ခက်တော့နေပြီ ========== ကိုစိုးဆီက ဖုန်းဆက်လာတယ် | Thurein

ခက်တော့နေပြီ
==========

ကိုစိုးဆီက ဖုန်းဆက်လာတယ် ။ သူပြောမှ ကျနော်သတိထားရမယ့် ကိစ္စတခု ပြန်မှတ်မိလာရပါတယ် ။

နစက အစိုးရက လိုင်းတွေ စဖျက်ခါစ VPN နဲ့ ကျော်ခွပြီး သုံးစွဲစ ကာလတုန်းကကျနော့် ACC တွေ ကျကုန်တယ် ။ အသစ်ဖွင့်တယ် ဘယ်လိုမှ မရဘူး ။

နှစ်ရက်လောက် ပျောက်သွားတော့ အမပွားက ဖုန်းဆက်မေးတယ် ။ ကျနော့်လက်ရှိ ဖုန်း နှစ်လုံး နဲ့ ACC အသစ်ဖွင့်တာ မရတော့ဘူး ၊ ဖုန်း id နဲ့ fb က ပိတ်ထားတယ်နဲ့ တူတယ်လို့ ပြောလိုက်တယ် ။

အဲဒါကို ကိုဖြိုးဝေကလည်း ကျနော့်လို ဖြစ်ပြီး ပို့စ် တင်တယ် ၊ သူလည်း ဖုန်းအသစ်မဝယ်နိုင်သေးလို့ နားနေကြောင်းပေါ့ ။

ဒီတော့ အမပွားက ဖုန်းအသစ်ဝယ်ဖို့ ပြောတယ် ။ ကိုယ်ကလည်း ရိုးသားစွာပဲ ပြောလိုက်ပါတယ် အမရေ နောက်ထပ်ဝယ်ရင် သနပ်ခါးတုံးစာ မိဖို့ 100 % ပဲ ဆိုတော့ ရီနေတယ် ။ နောက် သူက သူ့မိတ်ဆွေတွေဆီ အလှူခံပြီး စုပေးမယ်တဲ့ ။ မလုပ်ပါနဲ့ အမရာ ဆိုပြီး တားပါသေးတယ် ။

အမပွားက တားမရဘူး ကိုဖြိုးဝေ ပို့စ် ပြန်တင်ပြီး ကိုမျိုးဝင်းလည်း ဒီလို ဖြစ်နေတယ် ၊ ဖုန်းဝယ်ပေးချင်လို့ပါ ဆိုပြီး ပို့စ် တင်ပါရော ။

အမပွား နဲ့ ကျနော် နဲ့ နှစ်ဦးလုံးကို သိနေတဲ့ မိတ်ဆွေများက ဝိုင်းပြီး wave ကနေ ပေးလှူကြပါတယ် ။ အမရေ ဖုန်းဖိုး ပိုနေပြီ လက်မခံတော့ နဲ့လို့ တားပါတယ် ။ အမပွားလည်း ရပါပြီ မလှူပါနဲ့လို့ ပြောတာကိုပဲ လှူချင်လို့ လက်ခံပေးပါအုံး ဆိုပြီး ဇွတ်အတင်း လှူကြပါတယ် ။

အမပွားကတောင် ခင်ဗျားကို မနာလိုတော့ဖူးလို့ နောက်ပြောင်တဲ့ အထိပါပဲ ။ ကျနော် ဖုန်းအသစ်ဝယ်ပါတယ် ။ သို့သော် ACC အသစ်က ဖွင့်မရပါဘူး ။ သုံးလက်စ ACC တွေပဲ ဝင်သုံးလို့ ရတယ်ဆိုပြီး ပြောကြပါတယ် ။

ဒါနဲ့ သုံးလက်စ ACC ပါတဲ့ ဖုန်းအဟောင်းတွေ ရှာဝယ်ရပြန်ပါတယ် ။ ငွေရှိသလောက် ဝယ်လိုက်တာ ဖုန်း ၅ လုံး ဖြစ်ပါတယ် ။ အဲဒီကာလက အကျဥ်းအကြပ်ကို အဲဒီလို ဖောက်ထွက်ခဲ့ရဖူးပါတယ် ။

အခု ကျနော် နိုင်ငံရေး နားမယ်ဆိုပြီး မရေးပဲ နေတော့ ကိုစိုးက မင်း အဲလို ကူညီခဲ့တဲ့ မင်းရဲ့ မမြင်ဖူးတဲ့ fb fri တွေကို အားမနာဖူးလား တဲ့ ။

