ကျတော်တို့ဟာ ဒီမိုကရေစီခေါင်းဆောင်ဆီကနေ ကွန်မြူနစ်အမွေတွေအလုံး | Online News Channel

ကျတော်တို့ဟာ ဒီမိုကရေစီခေါင်းဆောင်ဆီကနေ
ကွန်မြူနစ်အမွေတွေအလုံးအရင်းရလိုက်တယ်

ဒီမိုကရေစီလေးမှ လေးဘက်ထောက်မယ်
လမ်းလျှောက်တတ်မယ်ကြံကာရှိသေးတယ်
လူထုဒီမိုကရေစီခေါင်းဆောင်က လူကိုမကြည့်နဲ့
ပါတီကိုပဲကြည့်ဆိုတဲ့ ကွန်မြူနစ်အနှစ်သာရအပြည့်နဲ့
စကားတော်ကြီးကို မျက်နှာပြောင်တိုက်ပြီး
မိုး​ကြိုးပစ်သလိုပြောချလိုက်တယ်။
အဲ့ကတည်းက ကျတော်တို့ဒီမိုကရေစီဟာ
ငယ်ငယ်ရွယ်ရွယ်နဲ့မိုးကြိုးပစ်ခံလိုက်ရတာ။

လက်တွေ့ကျကျပြောရရင်FPTPဟာ လူပေါ်
(ကိုယ်စားလှယ်ပေါ်)အခြေခံရတဲ့ရွေးကောက်ပွဲစနစ်။
PRကကျ လူထက်ပါတီအပေါ်အခြေခံရတဲ့စနစ်။
အဲ့မှာ PRကိုကျခါးခါးသီးသီးဆန့်ကျင်ပြီး PRရဲ့
ပင်မအနှစ်သာရဖြစ်တဲ့ ပါတီကိုအခြေခံရမယ့်
မူကိုကျ ချစ်မြတ်နိုးတော်မူရှာတယ်။
လူကိုမကြည့်ပါနဲ့ ပါတီကိုပဲဲကြည့်ပါတဲ့။

လူထုခေါင်းဆောင်ဟာ ဖက်ဒရယ်စနစ်ကိုလည်း
ချစ်မြတ်နိုးတယ်လို့လူသိရှင်ကြားထုတ်ပြောခဲ့တယ်။
ဒါပေမယ့် တိုင်းရင်းသားလူနည်းစုတွေအပါအဝင်
လူနည်းစုတွေရဲ့ ရှုံးနိမ့်သွားတဲ့မဲတွေကို ပြန်ပြီး
အဖတ်ဆည်ကုစားပေးနိုင်မယ့် PRစနစ်ကိုကျ
ခါးခါးသီးသီး ငြင်းပယ်ခဲ့တယ်။

လူတယောက်က အဲ့လိုရှေ့နောက်မညီတာ
ပြသနာမရှိပေမယ့် အဲ့လိုရှေ့နောက်မညီပဲနဲ့
ကွန်မြူနစ်ဆန်နေတာကို ဒီမိုကရေစီလို့ လူအများက
ထင်သွားကြရင်တော့ ပြသနာအကြီးကြီးရှိပါတယ်။

အကျိုးဆက်အနေနဲ့ အခုအရေးတော်ပုံဟာ
ကွန်မြူနစ်ဝါဒနဲ့ကွန်မြူနစ်တွေရဲ့ ချယ်လှယ်ခြင်းကို
သိသိသာသာခံနေရတာပါပဲ။ကမ္ဘာကျော်ကွန်မြူနစ်
ကြွေးကြော်သံဖြစ်တဲ့ နှောင်ကြိုးမှတပါးဆုံးရှုံးစရာ
မရှိဆိုတဲ့ ကြွေးကြော်သံနဲ့ သခင်သန်းထွန်းရဲ့
ဗားဂရာကြွေးကြော်သံကိုတုပပြီး ဗားဂရာချောက်ကို
စစ်ခွေးအရိုးနဲ့ဖို့မယ်ဆိုတဲ့ကြွေးကြော်သံတွေကို
အရေးတော်ပုံထဲပေါ်တင်စွဲသွင်းလာကြတယ်
ကွန်မြူနစ်တွေက။

