2022-08-22 18:30:12
..
Shu tarzda o'qishga kirib, talabalikning eng zavqli kunlarini o‘tkazardim. Bir pasda oliygoh hayotiga o'rganib ketdim. Bu yerdan ham ko‘p do‘stlar ortdirdim. Ba‘zilari bilan aka-ukadek qadrdon bo‘lib ketdik. Talabalik hayoti ham ortiga qaramay, shiddat bilan oldinga ketardi. Birpasda ikki yil ham o‘tib ketdi. Sinfdosh do‘stlarim bilan ham tez tez uchrashib turardim. Ba'zan o‘zimiz biror sabab bo‘lmasa ham yig‘ilishardik, ba'zan esa biror bir sinfdoshimizni to‘yi munosabati bilan yig‘ilardik. Sinfdosh qizlarimizning ham ko'pchiligini to‘yi bo‘lib ketdi. Faqat sanoqlilargina qolgandi, xolos. Ularni ichida U ham bor. Unga o‘sha mening eng yaqin do‘stimdan 3-4 marta uyiga sovchi borganidan xabarim bor edi lekin negadir uning uydagilari ko‘nishmayotgandi. Yaqinda bir xabar eshitib dovdirab qoldim:
— Eshitdingmi?
— Nimani?!
—... ni to‘yi bo‘layapti;
— Yaa, yog‘e?!
— Ha, Rostan
— Kimga tegayapti, Jo‘ragami, xabaring yo‘qmi?
— Yo‘q unga emas... Boshqaga...
— Kimga ekan?!..
— Bu yerlik emas, Toshkentdan ekan...
— Haa... Nega Jo‘ra unga uylanmadi, ahir ikkovi bir birini yaxshi ko‘rardiku...
— Uyidagilari rozi bo‘lishmabdi...
— Nega rozi bo‘lishmabdi?!
— ... ni uyidagilari Toshkentga ko‘chib ketishar ekan, shunga qizini bu yerda qoldirishga ko‘ngli bo‘lmabti. O‘zing bilasan yolg'iz qiz. Yana bitta sababi Jo'rabek qizni otasiga yoqmaganmish...
Ular boy, bilasan. Balki, Toshkentdagi kuyov bo'lmish biror bir boy do‘stining arzandasidir...
Bo‘pti, uni buni qo‘ysangchi, to‘yga borasanmi o‘zi?!
— ... Bilmasam...aniq aytolmayman...
Bilasizmi?! Bu xabarni eshitib judayam alam qilib ketdi. Alam qilganining bir jihati unga shu vaqtgacha biror marta dil izhorimni aytolmaganim armon bo‘lib qolgan bo‘lsa, ikkinchi jihati uning turmushga chiqib ketayotgani edi. Turmushga chiqqanda ham kimga?!.. Begonaga!!...Sen tanimagan, bilmagan insonga... Men uni eng yaqin do‘stim bilan birga baxtli bo‘lishini xohlardim. Har zamonda bo‘lsa ham, kezi kelganda sinfdosh do‘stlar yig'ilib, do‘stimnikiga borganda, uni hozirgi hayotidan baxtli, ko‘zlari quvongan holda ko‘rib turishni istardim....Mayli...Nima bo'lganida ham insonning taqdir peshonasiga yozilganidan ortig‘i ham, kami ham bo‘lmaydi... Hech bo'lmaganda uni bu hayotda borligini bilib yashashning o‘zi bir baxt... Borgan joyida tinib tinchib.. baxtli hayot kechirsa bo‘lgani... Biz uchun armon bo‘lib qolgani esa, U na menga va na do‘stimga nasib qildi....
.....NASIB..... qanday ulug‘vor so‘z- a?!.. ...
Na sodir bo‘lishiga aminsan....
Na umidsizsan....
Faqatgina....
Taqdiringni biluvchiga taslimsan....
22.04.2022
hikoya tugadi.
434 views15:30