ഇന്ന് കേരളം നേരിടുന്ന ഏറ്റവും വലിയ പ്രശ്നം ഏതാണെന്നു അറിയണോ? എ | CPIM Kerala
ഇന്ന് കേരളം നേരിടുന്ന ഏറ്റവും വലിയ പ്രശ്നം ഏതാണെന്നു അറിയണോ? എങ്കിൽ എറണാകുളത്തെ കോൺഗ്രസ് എംപി ഹൈബി ഈഡനോട് ചോദിച്ചാൽ മതി. അങ്ങേരെ സംബന്ധിച്ച് നമ്മുടെ നാട് നേരിടുന്ന ഏറ്റവും ഗുരുതരമായ പ്രശ്നം കേരളത്തിന്റെ തലസ്ഥാനം കൊച്ചിയിലേയ്ക്ക് മാറ്റണം എന്നതാണ്. ഹൈബി ഈഡന്റെ കത്തുന്ന ആവശ്യം ഇപ്പോൾ സോഷ്യൽ മീഡിയയിലെ വൈറൽ ട്രോൾ സബ്ജക്ട് ആയിട്ടുണ്ട്. ഇക്കാര്യത്തിലുള്ള നിലപാട് സംസ്ഥാന സർക്കാർ നേരത്തെ അറിയിച്ചു; ഇതൊന്നും നടപ്പുള്ള കാര്യമല്ലെന്ന്. പാവം.. ഒരാഗ്രഹം പറഞ്ഞിട്ട് അത് നടക്കില്ലെന്ന് അറിഞ്ഞ് സങ്കടപ്പെട്ടിരിക്കുന്ന ഹൈബിയെ ഇപ്പോ സുധാകരൻ ഒഴികെ സംസ്ഥാനത്തെ ഭൂരിപക്ഷ കോൺഗ്രസ് നേതാക്കളും തള്ളി പറഞ്ഞു. പുനർജനി തട്ടിപ്പ് ഫെയിം സതീശൻ ഇക്കാര്യത്തിലുള്ള അതൃപ്തി തന്റെ 'കൊച്ചനുജനായ' ഹൈബിയെ നേരിട്ട് വിളിച്ചറിയിച്ചെത്രെ.. ഈ സങ്കടവും ഹൈബിയുടെ നെഞ്ചിൽ കത്തിയെരിയുകയാണ്. ഇതും പോരാഞ്ഞ് പോലീസ് വരെ ട്രോളാതെ ട്രോളുകയും ചെയ്തു. സോഷ്യൽമീഡിയ എയറിൽ കയറ്റിയിട്ട് ഇതുവരെ ഇറക്കി വിട്ടിട്ടില്ല. അമ്പുകൾ ഇനിയും ഏറ്റുവാങ്ങാൻ ഹൈബിയുടെ ജന്മം പിന്നെയും ബാക്കി കിടക്കുന്നു.
തലസ്ഥാനം കൊച്ചിയിലേക്ക് മാറ്റണമെന്ന ആവശ്യത്തോടൊപ്പം അദ്ദേഹം ഉന്നയിക്കുന്ന ആവശ്യങ്ങൾ നിങ്ങൾക്കറിയാമോ..? നിയമസഭയും സെക്രട്ടറിയറ്റുമടക്കമുള്ള മുഴുവൻ സൗകര്യങ്ങളും പുതുതായി നിർമിക്കണം പോലും. എന്താലേ.. എറണാകുളത്തിന്റെ എംപിയായി ഞാനിവിടെയുണ്ടെന്ന് അറിയിക്കാൻ എന്തെങ്കിലുമൊക്കെ പറയണ്ടേ.. അടുത്ത തവണ എറണാകുളം സീറ്റ് ചില അഖിലേന്ത്യാ വമ്പന്മാർ നോട്ടമിട്ടിട്ടുണ്ടെന്നും അങ്ങനെ വന്നാൽ താൻ ചൊറിയും കുത്തി ഇരിക്കേണ്ടി വരുമെന്നും മുൻകൂട്ടി കണ്ടുള്ള പൂഴിക്കടകനാണ് ഹൈബിയുടെ ഈ തലസ്ഥാനമാറ്റബില്ല് എന്നും കോണ്ഗ്രസുകാര് തന്നെ ഹൈബിക്ക് പാര പണിയുന്നുണ്ട്. എന്തായാലും ഹൈബിക്ക് കൊടുക്കാനുള്ള അടിക്ക് വേണ്ട വടിയെല്ലാം ഗ്രൂപ്പ് ആസ്ഥാനങ്ങളിൽ ഇപ്പഴേ തയ്യാറായി കഴിഞ്ഞു എന്ന് അനുമാനിക്കാം