မနေ့က ဇေကမ္ဘာကိစ္စအပြီး စည်ပင်အုပ်စုပါ အတွဲလိုက် ပါသွားကြပါပြီ | Myanmar Ebooks
မနေ့က ဇေကမ္ဘာကိစ္စအပြီး စည်ပင်အုပ်စုပါ အတွဲလိုက် ပါသွားကြပါပြီ။
အမှန်က စည်ပင်မှာ တပ်အငြိမ်းစားတွေ အများစုပါပဲ။ ဒါပေမယ့် စားလိုက်ဝါးလိုက်ကြတာမြင်မကောင်းပါဘူး။ မြေယာဌာနရဲ့ ရစ်နည်းပေါင်းစုံနဲ့ ပြည်သူတွေကို ညစ်ပတ်ထစ်ငေါ့ငွေညှစ်နေကြတာ ကမ္ဘာဆွေးနေပါပြီ။
မယုံကြည်ဘူးဆိုရင် အမှုတွဲအရေအတွက် နဲ့ အမှုဖြစ်စဥ်ကာလကိုသာ ပြန်စစ်ဆေးကြည့် တယောက်မှပြေးမလွတ်ပါဘူး။ ဘယ်လောက်ညစ်ပတ်သလဲဆိုရင် တရားရုံးမှာ နှစ်များစွာအမှုရင်ဆိုင်ပြီး အနိုင်ရလာသူရဲ့မြေကို တိုင်းထွာပေးပါလို့ တောင်းခံနေတာတောင် တရားရုံးရဲ့အနိုင်ဒီဂရီပါနေလျှက်နဲ့ နှစ်ပေါင်းများစွာ ညစ်ပတ်ထားတဲ့ ဌာနဆိုတော့ တွက်သာကြည့်ပေတော့။
နောက်သတင်းတခုတွေ့ရတာက လောင်စာဆီနဲ့ ပြည်သူကိုဒုက္ခပေးနေတဲ့ တိုးနိုင်မန်း ခေါင်းဆောင်တဲ့ လောင်စာဆီအုပ်စုလည်း မီးလောင်နေပြီကြားတယ်။ အဲလိုကိုင်တွယ်တာ နစကရဲ့ အကောင်းဖက်ဦးတည်နေတဲ့ အရွေ့လို့ ယုံကြည်ပါတယ်။ အဖျားရှူးမသွားရင်ပေါ့လေ။ ရမ်းသမ်းချီးကျူးရမှာလည်း ခပ်ကြောက်ကြောက်ဖြစ်နေရတာဗျ။
ကဲ ကျနော်တို့လို ပြည်သူတွေကို နောက်ထပ်မလိမ့်တပတ်နဲ့ လည်ပင်းညစ်နေတဲ့အုပ်စုကတော့ ဘိလပ်မြေအုပ်စုပါပဲ။
တပ်ချုပ်ကြီးက ဘိလပ်မြေကို စက်ရုံတွေ ရှိနေပါလျှက် ပြည်ပကတင်သွင်းနေတာ မဟုတ်သေးဘူး။ ကွာလ်တီမှီအောင် အဆင့်မြှင့်ထုတ်ကြပါ။ စက်တွေအတွက်အရင်းအနှီးလိုရင် အစိုးရကချေးပေးမယ် ဆိုပြီး ညွှန်ကြားပါတယ်။
ဒီတော့ မြန်မာ့ဘိလပ်မြေ ဝယ်ရောင်း ခရိုနီလုပ်ငန်းအုပ်စုက ဘိလပ်မြေစက်ရုံတွေကို အဆင့်မမြှင့်ရသေးပဲ စက်ရုံသတ်မှတ်စျေးနဲ့ အားလုံး စာချုပ်ချုပ်ဆို ထိမ်းချုပ်လိုက်ကြပါတယ်။ ပြီးတော့ တပ်ချုပ်ကြီးမူဝါဒဆိုပြီး အာဏာပိုင်တွေနဲ့ပေါင်းပြီး ယိုးဒယားဘိလပ်မြေတွေ အဝင်မခံတော့ပါဘူး။
ဘိလပ်မြေစက်ရုံတွေဟာ အဆင့်မမြှင့်ပဲ မူလအရည်အသွေးခပ်ညံ့ညံ့ပဲ ဆက်လက်ထုတ်လုပ်နေပြီး ကျနော်သိဖူးတဲ့ စျေးနှုံး ၄၀၀၀ိ/ နဲ့ အဆိုပါအုပ်စုကို စက်ရုံဂိုဒေါင်မှာပဲ လွှဲပြောင်းပေးနေရပါတယ်။
