ဘယ်သို့ဖြေကြားခဲ့ပါသလဲ မင်းကြီး ဝန်မလေးလျှင် ပြန်လည်ပြောကြား | Thurein
ဘယ်သို့ဖြေကြားခဲ့ပါသလဲ
မင်းကြီး
ဝန်မလေးလျှင်
ပြန်လည်ပြောကြားပါလော့ "
ဤတွင် အဇာတသတ်ဘုရင်က
(၁)ပုရာဏကဿ ပ၊
(၂)မက္ခလိဂေါသာလ၊
(၃)အဇိတ ကသေကမ်ဗလ၊
(၄)ပကုဓ ကစ္စာယန၊
(၅)နိဂဏ္ဌ နာဋပုတ္တ၊
(၆)သဉ္စယ ဗေလဋ္ဌပုတ္တ
စသော ဂိုဏ်းဆရာကြီး ခြောက်ဦးထံ
မေးမြန်းဖူးကြောင်း လျှောက်ထား၏။
ထိုဆရာကြီး ခြောက်ယောက်က ရဟန်းဖြစ်ရခြင်း အကျိုးကိုမပြောပြနိုင်ဘဲ ၎င်းတို့၏အယူဝါဒများကိုသာ
ထင်ရာမြင်ရာ ပြောဆိုခဲ့ကြသဖြင့် သူသိလိုရာကိုမသိရဘဲရှိကြောင်း၊
ထိုဆရာကြီးခြောက်ယောက်ထံမှ
စိတ်နှလုံးမသာမယာဖြင့် ဖယ်ခွာလာခဲ့ရပါကြောင်း ဆက်လက်လျှောက်ထား၏။
အဇာတသတ်မင်းသိလိုသည့်
ရဟန်းပြုရခြင်း အကျိုးကို မြတ်စွာဘုရားကဖြေကြား၏။
"မင်းကြီး သင်သိလိုရာကို ငါထင်ရှားပြမည်၊ရှေးဦးစွာ သင့်ကိုပဲ မေးမြန်းပါအံ့၊
သင်ဖြေတတ်သလို ဆန္ဒရှိသလိုသာ ဖြေပါလော့"
"မင်းကြီး သင့်တွင်
သင့်အလိုကျ
ဆောင်ရွက်ပေးတတ်သော၊လိမ္မာသော အစေအပါးတစ်ယောက်ရှိသည်
ဆိုပါတော့..၊ထိုအစေအပါးသည်
ရဟန်းဝတ်သွားသည် ရှိသော်
သင်မင်းကြီးအဘယ်သို့
ပြုလုပ်ပါမည်နည်း၊
လူဝတ်လဲတော့၊ငါ၏ အမှုကိစ္စတို့ကို
ဆောင်ရွက်ပေတော့ဟု ဆိုပါမည်လော..."
"အရှင်ဘုရား ဤသို့မဆိုပါ၊
ထိုရဟန်းပြုသွားသူအား တပည့်တော်တို့ကပင် ပြန်၍ အရိုအသေပြုရပါမည်။လိုအပ်သည်များကို ထောက်ပံ့လှူ
ဒါန်းပေးရပါမည်။"
"မင်းကြီး
ရဟန်းပြုရခြင်း၏ အကျိုးကို
လက်ငင်းဒိဋ္ဌိ မြင်တွေ့ပါရဲ့လား"
"အရှင်ဘုရား..
သင့်လျော်ပါ၏၊
ထိုထက်ပို၍
သိသာအောင်ပြတော်မူပါဘုရား"
"မင်းကြီး ပြနိုင်ပါ၏။
အခွန်ထမ်းဆောင်သော နိုင်ငံသားတစ်ဦးရှိသည်ဆိုပါတော့။ထိုသူ ရဟန်းဝတ်ခဲ့သည်ရှိသော် အသင်မင်းကြီးက
အခွန်ထမ်းသူကို
လူဝတ်လဲတော့၊စီးပွားဥစ္စာတိုးအောင်ပြု ၍ အခွန်ထမ်းလော့ ဟု ဆိုပါမည်လော..."
"အရှင်ဘုရား..
