#እያስታወስኩ ልርሳህ (ረድኤት ሰኢድ መሀመድ) . . ማስታወስ ህመም ነው መርሳትም ስቃይ ነው ሁሉም ለየብቻ: ጋላቢ ሆነው ሳሉ ከመኖር ጀርባ ላይደሞ ያለኮርቻ (መኖር ሲቆስልም አይደል እኛ የምንደማ?!) ትርፉ መገሽለጥ ነው ዳሩ መቆሳሰል ኖረው ላይኖሩበት በናፍቆት መብሰልሰል: በትዝታ መብሰል በነበር ላይ መክሰል። እኔማ አስቤ ልረሳህ ወስኜ ወሽመጤን ስበጥስ ልቤ እየተጣላኝ: ብሩሻም ትዝታህ ሀረግህን ሲጥል እኔው እኔን ጠላኝ። (ፍርጃ ነው!) እኔ እርጥብ ሬሳ ያልደረኩ ያልፈረስኩ ያልከሳው: አንዴ ሳመኝና በትንፋሽህ ልዳን መኖሬን መልሰው። ልልህ አስብና ሀሳብ አቀናና ደሞ ተወዋለሁ ረሳሁህና። ማስታወስ ህመም ነው መርሳትም ስቃይ ነው ሁሉም ለየብቻ: እየተጋለበ ከመኖር ጀርባ ላይ ደሞ ያለኮርቻ: ትርፉ መገሽለጥ ነው ዳሩ መቆሳሰል ኖረው ላይኖሩበት በናፍቆት መብሰልሰል በትዝታ መብሰል በነበር ላይ መክሰል። ከጠቆረው ልቤ የቀላብኝ ገፅህ ውል ውል እያለ ጠፍ ልቤን ያረካል: መርሳቴ አፈር ለብሶ ትውስታህ ይፈካል። አንዱን ያማል ማማጥ አንዱንያማል መምረጥ እልም ብሎ መኖር እልም ብሎ መሞትእኔስ አይጣፍጠኝ ይጥማል መዳኔ ይጥማል አበሳህ: እየዳንኩኝ ልሙት ልሙት እየዳንኩኝ እያስታወስኩ ልርሳህ!¡ ከወደዱት ለወዳጆ ያጋሩ @bewketuseyoum19 @bewketuseyoum19 1.6K viewsAbela, 10:24
