p.s. 日本右膠成日吹奏日本萬世一系，批評中國經常發生易姓革命。新儒家可以點回應？ 牟宗三本人無回答，但其實我地諗真D就知日本右膠幾膠。點解同樣係世襲君主制嘅中國同日本，中國會不斷有易姓革命，而日本從來都係無？ 就係因為古代日本人連反省「政權合法性」嘅能力都無啊！ 中國無政道，但士大夫同百姓每當見到個君主仆街，就會好唔gur，唔gur就反枱，起義推翻君主，改朝換代。佢地的確無反省成個帝制有問題，但起碼佢地會反省「在位者有無正當性」嘅問題，用儒家講法就係「德不配位」。 日本係連依種反省能力都無，所以天皇萬世一系。 當然有人會話，日本自鎌倉幕府起，天皇長期無實權，大權落在將軍手上，所以之後所有軍事衝突、起義個矛頭都係指向將軍而非天皇；推翻將軍已經係一種易姓革命，一種對在位者「德不配位」嘅反省。 你食屎啦。咁叫答左問題啊？如果個天皇已經係廢嘅，任由個將軍亂嚟，點解D大名同武士都依然只批評將軍「德不配位」而唔批評天皇「德不配位」啊？就係你地無反省能力囉！ 點解無人咁反省天皇「德不配位」做成天皇大權旁落？因為天皇被神化，被視為天照大神後代，係現人神。神就做乜都岩，做乜都唔可以小，你小天皇就係褻瀆神明。但留意，係中國，就算係最專制嘅秦，君主都只係自稱皇帝、天子，仍不敢直接自稱為天、為神，甚至史官幾乎係奏旨要評價帝理得失，唔可以只讚無彈。 當然，鬧得皇帝多，大家自然覺得推翻仆街皇帝好合理，於是做成中國史上好多易姓革命，經常混戰，但起碼佢地係有反省嘅能力囉。 155 views12:19
