2022-05-25 07:27:34
نضرب مثال من الواقع لتقريب الفكرة
إذا طالب مثلاً خابص الأستاذ مالته
آني شاطر
وآني ذكي
وآني وآني..
راح يرد عليه الأستاذ
تمام مادامك تدّعي انو انت شاطر ومتفوق
تعال اثبتلنا صحة كلامك بالامتحان
خل أمتحنك وراح يبين هل أنت صادق أو كاذب؟
يجي الطالب بالإمتحان
إذا كان صادق بكلامه راح يبين من إجتيازه للإمتحان بنجاح.
وإذا كان كاذب هم راح يبين من الامتحان من خلال عدم الإجابة.
وهنا راح تطلع الأمور الخفية اللي بداخله
فمن يتبين اله إنو هو ما كان صادق راح يضل يتذمر ويسخط ويحقد على الأستاذ .
يضل يتهم الأستاذ بعدّة اتهامات
انت تريد تنتقم مني من خلال هالأسئلة الصعبة
وانت ما تحبني
وانت وانت
ويذب كل الصوچ بالأستاذ وأسئلته
مع انو هي أسئلة عادية ولو چان شاطر مثلما گال چان جاوب عليها بكل هدوء وتقبّل
بس الإمتحان فضحه.
ولله المثل الأعلىنفس الشيء احنا وي رب العالمين
هم نخبص الدنيا
احنا صالحين
نصلي ونصوم
وننطي صدقة
وزينين وي الناس
بس من يختبرنا الله بفد بلاء
نطلع على حقيقتنا الخفية
يبدي التذمر والسخط والإعتراض
ونضل نتهم الله بعدله
وقضاءه وقدره
مع انو الاختبار يناسب قدرتنا وطاقتنا
لا يُكلّف الله نفساً إلا وسعها
بس بسبب تهورنا والجهل اللي عدنا بحكمة الله نعترض
مثل الطالب اللي اتهم أستاذه بأسئلته
173 viewsنرجس مازن الميالي, 04:27
ا
