من اخطر حالات الطوارئ للامراض الصدرية.....iceberg phenomenon | IN Medicine
من اخطر حالات الطوارئ للامراض الصدرية.....iceberg phenomenon
كنت بمر مع النواب في احد المستشفيات الخاصة وكنت ضيف ولقيتهم بيقدموا حالة عيان recurrent haemoptysis لمريض 28 سنة جه الطوارئ وكان recurrent mild haemoptysis فالنائب قال عملنا coagulation profile =normal x ray =normal ct pulmonary angio =normal
النائب قال عملنا ايكو برضه كان normal وقال انا اما لقيت حالته مستقره روحته ....طبعا قولتله انت شخصته ايه قالي acute brnchitis قولتله انت غلطان لانه قد يكون iceberg phenomenon يعني قمة جبل الجليد يعني ظاهر شوية haemoptysis بسيطه وكل الفحوصات سليمة وهناك كارثة في الانتظار فقالي ليه يا د.محمد
قولتله ياصديقي العزيز المريض لو الاشعة او الايكو بين مشكلة احنا كدا عرفنا التشخيص وعرفنا سبب الدم لكن لو كل شئ سليم وانت فاهم haemoptysis حتعرف ان اخر خطوة في approach هي aortography لانه الفحص الوحيد اللي حيظهر anomalous systemic supply to the lung ودي مش حتظهر حتى ب ct angio
يعني في ناس طبيعين عندهم جزء من الرئة بياخد دم من ال aorta فيما يسمى anomalous systemic lung supply والشريان الغريب ده اما فحصوه تحت الميكروسكوب لقوه شبه ال pulmonary artery مع انه طالع من ال aorta وبالتالى فهو شريان ضعيف ولو المنطقة اللي بيغذيها الشريان ده حصله فيها عدوى وساعات من غير سبب خلت المريض يكح دم..... خلي بالك ياحبيبي دا طالع من ال aorta يعني الضغط جواه 120 يعني حيكح ويموت وانت بتتفرج مش حتلحق تعمل حاجه
علشان كدا كان في ناس بتستعمل لفظ idiopathic haemoptysis ولقوا ان استعمال هذا اللفظ بيموت العيانين لانهم وجدوا نسبة منهم عندهم anomalous systemic lung perfusion
الخلاصة لو مريض جالك في الطوارئ كل حاجه normal فحص واشعة وتحاليل وحتى normal bronchoscopy اعرف انه قد يكون iceberg يعني جبل جليد ظاهر في قمته بس ومخبي وراه مصيبه صدقني حيكح ويموت وانت بتقول دي حالة bronchitis لانها most common ولان كله سليم
ساعات بتيجي في ال prometric يجيبلك recurrent haemoptysis وكله سليم ويقولك تعمل ايه
thoracotomy or aortography في ناس بتختار surgical exploration والسؤال هنا حيبص على ايه وحيفتح يمين ولاشمال فوق ولا تحت الاختيار السليم بعد ct angio هو aortogrphy اوعك تنسي aortography
لاتنسى لو كل حاجة سليمة ...ممكن يموت اوعك تقول acute bronchitis لو مفيش اعراض ال bronchitis لو كله سليم قبل ماتستبعد anomalous systemic supply to lung استاذنا العظيم د.محمود عاشور رحمه الله سألني مره وانا بعرض عليه حالات في المرور وقالى ايه اخطر haemoptysis على الاطلاق لو كل التحاليل والاشعات سليمة قولتله anomalous systemic supply to lung which only diagnosed by aortography والحل ابعت المريض بسرعة لجراحة قلب وصدر يربطوا الشريان ويريحونا قالي انت استويت ياحماده ينفع تدخل امتحان ال MD
د.محمد خليل مدرس الامراض الصدرية بطب الازهر #منقول
