ခရီးစဉ်မှာ မြင်တွေ့သလောက်တော့ ရုရှားမှာလည်း နျူစွမ်းအင်နဲ့ E- bus တွေ ဆွဲနေတာ တွေ့ခဲ့တယ်။ အဓိက ကတော့ စွမ်းအင်ပါပဲ။ နျူစွမ်းအင်လည်း ရှိသလို ရေနံထွက်အားလည်း ကောင်းတဲ့နိုင်ငံအတွက် လျှပ်စစ်က Transport တိုင်းမှာ နေရာယူတာ ဆန်းတော့မဆန်းဘူး။
အိမ်နီးချင်း ဘင်းမှာလည်း နျူဆောက်နေတာရှိလို့ ကိုယ်နိုင်ငံလည်း နောက်ကျမကျန်စေချင်ဘူးဆိုရင် မှီရာကားနဲ့ လိုက်ရမှာပါပဲ။ နျူဆိုတဲ့နေရာမှာလည်း လက်နက်အတွက် သာ လက်မှတ်ထိုးထားတယ်ဆိုတဲ့အချက်ကို သတိပြုရမှာ ဖြစ်ပါတယ်။ တိုင်းပြည်ဖွံ့ဖြိုးတိုးတက်ဖို့ အတွက်ဆိုရင် လျှပ်စစ်က အခြေခံ အကျဆုံးပါပဲ။ ဒီနေရာမှာ ဖွံ့ဖြိုးဆဲ နိုင်ငံတခုအတွက် ရွေးချယ်စရာ များများစားစား မရှိပါဘူး။ ဖွံ့ဖြိုးပြီး နိုင်ငံတွေတောင် ကျောက်မီးသွေးစနစ် ကို လည်ပတ်နေရသေးရင် တချို့ဝေဖန်မှုတွေကို မျက်ကွယ်ပြူထားဖို့ လိုပါတယ်။ ပြောချင်တာက လျှပ်စစ်ကို ရေအားကပဲ ရရ၊ ကျောက်မီးသွေးကပဲ ရရ ဒီနိုင်ငံမှာ လျှပ်စစ်မီးအခြေခံရှိမှ ကျန်တာ ဆက်လုပ်လို့ရမှာ ဖြစ်လို့ မဖြစ်မနေ အကောင်အထည်ဖော်ရမှာဖြစ်ပါတယ်။
ခုတခေါက် ပြည်ပခရီးစဉ်မှာ ဒီလုပ်ငန်းစဉ်လေးတွေ ပါလာခဲ့ရင်တော့ တိုင်းပြည်အတွက် အကျိုးရှိ စေမှာ အမှန်ပါပဲ။
ဖိုးစီ