အဲ့တာက အပေါ်ယံအသွင်သဏ္ဍန်ပိုင်းမှာမြင်ရတာ။
အနှစ်သာရပိုင်းကိုကြည့်မယ်ဆိုရင်လည်း
ကွန်မြူနစ်ဝါဒဟာ အရေးတော်ပုံရဲ့ အတွင်းပိုင်း
မူဝါဒအထိ ချယ်လှယ်နေတာကို တွေ့ရပါလိမ့်မယ်။
လိုချင်တာရဖို့ နည်းလမ်းအသွယ်သွယ်ရှိပေမယ့်
တိုက်ဖို့ကလွဲပြီးကျန်နည်းလမ်းအားလုံးကို ဘာနေနေ
ဂရုမစိုက်ပဲ ငြင်းပယ်တာဟာ ကွန်မြူနစ်တွေရဲ့
အထင်ရှားဆုံးမူဝါဒဆိုင်ရာသမိုင်းသက်သေပါ။
အခုလည်းအရေးတော်ပုံဟာ အပြုတ်တိုက်ဖို့ကလွဲပြီး
ကျန်တဲ့ မူဝါဒနဲ့အောင်မြင်ရေးနည်းလမ်းအားလုံးကို
ငြင်းပယ်ထားတာကို တွေ့ရပါလိမ့်မယ်။

အဲ့တာဟာ အရေးတော်ပုံရဲ့ အသွင်သဏ္ဍန်နဲ့
အနှစ်သာရနှစ်ပိုင်းစလုံးကို ကွန်မြူနစ်တွေ
အတွင်းအပြင်ချယ်လှယ်နေခြင်းရဲ့သက်သေပါ။

မဝေးသေးတဲ့သမိုင်းကိုပြန်ကြည့်မယ်ဆိုရင်လည်း
စစ်အာဏာရှင်တွေဟာ လက်နက်အားကိုးနဲ့
ဒီမိုကရေစီကို သင်းသတ်ခဲ့ကြတယ်။မတူညီတဲ့
သဘောထားအမြင်တွေ ပါတီတွေ ရှင်သန်ခွင့်
မရခဲ့ကြဘူး။အမှောင်ခေတ်ကို ဖြတ်သန်းကြရတယ်။

အလားတူ လူထုခေါင်းဆောင်ဟာလည်းလက်နက်နဲ့
ဒီမိုကရေစီကို သင်းသတ်ခဲ့တယ်။သူ့လက်နက်ကတော့
ကွန်မြူနစ်ဆန်တဲ့လူအုပ်ကြီးပါ။လူထုခေါင်းဆောင်ဟာ
အဲ့ဒီလူအုပ်ကြီးကို မပဲ့ပြင်မဆုံးမပဲမြှောက်ပေးခဲ့တယ်။
လက်နက်သဖွယ်အားကိုးပြီး ကျန်တဲ့လူအုပ်တွေကို
ချေမှုံးတိုက်ဖျက်ခဲ့တာ အားလုံးအမြင်ပါပဲ။

လူထုခေါင်းဆောင်လက်ထက်မှာ နိုင်ငံအပေါ်
တကယ်စေတနာရှိပြီးလုပ်နိုင်စွမ်းရှိတဲ့
ဘယ်ပါတီဘယ်နိုင်ငံရေးသမားမှ မြန်မာ့နိုင်ငံရေးမှာ
ရပ်တည်ခွင့်မရခဲ့ကြပါဘူး။ခေါင်းပြူလာတာနဲ့
သူတို့ရဲ့မူဝါဒတွေလုပ်ငန်းစဥ်တွေဘယ်လောက်အထိ
ကောင်းကောင်း လူထုခေါင်းဆောင်ရဲ့လူအုပ်ကြီးဟာ
ငါနဲ့မတူငါ့ရန်သူလုပ်ပြီး အပြတ်နှိပ်ကွပ်ကြတော့တာပဲ။
အဲ့လိုမျိုးသူ့လူအုပ်ကြီးက အုပ်စုဖွဲ့အနိင်ကျင့်နေတာကို
လူထုခေါင်း​ဆောင်ကမတားတဲ့အပြင် အားပေးခဲ့တယ်။