ဤသို့မဆိုပါ၊ထိုရဟန်းပြု သူအား
တပည့်တော်ကပင်ပြန်၍
အထောက်အပံ့ပြုရပါလိမ့်မည်။"
"မင်းကြီး ရဟန်းပြုရခြင်းအကျိုးကို
လက်တွေ့ မြင်ရပြီမဟုတ်ပါလား "
"မှန်ပါ့ ဘုရား၊တွေ့မြင်ရပါပြီ၊
ထိုထက်ပို၍ အားရနှစ်သက်ရအောင် ထင်ရှားပြတော်မူပါအုံးဘုရား "
ရဟန်းပြုသူသည် လောကီကိစ္စများမှ
လွတ်ကင်းရပုံကို ပြပြီးနောက်
အကျင့်တရားများကြိုးစားအားထုတ်နိုင်ပုံ အဆင့်ဆင့်ကို ဆက်လက်၍
ထင်ရှားပြတော်မူ၏။
"မင်းကြီး...လောက၌
တစုံတယောက်သောသူသည်
ငါဘုရား၏ တရားဓမ္မများကို
နာကြားရအံ့၊
ထိုသူသည် လောကီကာမဂုဏ်ကိစ္စများကို စွန့်၍ရဟန်းပြုသည်ရှိအံ့၊ထိုသို့ရဟန်းပြုသူသည် စင်ကြယ်သောသီလကို စောင့်ထိန်းလတ္တံ့"
"မင်းကြီး ထိုသို့သောရဟန်းသည်
ခပ်သိမ်းသော လူသတ္တဝါတို့အား
သနားကြင်နာတတ်၏။
သူတပါး ဥစ္စာပစ္စည်းကို
မက်မောခြင်းကင်း၏။
အိမ်ယာတည်ထောင်သူတို့ ပြုလုပ်သော မသန့်ရှင်းသောအပြုအမူများမှ
ကင်းရှင်းအောင်နေ၏။
အချင်းချင်း မညီမညွတ်ဖြစ်စေသော
စကားမျိုးကို ပြောဆိုခြင်းမှ ရှောင်ကြဉ်၏။
ကြမ်းတမ်းသော စကားကိုမဆို၊
ယဉ်ကျေးနှစ်လိုဖွယ်ရာ ပြောဆိုတတ်၏။ဤကား ရဟန်းတို့၏
အကျင့်သီလပင်ဖြစ်လေသည် "
"မင်းကြီး အကျင့်သီလနှင့်
ပြည့်စုံသောရဟန်းသည် ဣနြေ္ဒကိုစောင့်ထိန်းမြဲဖြစ်၏၊အာရုံခြောက်ပါး
ဣနြေ္ဒကိုစောင့်ထိန်းသူကို နှစ်သက်ခြင်း၊မနှစ်သက်ခြင်း စသောတရားများက နှိပ်စက်ခြင်းမပြုနိုင်ပေ၊
ဣနြေ္ဒကိုစောင့်ထိန်းသဖြင့်
ကိလေသာ၏ နှိပ်စက်ခြင်းမှကင်းဝေးရ၏၊
အနှိပ်စက်မခံရသူသည် ချမ်းသာစွာနေရ၏။စိုးရိမ်ကြောင့်ကြမှု ဘေးအပေါင်းမှ လွတ်ကင်းရ၏။"
"မင်းကြီး ဣနြေ္ဒစောင့်ထိန်းသူသည် သွားခြင်း၊ရပ်ခြင်း၊အိပ်ခြင်း၊စားခြင်းစသောလှုပ်ရှားမှုတိုင်းကို သတိဖြင့်
ဆင်ခြင်ပြုလုပ်လေ့ရှိ၏၊
သူ့တွင် စိတ်ပျံ့လွင့်မှု မဖြစ်ပေါ်တတ်ပေ "
"ထိုသို့သော ပုဂ္ဂိုလ်သည်ရောင့်ရဲလွယ်သည်သာဖြစ်၏၊အရှက်လုံရုံ၊ဝမ်းကိုမျှတစေရုံ၊သစ်တစ်ပင် တဲတစ်လုံးဖြင့်
နေရာထိုင်ခင်းလုံလောက်ရုံမျှနှင့် ကျေနပ်လေ၏၊
ဤသို့ သီလပြည့်စုံ၊ဣနြေ္ဒစောင့်စည်း၊သတိ-သမ္ပဇဉ်ရှိပြီး ရောင့်ရဲလွယ်သော
ပုဂ္ဂိုလ်သည် ဆိတ်ငြိမ်ရာ၌သာနေထိုင်တတ်၏။
ကမ္မဋ္ဌာန်းတရားကို ရှေးရှုလျက်
သတိဖြင့်သာနေ၏။"
"ထိုပုဂ္ဂိုလ်၏ စိတ်၌
မက်မောတွယ်တာခြင်း
အဘိဇ္ဈာ၊
ပျက်စီးစေလိုသော ဒေါသ၊
လေးလံထိုင်းမှိုင်းခြင်း ထိနမိဒ္ဓ၊
ပျံ့လွင့်ခြင်း ဥဒ္ဓစ္စ၊
နောင်တပူပန်ခြင်း ကုက္ကုစ္စ၊
ယုံမှားခြင်း ဝီစိကိစ္ဆာတို့မှ
ကင်းစင်၍နေလေ၏ ၊
လူတို့၏ စိတ်ကိုမကောင်းအောင်
ခြယ်လှယ်တတ်သော တရားအစုမှ ကင်းဝေး၍ ငြိမ်းချမ်းနေလေ၏ "
"ထိုပုဂ္ဂိုလ်အား လွတ်မြောက်သူဟုခေါ်၏။အချုပ်နှောင်ခံရသူသည် လွတ်မြောက်လာသကဲ့သို့၊ကြွေးတင်သူသည်
ကြွေးဆပ်နိုင်ပြီး လွတ်မြောက်သကဲ့သို့၊
ရောဂါဆိုးခံစားနေရသူသည်
ဆရာကောင်းနှင့် တွေ့ရသဖြင့် ရောဂါအရှင်းပျောက်ကင်းရသကဲ့သို့
အလွတ်မြောက်ကြီး လွတ်မြောက်ရလေ၏ "
"အပိတ်အပင် အတားအဆီးတို့မှ
လွတ်မြောက်နေသူတွင်
ဝမ်းမြောက်ခြင်းဖြစ်၏၊ထိုဝမ်းမြောက်မှုက နှစ်သက်ခြင်းပီတိဖြစ်စေ၏၊ပီတိဖြစ်သူ၏ ကိုယ်သည် ငြိမ်းချမ်း၏၊
ငြိမ်းချမ်းသောကိုယ်ရှိသူသည် ချမ်းသာ၏၊ချမ်းသာသော ပုဂ္ဂိုလ်၏စိတ်သည် တည်ငြိမ်၏ "
