ቸኮልሽ ለትዝታ ሁሉንም አጠናሁ :ሀሳብሽን አየሁት ያልሽውን ነገሩኝ : ቃልሽን ሰማሁት ከአሁን ታሪክሽ : የኔን ስም አጣሁት በምኔው ተጣደፍሽ : እንዴት ረሳሽኝ? በየት በየት አርገሽ : ከዛሬሽ ላይ ፋቅሽኝ? የት ሄዶ ነው ሲሉሽ ማነው ደሞ እሱ? ብሏል አንደበትሽ እንደምን ነው ሲሉሽ አላውቀውም ኧረ - ሲለኝ ሰምቻለሁ - ኮልታፋው ምላስሽ እውን ረሳሽኝ : ስሜን አጠፋሽው? ከሙሉ ህዋስሽ : ጨክነሽ ሰረዝሽው? አወ በፊት ያኔ : ወዳጄ ነበረ በቃ በቃ በቃ : በቃ ድሮ ቀረ.... ያገኘሁሽ አምና ፡ የሄድኩ ትናንት ማታ ምነው ወዳጄ ሆይ ፡ ቸኮልሽ ለትዝታ የምር አትረሽኝም : አትበይ አላውቀውም እንዳልጨከንኩ ያውቃል... እኔን ሚረሳበት : ልብሽ ልብ የለውም አትወጂኝ ይሆናል : ግን አትዘነጊኝም ልብሽን ጠይቂው : ማነህ አትይኝም ረሳሽው እንዴ??? ልክ ስትደነግጪ የኔን ስም ነበረ : አፍሽ የሚጠራው እንዲያምኑሽ ስትሺ በኔ ስም ነበረ : ምህላሽ ሚሰራው እሱን ይንሳኝ - እሱ ይሙት - ከእሱ ልጥፋ ከቃሌ ጋር - አንዳች ሀሰት - ከተተፋ ብለሽ ነበር ረሳሽው ድሮ ቀረ ብለሽ አልሽው ያገኘሁሽ አምና ፡ የሄድኩ ትናንት ማታ ምነው ወዳጄ ሆይ ፡ ቸኮልሽ ለትዝታ ምንን እንዲያውቁልሽ : ምንን ለመናገር የትናንቱን ንጉስ - (አላውቀውም ብሎ) - እንደሎሌ መቁጠር ...ደሞኮ ያውቁብሻል አላውቀውም ስትይ : ስስት ያዩብሻል እንባ ያነቡብሻል ህመም ይሰሙሻል (ናፈቀች ይሉሻል) እኔም አውቅሻለሁ ማነው እሱ? ስትይ አካልሽ አሞታል ልብሽ ተሰምቶታል ህሊናሽ ገርሞታል አይንሽ ለብልቦታል ውስጥሽን በርዶታል... ከልብሽ አደለም : ዘግተሽ ያባረርሽኝ ላንደበትሽ ነበር... ከዛሬሽ የተፋኩ : ትዝታሽ ያረግሽኝ ላትችይው ነገር : ችለሽ ላትገፊበት ረሳሁት እያልሽ : ስሜን አፌዝሽበት ሰማሁና አዘንኩኝ : አነባሁኝ ላንቺ ረሳሁት ስላልሽ - የረሳሽኝ መስሎሽ - ስላየሁ ስትስቺ ልብሽ ያዘዘበት : ይሄ ያልታደለው ጨካኝ አንደበትሽ... እንጃ እያለ ሲጮህ : መርሳትን ያልቻለው ...ይሄን ብሎ እኮ ነው ከገቡ በኋላ : ማንኳኳት ምንድን ነው?? አንቺም ከፋሽበት... ልብሽ ልቡን ነሳው : ልቤም አዘነለት አሁን ምን ይባላል : ተኩሶ ቁም ማለት? ...ወደህ እርሳ ማለት? ያገኘሁሽ አምና ፡ የሄድኩ ትናንት ማታ ምነው ወዳጄ ሆይ ፡ ቸኮልሽ ለትዝታ? በአቤኒ የተፃፈ ከወደዱት ለወዳጆ ያጋሩ @bewketuseyoum19 @bewketuseyoum19 1.1K viewsAbela, 12:07