အမျိုးသားရေး အုပ်စုမှာ like 1 k ကျော်တဲ့ ACC ဘယ်လောက်များနေလို့ နားတာလဲ တဲ့ ။

မင်းရေးနေရင် မဟုတ်တာ လုပ်တဲ့ ဌာနဆိုင်ရာတွေ လှုပ်လှုပ်ခတ်ခတ် ရှိသွားရတာ သူသိသတဲ့ ။

မင်းလို ထောင်မကြောက် တန်းမကြောက် ရေးတဲ့သူ ထောက်ပြတဲ့သူ ဘယ်လောက်ရှိသလဲ တဲ့ ။

လိုင်းပေါ်က နီပိတ်တွေ စိမ်းပိတ်တွေရဲ့ မထော်မနန်း သတင်းလိမ်တွေကို ဘယ်သူဖော်ထုတ်မလဲ တဲ့ ။

ဌာနဆိုင်ရာတွေရဲ့ အနိုင်ကျင့်မှု မတော်မတရားမှုတွေကို ဘယ်သူက မင်းလို အမည်တပ် ဖော်ထုတ်မလဲ တဲ့ ။

....မင်းကို ရေးခိုင်းတာ နစက အတွက် တပ်ချုပ်ကြီးအတွက် မဟုတ်ဖူး တပ်မတော်အတွက် ၊ ဘာသာ သာသနာ အတွက် ၊ တိုင်းပြည်နဲ့ လူထုအတွက် တဲ့ ။

အင်းးးးကိုစိုးပြောတဲ့ အချက်တွေထဲက ကျနော့် နှလုံးသားကို အထိခိုက်ရဆုံးက ကျနော်ဖုန်းဝယ်ဖို့ ဆိုပြီး ငွေစုပေးတဲ့ သူတွေပါပဲ ။ ကျမငွေ တသောင်းကိုတော့ လက်ခံပေးပါ ကျမ ချမ်းသာလို့ မဟုတ်ပါဘူး ကိုမျိုးရဲ့ စာတွေကို ဖတ်ချင်လို့ လေးစားလို့ပါ ဆိုပြီး ပြောခဲ့တဲ့ စကားကိုလည်း ကြားယောင်မိဆဲပါပဲ ။

ကျနော် ကျိုးစားရေးခဲ့ပါတယ် ။ တနေ့ကို အနည်းဆုံး နှစ်ပုဒ် ကနေ စိတ်ပါရင် ပါသလို ရေးခဲ့ပါတယ် ။ ဘယ်လိုမှ တင်မရရင် messenger ကနေ ပို့ပြီး ဖတ်လို့ရအောင် ကျိုးစားခဲ့တာ အဲဒီ မိတ်ဆွေတွေရဲ့ စေတနာကို တုန့်ပြန်ခဲ့တာပါ ပဲ ။

ကိုစိုးရဲ့ သတိပေး ဖုန်းသံက ကျနော်အတွက် အခက်တွေ့စေခဲ့ပါတယ် ။

ကိုရွှေမျိုးဝင်း

(ဖုန်းဝယ်ဖို့ ငွေစုပြီး ပေးလှူခဲ့သူများအား ကျနော် ကျေးဇူးတင်ကြောင်း တခါမျှ မပြောခဲ့ဖူးသေးပါဘူး ၊ အခြားသူတွေကပါ ကူညီချင်ပါတယ် ဖြစ်နေမှာစိုးလို့ပါ ။ ယခင်က အမပွား နဲ့ ကျနော့်ရဲ့ ACC တွေနဲ့ mutual fri များသာ သိခဲ့ကြတဲ့ အတွက် ကျနော် မရေးခဲ့တာပါ ။ ယခုမှ ပြောလက်စနဲ့မို့ အဆိုပါ မိတ်ဆွေ အပေါင်းအား ကျေးဇူးတင်ပါကြောင်း ပြောချင်ပါတယ် ခင်ဗျား)

တရားတော်များတင်ပေးနေတဲ့ကျွန်တော့ရဲ့ Yutube ချန်နယ်လေးပါ
https://youtube.com/channel/UCHViPE-KZM0WJOquswEL3iw


တယ်လီဂရမ်လင့်နဲ့ကျွန်တော့အကောင့်လင့်ပါ
https://t.me/komyowin/32

https://www.facebook.com/profile.php?id=100058949323171