ወሩ መሥከረም ነው... ቀኑ በሃያ አንድ ፣ በኢትዮጵያ አቆጣጠር እንጦጦ ማርያም... የመብርሐንን ፣ በአሏን ለማክበር ከክርስቲያኖች ቤት... አርፍጄ እንደደረስሁ ፣ታቦት ወጥቶ ነበር፡፡ ፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡ ከታቦቱ አጠገብ... አውደ ምህረቱ ላይ ፣ ካህኑ ይሰብካል አንዳንዱ ምእመን ፣ ተአምር ያዘለ .. ብጫቂ ወረቀት ፣ ለካህኑ ይልካል ደግሞ ሌላ ተአምር... ለካህኑ ጆሮ ፣ ዲያቆኑ ያንሻኩካል፡፡ ፡፡፡፡፡፡፡፡፡፡፡፡፡ ካህኑ! "ታምር ነው ምእመናን ፣ አንድዜ እልል በሉ አንኳኩ ይከፈታል ፣ ጠይቁ ይሰጣል ፣ ይላልና ቃሉ "አፀደ ማርያም" የተባለች እናት ፣ የማርያም ምስክር ልጇን አስተምራ ፣ በስቃይ በችግር ካንዱ ይንበርስቲ... ተመርቆ ወጥቶ ፣ ያለ ሥራ ሲኖር አምና በዚህ ሰዓት... ከደጇ መጥቼ ፣ ተማፅኛት ነበር ፀሎቴን ሰምታለች! ልጄም ሥራ ይዞ ... መቶ ዶላር ልኳል ፣ ካሜሪካን ሀገር፡፡" እንዲህ እንዲያ እያለ ስብከቱን አቋርጦ ፣ ተአምር ሲናገር... በሴቶች እልልታ ፣ በወንዶች ጭብጨባ የኢትዮጵያዊት ስለት... ካሚሪካን ሀገር ፣ ተልኮ ሲገባ ጥያቄ አምጣለሁ ፣ ዐይኔ እስኪያረግዝ እንባ፡፡ ፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡ አላለሁ... ምንድነው እዚህ ሀገር ፣ ተምሮ መመረቅ? እርግማን አይደል ወይ... ሰው ሀገር ለመሥራት ፣ ተቸግሮ ማወቅ? ።፣፣፣፣፣።።።፣።፣፣ ምኑ ነው እውቀቱስ... የተማሩት ነገር ፣ ላገር ካልጠቀመ ምንስ ነው መቸገር.... ወድቀው ከፍ ያረጉት ፣ ሰው ሀገር ከቆመ? ወይስ አልተቻለም... እዚሁ ተምሮ ፣ እዚሁ ሀገር መስራት? የተማረው ሁሉ... ጥሏት ከነጎደ ፣ ማነው ይችን ሀገር ፣ የሚያስተዳድራት? ፡፡፡፡፡፡፡፡፡፡፡፡፡፡፡፡፡፡፡ ምንድነው እማምላክ የሠው ሀገር ገንዘብ ፣ የሰው ሀገር ፍራንክ በእልልታ ታጅቦ ፣ ከደጅሽ ሚመጣ? በማለት እያማጥኩ... ጥያቄ እየወረድኩ ፣ ጥያቄ ስወጣ... ።።።።፣፣።።።። አውደ ምህረቱ ላይ ፣ የካህኑ ስብከት ከታቦቱ ፊት ላይ.... "ተቃጠልኩኝ " የሚል "አሰናብቺኝ " የሚል በሰው ላይ ያደረ ፣ ያጋንንት ጩኸት ከታቦቱ ዙርያ... "አይኔ ነሽ ብርሃኔ እመቤቴ ማርያም ፣ አብሶማ ለኔ" እያለ ሚዘምር ፣ ክብ የሰራ ወጣት ይህንን እያየሁ ብዙ ጥያቄዎች ፣ ሳምጥ ሳጠራቅም አንድ አይነ ስውር ሰው... ፊቴ ተደቀነ ፣ ምፅዋት ሊለቅም፡፡ ፡፡፡ ፡፡፡፡፡፡፡፡፡፡፡፡፡ ምነው እመብርሀን ታደዪ ይመሥል... አይኔ ነሽ እያለ አብሶማ እያለ ፣ ወጣቱ ሲዘምር ምን ይሰማው ይሆን... ከደጅሽ የመጣ ፣ ምስኪን አይነስውር? ስል እጠይቃለሁ ፣ ደግሞ እታዘባለሁ ጥያቄ እያማጥሁ ፣ እንባ እወልዳለሁ፡፡ እዘኝ አዛኝቱ! እዘኝ አዛኝቱ!! እዘኝ አዛኝቱ!!! በላይ በቀለ ወያ ከወደዱት ለወዳጆ ያጋሩ @bewketuseyoum19 @bewketuseyoum19 1.2K viewsAbela, 08:22
