2021-06-04 05:26:27
-
O'qishga kirgach -
Menimcha har bir o'qishga kirishga harakat qilayotgan abuturiyent o'quvchining
bezor bo'lgan bir so'zi bor: "
O'qishga kirgach qilasan!"Men o'rtoqlarim bilan sayrga bormoqchiman, men manabu narsani sotib olmoqchiman, shu o'yinni ko'rib olay?! Natijada esa
"O'qishga kirgach qilasan!" javobini olasan!
Namozlarning o'qishni o'rganishni ham, ro'za oyida ro'za tutishni ham
keyinga qoldirishgan, "O'qishga kirgach o'rganasan!", "O'qishga kirgach qilasan!"
Birortasini yoqtirib qolsang ham, "
O'qishga kirgach kursdoshlaringdan birortasini yoqtirarsan, hozircha yig'ishtir!" "Abiturient bola futbol ko'rmaydi, abituriyent o'yin o'yanamaydi, abituriyent uxlamaydi" kabi iboralar ham jonga tekkan!
Bir o'ylab qaralsa bola hamma narsadan bezib, zerikib o'qishga kirayapti, lekin endi u bola
o'qirmikan! Axir u oldin qilolmagan, qilinishi kutib yotgan bir qancha ishlari rejalari kutib turibdi!
U edi to'yib uxlashi, do'stlari bilan aylanishi, sevgan yorini topishi, futbol korishi, bir narsalar sotib olishi kerak! Lekin negadir o'qish, bilim olish, izlanish degan narsalar
keyingi o'rinda! Chunki biz unga shunday uqtirgan edik, "O'qishga kirgach qilasan, o'qishga kirgach boraverasan, o'qishga kirgach sevaverasan!" Natijani esa hammamiz ko'rib turibmiz, ertayu kech ma'lum bir fanni o'qiydigan, hamma vaqtini shu fanlarga sarflaydigan bolaning endilikda u fanlarni
yuziga ham
qaragisi yo'q! "Tuppa tuzuk o'qiydigan bola nega buncha o'zgardi hayronman!" deb qo'yamiz yana! Axir biz uni doim shunga dasturlab borganmiz, olayotgan bilimi kelajakda ma'lum kasblarda, ma'lum joylarda ishlatilishi uchunligi haqida uqtirish o'rniga, "
O'qishga kirib olsa bo'ldi"
tamoyilida ish yuritamiz!
Yaxshilab razm solsak, hozirgi rivojlangan zamonamizda o'qishga kirish, diplomli bo'lish uncha
katta ahamiyatga ega emas, insonni qo'lidan nima kelishi, qadriyatlar, fikr va dunyo qarash muhim bo'lib qoldi!
O'z ustida doimiy ishlaydigan yoshlar yuksak marralarni qo'lga kirita boshladi. Ular qanday yoshlar edi deyilsa, hamma narsadan cheklanib o'qishga majbur bo'lganlar emas,
maqsadi aniq, nima uchun harakat qilayotganini biladigan, tushunadigan yoshlar edi!
P.S. "Shuncha gapirding nima demoqchisan o'zi?" - Agar e'tibor bilan o'qigan bo'lsangiz, bildingizki, bizga hech qanday
cheklovlar yordam bermaydi. Bizdan talab qilinadigan narsa bu yoshlarga
maqsad qo'yishida ko'maklashish va shu maqsadlariga erishishligida yordamimizni ayamasligimizdir!
https://t.me/samandar_zokirov_SMM
127 viewsJAVOHIR, 02:26