အဲဒီကနေ တဆင့်ပြန်ရောင်းချိန်မှာ စက်ရုံရှိရာဒေသမှာပဲ ၉၀၀၀ိ / ၁၀၀၀၀ိ ဖြစ်နေပြီး ရန်ကုန်ဝန်းကျင်မှာ ၁၂၀၀၀ိ ဖြစ်နေရပါတယ်။
ယိုးဒယားထုတ် အကောင်းစား ဘိလပ်မြေ ၆၀၀၀ိ လောက်နဲ့ တင်သွင်းရောင်းချနိုင်ပါလျှက် မြန်မာထုတ် အညံ့စား ဘိလပ်မြေ အစုတ်အပြတ်ကို ၁၂၀၀၀ိ ပေးဝယ်သုံးနေရတဲ့ တရားခံက အဆိုပါ ဘိလပ်မြေ လက်ဝါးကြီးအုပ် အုပ်စုကြီးကြောင့်ပါပဲ။
နောက်ကွယ်က လူတွေကတော့ ဆီအုပ်စုရဲ့ နောက်ခံဘက်ဂရောင်း ဦးရွှေမန်းတို့လိုပဲ သြဇာကြီးခဲ့တဲ့ လူကြီးတဦးပဲလို့ သတင်းရပါတယ်။ ဘာပဲပြောပြော ဦးပိုင်ရဲ့ ဘိလပ်မြေစက်ရုံတွေကိုပါ စာချုပ်နဲ့ ဝယ်ထားတဲ့ ကုမ္ပဏီကိုစစ်ဆေးရင် ဘယ်သူဘယ်ဝါတွေ ဘယ်လိုပတ်သက်ပြီး ပြည်သူတွေရဲ့ နေရေးကိုအကြောင်းပြု ဂုတ်သွေးစုတ်နေသလဲဆိုတာ မလွှဲမသွေပေါ်လာပါလိမ့်မယ်။
တပ်ချုပ်ကြီးရဲ့ ရေရှည်မျှော်မြင်ပြီး လုပ်ဆောင်ဖို့ မိန့်ခွန်းပြောခဲ့တာကို မိမိအကျိုးအတွက် အသုံးချပြီး ကုန်သွယ်မှုပိုငွေပြရေးဆိုတဲ့ တစိတ်တပိုင်းသော မူဝါဒကို အကြောင်းပြပြီး စက်ရုံအဆင့်မြှင့်ရေး ပစ္စည်းကွာလ်တီမြှင့်တင်ရေးအတွက် မပြုလုပ်သေးပဲ လူလည်ကျကာ မလိမ့်တပတ်ပြု ဂုတ်သွေးစုတ်နေတဲ့ ဘိလပ်မြေအုပ်စုကိုလည်း နစက အနေနဲ့ သတိပြု ထိမ်းချုပ်ဖို့ လိုနေပါပြီ။
၂၀၀၈ နာဂစ်ကာလမှာ အဲသလိုပဲ အိမ်ဆောက်ပစ္စည်းတွေ အဆမတန်စျေးတင်ရောင်းခဲ့တဲ့ ကုန်မာဆိုင်အုပ်စုကို ဘရွှေကြီးကတော့ ရှင်းရှင်းပဲ အကုန်ဖမ်းထောင်ချပစ်လိုက်တယ်။ ဆောက်လုပ်ရေးပစ္စည်းတွေ အခွန်လွှတ်ပေးပြီး စျေးမှန်နဲ့ရောင်းချစေခဲ့တယ်။ ဒါတွေက ပြည်သူတွေ တကယ်အကျိုးရှိစေခဲ့တဲ့ သမိုင်းမှန် လုပ်ရပ်မှန်များသာဖြစ်ပါတယ်။
ယခုလည်း နစကအနေနဲ့ အဲလို နမူနာကောင်း သမိုင်းကောင်း လမ်းကြောင်းကို အမြန်ဆုံးဖော်ထုတ် အကောင်အထည်ဖော်ဖို့ လိုအပ်နေပါပြီ။
ပြည်သူတွေ အမှန် မသေရုံစားနေကြရပြီး ငတ်နေပါပြီ နစကကြီးခင်ဗျား။
Myo Win
