回應民意，講 #哲學 講下 #政道與治道 牟宗三認為，中國政治最大 | 九龍人 Kowlooner

回應民意，講 #哲學 講下 #政道與治道

牟宗三認為，中國政治最大問題，係只有 #政道 而無 #治道 。

政道就係政權承繼及合法性之道，而治道就係統治方式及正當性之道。政道關心一個問題：點解界你揸莊做大佬先？

牟宗三批評，上古王朝革命之初，一定係用個人「德與力」去合理化「得天下」；漢代以前，係用氏族部落去取得政權，漢代以後就以個人英雄方式打天下，如西漢的劉邦。但即使假設佢地真係有德行又有能力，唔代表佢地子孫有。「世襲制」本身就無正當性。你伯爺有才有德唔代表你有喎，你都可以係仆街仔。

於是中國古代政權就經常出現「德不配位」嘅問題，成日都革命，推翻暴政，建立新王朝，然後初期頭幾個皇帝可能好有德有才，但搞搞下佢D子孫又仆街，於是正當性盡失，結果又搞革命。

牟宗三因此反對世襲君主制。

之後繼續講其他。