အဆိုးဆုံးကတော့ ပါတီနိုင်ငံရေးအတွင်းတင်မကပဲ
အောက်ခြေလူ့အဖွဲ့အစည်းအတွင်းမှာပါ မတူညီတဲ့
သဘောထားအမြင်နဲ့အသံတွေကို လူထုခေါင်းဆောင်ရဲ့
လူအုပ်ကြီးက နည်းမျိုးစုံနဲ့ နှိပ်ကွတ်ခဲ့တာပါ။
နိုင်ငံသားတိုင်း ပြည်သူအယောက်စီတိုင်းဟာ
ကိုယ့်အမြင်ကို တန်းတူထုတ်ပြခွင့်မရခဲ့ကြဘူး။
အကြီးမားဆုံးဆုံးရှုံးမှုကတော့ လူထုခေါင်းဆောင်ဟာ
ဒီမိုကရေစီအမည်ခံထားတာကြောင့် သူ့ရဲ့
ကွန်မြူနစ်အမူအကျင့်တွေကို ဒီမိုအမူအကျင့်လို့
လူအုပ်ကြီးက မှတ်ယူသွားတဲ့ ပြသနာပါ။

အကျိုးဆက်ကတော့ အခုတော်လှန်ရေးထဲကို
ကွန်မြူနစ်တွေ ဝင်ရောက်ချယ်လှယ်ဖို့အတွက်
လုံလောက်တဲ့အထိ လူအုပ်ကြီးထဲကို
ကွန်မြူနစ်အမူအကျင့်တွေစိမ့်ဝင်နေအောင်
လူထုခေါင်းဆောင်က ပျိုးထောင်ပေးခဲ့တာပါ။
သို့မဟုတ်မတော်တဆ သတိလက်လွတ်
ပျိုးထောင်ပေးခဲ့မိတာကြောင့် ကွန်မြူနစ်တွေဟာ
အလွယ်တကူပဲ တော်လှန်ရေးရဲ့ မူဝါဒအထိ
ကြိုးကိုင်ချယ်လှယ်နိုင်တာပဲ ဖြစ်ပါတယ်။

အခုဆိုရင် အရင်တုန်းကထက်တောင် ပိုဆိုးလာတယ်။
ကိုယ်ယုံကြည်တဲ့ လွတ်လပ်တဲ့အမြင်ဟာ
လူအုပ်ကြီးနဲ့ဆန့်ကျင်နေရင် မပြောရဲကြတော့ဘူး။
မပြောကြတော့ဘူး။ကိုယ်တိုင်လည်း ပို့စ်မတင်ခင်
ကွကိုယ်ဆင်ဆာလုပ်ပြီးမှတင်ရတဲ့အနေအထားပဲ။
အရင်တုန်းက အကောင့်အတုတွေကိုအထင်သေးပေမယ့်
အခုတော့ အကောင့်တုတွေကို ကိုယ်နဲ့တန်းတူထားပြီး
စာနာနားလည် သနားတတ်လာတယ်။

ခေတ်ကိုက ကိုယ်ယုံကြည်တဲ့ မှန်တယ်ထင်တဲ့
အမှန်တရားကို အကောင့်ပုန်းအကောင့်တုနဲ့
ပြောမှ လုံခြုံအဆင်ပြေတဲ့ခေတ်ဖြစ်နေတာကိုး။