو .. طيب خطوتك الجايه شنو ?
ده الوقت انك توصل قصتك مع الادمان او التعاطي والفي يوم حتكون تجربة علمتك الكتير بس اتخطيها وما خليتها تخصم منك
"don't let your story end with addiction, start a new chapter"
للعايز يتواصل معاي ونلقى الحل والطريق الصاح دا رقمي و اتأكد انو خصوصياتك كلها في الحفظ و الصون
0990440537
1.2K viewsŁiñoØo , 20:02