ကုန်သွယ်မှုများပြန်မြှင့်ရန် ယခုလအတွင်း ကုန်တင်သင်္ဘော ၄၂ စင်းပြေးဆွဲမည်
...................
အောက်တိုဘာ ၁၁
ပိုကုန်များ တိုးမြှင့်တင်ပိုနိုင်ရန်နှင့် ပြည်တွင်းလိုအပ်ချက်အရ သွင်းကုန်တိုးမြှင့် တင်သွင်းနိုင်ရန် ကုန်သေတ္တာတင် သင်္ဘောလိုင်းအသီးသီးမှ ယခုအောက်တိုဘာလတွင် သင်္ဘော ၄၂ စင်းပြေးဆွဲသွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ သိရပါတယ်။
ရန်ကုန်ဆိပ်ကမ်း၏ မှတ်တမ်းများအရ မြန်မာနိုင်ငံသို ၂၀၂၁ ခုနှစ် မေလမှစတင်ကာ နိုင်ငံတကာ ကုန်တင်သင်္ဘောနှင့် ကုန်စည်သင်္ဘောများ ပိုမို ဝင်ရောက်လာခဲ့ကြောင်း သိရပါတယ်။
ရေကြောင်းကတစ်ဆင့် ကုန်သွယ်မှုမြှင့်တင်နိုင်ရန် နိုင်ငံတော်နှင့် ပုဂ္ဂလိကကဏ္ဍ ပူးပေါင်းဆောင်ရွက်ခဲ့မှုကြောင့် လက်ရှိ နိုင်ငံတကာ သင်္ဘောကြီးများ တစ်ပြိုင်တည်းဆိုက်ကပ်နိုင်သော ဆိပ်ကမ်းတံတား စုစုပေါင်း ၄၅ စင်းရှိပြီဖြစ်ကြောင်း သိရပါတယ်။
